Unicode
သဘောကျတယ်
____________________________နောက်ဆုံးသောစာကြောင်းကို သာမန်ကာလျှံကာဖတ်ပြီးချိန်တွင် ယုဂန်သည် ပါးဖောင်းဖောင်းနှစ်ဖက်ကို မို့တက်လိုက်ပြီး အသက်တစ်ချက်ခပ်ပြင်းပြင်းရှူထုတ်လိုက်၏။
မည်သည့်အရာမဆို ခဏလေးနှင့်မှတ်မိတတ်သောသူသည် ဖတ်ပြီးချိန်ငါးစက္ကန့်တောင် မကြာသောစာကြောင်းကို လွယ်လွယ်ကူကူမေ့သွားကတည်းက သူ ဒီစာအုပ်အပေါ် မည်မျှစိတ်မဝင်စားနေကြောင်း ပေါ်လွင်နေပြီ။
သူလေ့လာနေသောပညာရပ်ဖြစ်သည့် ဝေဒပဏ္ဍိဟူသော ရာသီနက္ခတ်နှင့်ယှဉ်သည့် ဆေးနည်းအဖုံဖုံစာအုပ်ကို ပိတ်လိုက်သည်။ အခုချိန် သူမည်မျှပင် ဖတ်ရှုလေ့လာမှတ်သားလင့်ကစား သူ၏စိတ်က စာအုပ်ထဲမရှိနေသဖြင့်
ဘာတစ်ခုမှ မှတ်မိလိမ့်မည် မဟုတ်ချေ။သူ၏စိတ်ကူးအာရုံမှာ တစ်စုံတစ်ဦးထံလွင့်မျောလျက်ရှိ၏။ အတွေးအာရုံတို့က ကမ္ဘာအပေါ်ကျသည့် နေအလင်းရောင်လို တားမရဆီးမရဘဲ ဦးနှောက်အတွင်း ဖြာဝေစီးဆင်းနေသည်။
ယုဂန် စားပွဲပေါ် ခေါင်းတင်ချလိုက်ပြီး ခေါင်းကိုဘယ်ဘက်အခြမ်းသို့လှည့်ကာ စာရွက်ဖိသည့်ကျောက်တုံးကို ငေးငိုင်စွာကြည့်သည်။ သူ၏စက္ခုအာရုံ ဝေဝါးသွားချိန်တွင် အတွေးနယ်မြေက ထင်ရှားလာသည်။
သူ၏ အတွေးပိတ်ကားစာမျက်နှာပေါ်တွင် မင်းသားအရုဏ၏ပုံရိပ် ပေါ်ပေါက်လာသည်။ လျင်မြန်လွန်းသော စိတ်ကူးအပိုင်းအစများမို့ ရုပ်ပုံများဟာ ဖျတ်ခနဲ ဖျတ်ခနဲပြောင်းလဲနေသည်။
အစိမ်းရောင်တောက်တောက်မျက်ဝန်းတွေ....
ကျားတစ်ကောင်လို၊ မိချောင်းတစ်ကောင်လို ကျဉ်းမြောင်းရှည်လျားသော မျက်စိသူငယ်အိမ်ပြောင်းသွားသည့် သွေးရောင်မျက်ဝန်းတွေ....
ခပ်စူးစူးအကြည့်များနှင့်....
သူ့ကိုမြင်တိုင်း နူးညံ့သွားလေ့ရှိသည့် အရုဏ၏အကြည့်တွေ...စာတွေ မလေ့လာ၊ မမှတ်သားနိုင်ရလောက်တဲ့အထိ
အရုဏအကြောင်း တွေးမိနေတာတော့ မဟုတ်သေးဘူးမို့လား...
YOU ARE READING
The Everlasting One ( volume 1 )
FantasyStart Date : 4.9.2020 End Date : 24.11.2021 သူဟာ သာမန်တက္ကသိုလ်ကျောင်းသားတစ်ယောက်ပါ ။ မှော်စွမ်းအင်တွေ၊ parallel worldတွေကို ယုံကြည်တဲ့ကောင်လေးတစ်ယောက်ပေါ့။ တစ်နေ့မှာတော့ တခြားကမ္ဘာတစ်ခုကို သူရောက်ရှိသွားတဲ့အခါ...... ဟာ သာမန္တကၠသိုလ္ေက်ာင္းသားတစ္ေ...