Unicode
မင်းသမီးကို ခိုးပြေးခြင်း Plan !
______________________
"ဘဒ္ဒါ...ယုဂန်ကို လက်မထပ်ချင်ဘူး..."
ဘဒ္ဒါဒေဝီသည် ပြောလည်းပြော၊ ငိုလည်းငို၏။ မျက်ရည်စက်တို့ ဘဒ္ဒါဒေဝီ၏မျက်ဝန်းအိမ်မှ အဆီးအတားမဲ့ ဖိတ်အန်ကျလာပြီး ပါးတစ်လျှောက်စီးဆင်းကာ မေးစေ့မှတစ်ဆင့် တစ်စက်ချင်းကျသွားသည်။ ပါးပြင်မှာ မျက်ရည်စီးကြောင်းတို့ဖြင့် စိုရွှဲနေလေပြီ။
သူမ၏ဘေးတွင် ငုပ်တုပ်ထိုင်နေကြသည့် သူမ၏အစ်ကိုတော်၊ မောင်တော် တို့မှာလည်း မည်သည့်စကားလုံးဖြင့် ချော့မော့ရမည်မသိသဖြင့် နှုတ်ဆိတ်နေကြ၏။ အကုန်လုံးသည် ဘဒ္ဒါနှင့် ယုဂန်ကို တစ်လှည့်စီကြည့်ရင်း မှိုင်တွေနေကြသည်။ သုဒီပါကတော့ လက်ကိုင်ပဝါတစ်ထည်ကို ဘဒ္ဒါအားပေး၍ နှစ်သိမ့်သောအားဖြင့် ကျောကိုဖွဖွလေးပုတ်ပေးသည်။
ဘဒ္ဒါက ဒီပါပေးသောပဝါကိုယူပြီး မျက်ရည်ကိုခပ်ကြမ်းကြမ်းပွတ်တိုက် သုတ်ပစ်၏။ ထို့နောက် ရှိုက်၍ 'ဗြဲ' ခနဲအော်ငိုနေပြန်သည်။
" ကျွန်တော်လည်း အရှင့်သမီးကို လက်မထပ်ချင်ပါဘူးနော်..."
ယုဂန်သည် အားမရှိသောအသံနှင့်ဆိုရှာသည်။ သူကိုယ်တိုင်လည်း အံ့အားသင့်၍ ရှော့ရိုက်သွားသည့်အပြင် စိတ်ရှုပ်နေသဖြင့် ခေါင်းကိုသာ နာနာကုတ်နေမိသည်။ သက်ပြင်း အခါခါချမိ၏။
ဘဒ္ဒါရော၊ သူရော လက်မထပ်ချင်ကြ။ ကာယကံရှင်နှစ်ယောက်မှာ ဤမင်္ဂလာပွဲကို လက်သင့်မခံချင်ကြ။ သို့ရာတွင် မည်ကဲ့သို့ငြင်းရမည်နည်း။ သုရှင်၏နှုတ်ထွက်စကားမှာ ဥပဒေကဲ့သို့ခိုင်မာသဖြင့် သူ၏ဆုံးဖြတ်ချက်ကို ပြင်လိမ့်မည်မဟုတ်ပေ။ ဘဒ္ဒါနှင့် ယုဂန်တို့၏ စိတ်မပါစေကာမူ သုရှင်က မရမကလက်ဆက်ပေးလိမ့်မည်။
ဘုရင့်သမီးတော်နှင့် လက်ထပ်ရခြင်းသည် ဆုထူးတစ်ခုဖြစ်၍ လူတိုင်းချီးကျူးဂုဏ်မြှောက်ကြမည့် နေရာတစ်ခုဖြစ်သည်။ မင်းသမီးဘဒ္ဒါဒေဝီကလည်း ရူပကာ တင့်တယ်ချောမောနေသေး၏။ အများအမြင်၌ ယုဂန်သည် ဘုရင့်သမက်တော်လည်းဖြစ်ဦးမည်။ ဇနီးချောလေးကိုလည်း ရရှိဦးမည်။ ယုဂန်ကို ကံကောင်းသောလူဟု သမုတ်ကြပေလိမ့်မည်။
YOU ARE READING
The Everlasting One ( volume 1 )
FantasyStart Date : 4.9.2020 End Date : 24.11.2021 သူဟာ သာမန်တက္ကသိုလ်ကျောင်းသားတစ်ယောက်ပါ ။ မှော်စွမ်းအင်တွေ၊ parallel worldတွေကို ယုံကြည်တဲ့ကောင်လေးတစ်ယောက်ပေါ့။ တစ်နေ့မှာတော့ တခြားကမ္ဘာတစ်ခုကို သူရောက်ရှိသွားတဲ့အခါ...... ဟာ သာမန္တကၠသိုလ္ေက်ာင္းသားတစ္ေ...