Unicode
ဧကန္တ...
မဟုတ်မှလွဲရော...
သူက အရုဏကို...?_____________________________
" ငါပြန်ရောက်လို့ရှိရင် လိုချင်တာတစ်ခုတော့ရှိတယ်..."
ယုဂန်၏နားရွက်နားသို့ တိုးကပ်သွားပြီးနောက် အရုဏ တိုးဖွစွာဆိုသည်။
"မနေ့ညကလို မင်းငါ့ကို နမ်းပေးနိုင်မလား..."
သူ၏အသံမှာ အက်ရှရှနိုင်လှပြီး သူ၏နှုတ်ခမ်းမှထွက်သောလေနွေးတို့ဟာ ယုဂန်၏နားသံသီးကို စိုထိုင်းပူနွေးသွားစေသည်။
**************************
မနေ့ညက...
ယုဂန်သည် လေးဘက်လေးတန် ကာရံထားသောအမှောင်ခန်းထဲတွင် ကျုံ့ကျုံ့လေးထိုင်နေခဲ့သည်။ သူ ထိုအမှောင်ခန်းထဲသို့ ရောက်နေသည်မှာ မည်မျှကြာမှန်းလည်းမသိ။ ဘယ်လိုရောက်လာမှန်းလည်းမသိ။ နောက်ပြီး ဒီအမှောင်ခန်းထဲမှ မည်သို့ထွက်သွားရမည်ကိုလည်း မသိချေ။
အသံတစ်ခုကို ကြားလာရသည်။ ထိုအသံမှာ မပီမသ၊ မပြတ်မသားနှင့် တိုးညှင်းရှတသော်လည်း စကားလုံးတိုင်းကို ယုဂန်အလိုလိုနေရင်း နားလည်နေခဲ့သည်။
"အမှတ်က အရင်လထက်လျော့သွားတယ်...ဒီမှာကြည့်စမ်း...မင်းမမှားသင့်တဲ့ဟာကို မှားခဲ့လို့...မင်းရဲ့အမှတ်တွေနည်းတာ...မင်းလွင်"
မင်းလွင်?
မင်းလွင်....သူက မင်းလွင် ထပ်ဖြစ်ခဲ့ပြီလား....
အမှောင်ခန်းထဲကနေ ဖြတ်ခနဲဆိုသလို စားပွဲတစ်လုံးရှေ့သို့ရောက်သွားသည်။ ယုဂန်၏ရှေ့ရှိ စားပွဲ၌တစ်စုံတစ်ယောက်ထိုင်နေသော်လည်း ရုပ်ကိုသဲသဲကွဲကွဲမမြင်ရပါ။
မဟုတ်သေး...
ရုပ်ကိုမြင်ရသည်။သို့ရာတွင် ထိုရုပ်တို့မှာ တစ်စက္ကန့်လျှင်မျက်နှာတစ်ခုနှုန်းဖြင့် ပြောင်းလဲနေသည်။
ယောက်ျားဖြစ်လိုက်၊ မိန်းမဖြစ်လိုက်...
အသက်ငယ်လိုက်၊ အသက်ကြီးလိုက်...တစ်ခုရှိသည်က ထိုမျက်နှာတွေအကုန်လုံးကို ယုဂန်....
ယုဂန်မဟုတ်....
မင်းလွင်သိသည်။
YOU ARE READING
The Everlasting One ( volume 1 )
FantasyStart Date : 4.9.2020 End Date : 24.11.2021 သူဟာ သာမန်တက္ကသိုလ်ကျောင်းသားတစ်ယောက်ပါ ။ မှော်စွမ်းအင်တွေ၊ parallel worldတွေကို ယုံကြည်တဲ့ကောင်လေးတစ်ယောက်ပေါ့။ တစ်နေ့မှာတော့ တခြားကမ္ဘာတစ်ခုကို သူရောက်ရှိသွားတဲ့အခါ...... ဟာ သာမန္တကၠသိုလ္ေက်ာင္းသားတစ္ေ...