#في_الغرفه_التاسعه

في الغرفه التاسعه ١٤

#في_الغرفه_التاسعه١٤
#الجزء_الثاني
زينب الموسوي

السلام عليكم
———————-
#سفره_مدرسيه

_______________

زهراء

رقايق ثلج نازله  من السمى  بقوه وغطت الكاع
والهوى يجمد الاحساس داخل  النفس و يتسرب من الشبابيك القديمه    .. وينذر بعاصفه قويه .. والعواصف ميزة   شهر الواحد  بهذي المدينه
واقسى شتى  شفته من وصلنا  ٩٤ لحد  هاي
السنه ٩٧
مسحت بخار التكثيف عن الجام
ولصقت قطع. السيلفون  على الشباك  فالسيلفون يحافظ على حرارة الغرفه وسديت البردات .. دموعي نزلت  واني  اتذكر   فرحتهن بالثلج .. من ينزل ويعطلون المدارس ونخلص الليل اني وياهن احجيلهن عن معنى المطر والثلج  اشبهه برسايل من الله تذكرنا بقدرته ورحمته الشملت النبات والارض
وعلينا ان نعترف بقدرته ونطلب رحمته بالصلاه والدعاء وقت نزولهن
ولجانب العباده  من نفرغ منها  ناخذ جانب ترفيه احجيلهم قصه او يقرون قصص من كتبهم   او نرسم ونلصقت على الابواب
نخبص المطبخ باكله  تخطر ابالنا   بساعتها
   ...

تعبت عليهن وعلمتهن حتى غرزة الابره ..
وللاسف  نكرني   ونكرن  ابوهن .
وفضه اخذتهن من المدرسه وبرضاهن  والمديره اكدت هالشي
..واختارت تسكنهن بغرفه  بموتيل   ( فندق صغير .. يؤجر الشقق. بأجر يومي )
قذر  ورخيص  حتى تضغط علينا  نفسيا..

اه من الساعه الوگف باص المدرسه  وماانزلنه منه .. هبيت من البيت مثل المجنونه ..اركض والبرد يجمد اوصالي احس بيت اهلي صار ابعد
مايكون عني ..
طبيت عليهم ادگ على راسي واصرخ
( مريم وساره مارجعن من المدرسه )
لزمتني دعاء اول وحده .. واحمد  الخلاني استرجع عقلي وذكرني برقم المعلمه والمديره
اتصلت بيهن دموعي تجري وگلبي يتراجف  وعرفت الصار  بالتفصيل

رجعت للبيت لگيت سجاد    يصرخ جوعان

خفت ارضعه وحليبي ياذيه لاني شايطه حرگه ورهبه ..
گعدت بالگاع اضرب على صدري واصرخ  صرخته واساله
( شگول لابوك .. يووم سجاد اخواتك  راحن من ايدي )

حيلي انهد  وتركته لباجي  .، ترعاه..

وعلى هالحال تميت  الى ان اجتي  فضه

.. للبيت وياها شرطه بتبليغ عني وتتهمني ماخذه  املاك كرار .. وتبليغ ثاني عن كرار
تطالبه بااحضانه 
    لكونه  مريضوميگدر يرعاهن
وهذا اجراء تحتاجه  حتى تحصل اوراقهن الرسميه وتسافر بيهن ..
واحمد تبعها بسيارته وعرف الموتيل  ودخلت
باجي شافتهن  ورجعت على وشك ان تفقد عقلها من  قسوة مريم وساره  وذكرت اليه موقفهن من ختلن بالحمام حتى ميواجهنا .. ومااعرف اذا هذي  خوف منهن  لو فضه تدفعهن  لهذي التصرفات حتى  نوافق  على مطالبها  الي تتلخص  ا بيت الكويت يتحول باسمها ومصرف للبنات  .. ١٠٠٠ دولار شهريا  ..
وهذا البلغت باجي بيه  والا تجرجرني بالمحاكم