Unicode
ဒဏ္ဍာရီများကိုသိရှိနေသူ
____________________
သူယောင်မယ်မိန်းကလေး၏ ရှည်လျားသောအနီရောင်လက်သည်းများသည် ယုဂန်၏ရင်ဘတ်ဆီသို့ကြမ်းတမ်းခက်ထန်စွာ ဦးတည်လာသည်။ ရုတ်တရက်အတွင်းဖြစ်သွားသည်မို့ ယုဂန်သည် ကြောင်အမ်းရပ်တန့်နေမိရာ
ဘေးနားရှိအရုဏက ယုဂန်ကိုအနောက်သို့ လျင်မြန်စွာ
ဆွဲလိုက်သည်။ ထို့ကြောင့် ယုဂန်သည် ထို ဇီဝချုပ်စေနိုင်သည့်လက်သည်းရှည်များရန်မှ သီသီလေးလွတ်သွား၏။"သူတို့က သူယောင်မယ်တွေမဟုတ်တော့ဘူး"
အရုဏ ဩရှစွာပြောသည်။
ဘေးဘီတွင်ဝိုင်းရံနေကြသော သူယောင်မယ်များသည်
လှပနူးညံ့သောပုံစံများ တမုမဟုတ်မချင်းကွယ်ပျောက်သွားကာ သူမတို့၏မျက်လုံးများသည် မျက်သားဖြူဖြူဖြစ်သွားပြီး လက်သည်းတို့သည် နီရဲ၍ရှည်ထွက်လာကာ ခက်ထန်သောအသွင်ပြောင်းသွားသည်။ချက်ချင်းဆိုသလို သူယောင်မယ်များသည် သူတို့လေးယောက်အား ဝိုင်းအုံတိုက်ခိုက်ကြတော့သည်။
အရုဏ၊ နန္ဒနှင့် ပီယံတို့သည် သူယောင်မယ်များ၏တိုက်ခိုက်မှုကို လျင်မြန်စွာတုံ့ပြန်ကာကွယ်ကြသည်။ ယုဂန်သည်
လုံးလုံးမတိုက်ခိုက်နိုင်သောကြောင့် သူတို့ ၏နောက်ကွယ်၌နေလျက်သာ တိုက်ခိုက်လာမှုများကို မနည်းရှောင်ရှားနေရသည်။သူယောင်မယ်များ၏လက်သည်းရှည်များသည် ဓားတစ်ချောင်း၏အသွားပမာ ထက်ရှနေကြသည်။ သူမတို့သည် လေထဲတွင်ပါပျံဝဲလာနိုင်လျက် သရဲမိစ္ဆာများကဲ့သို့
အသွင်သဏ္ဌာန်ပင် ပေါ်ပေါက်လာကြသည်။အရုဏသည် သူ၏ဝမ်းဗိုက်တည့်တည့်ထံဦးတည်လာပါသော သူယောင်မယ်တစ်ယောက်၏လက်သည်းရှည်ကို
ရှောင်ရှားရင်း ထိုသူယောင်မယ်၏ရင်ညွန့်ကို ဓားဖြင့်ဆောင့်ထိုးလိုက်သည်။ ထုတ်ချင်းပေါက်သွား၏။ သူမဆီမှသွေးများအလျှံအပယ်ပန်းထွက်လာကာ သူမသည် မြေပြင်ပေါ်သို့ အပုံလိုက်လဲကျသွားတော့သည်။ လဲကျသွားသော သူမ၏ခန္ဓာကိုယ်သည် ရိရွဲသောအဖြစ်သို့ ချက်ချင်း ရောက်ရှိသွားသည်။ အသီးပုပ်တစ်လုံး လိုပင်။
YOU ARE READING
The Everlasting One ( volume 1 )
FantasyStart Date : 4.9.2020 End Date : 24.11.2021 သူဟာ သာမန်တက္ကသိုလ်ကျောင်းသားတစ်ယောက်ပါ ။ မှော်စွမ်းအင်တွေ၊ parallel worldတွေကို ယုံကြည်တဲ့ကောင်လေးတစ်ယောက်ပေါ့။ တစ်နေ့မှာတော့ တခြားကမ္ဘာတစ်ခုကို သူရောက်ရှိသွားတဲ့အခါ...... ဟာ သာမန္တကၠသိုလ္ေက်ာင္းသားတစ္ေ...