Unicode
အရုဏမင်းသားကို စိတ်ဆိုးမယ်
_____________________________
"ချွေးမတော် နေမကောင်းဘူးဆိုလို့ သတင်းလာမေးရင်းနဲ့...တော်ဝင်သမားတော်ကြီးဆီလည်းခဏဝင်ပြီး ဆေးတွေတောင်းခဲ့သေးတယ်"
မိဖုရားခေါင်ကြီးပဉ္စမာယာသည် ညင်သာစွာပြုံး၍ပြောရင်း စားပွဲပေါ်ရှိဆေးဘူးတို့ကို သုဒြာဘက်သို့တိုးပေးလိုက်သည်။
" ဒီဆေးက တစ်ကိုယ်လုံးနုံးချိပြီးပင်ပန်းတာကို သက်သာစေလိမ့်မယ်...ညအိပ်ခါနီးတစ်ခွက်သောက်လို့တော့ သမားတော်ကြီးက ပြောလိုက်တယ်..."
အပြာရောင်ဘူးအဖုံးနှင့်ဆေးကို လက်ညှိုးဖြင့်ဖိ၍ သူမပြောသည်။ ထို့နောက် အနီရောင်ဘူးအဖုံးနှင့်ဆေးဘူးကို ညွှန်ပြသည်။
"ဒီဆေးက ဖျားနာတာအတွက်ဆေးတော့မဟုတ်ဘူး...သမားတော်ကြီးကို ဒီဆေးစပ်ခိုင်းထားတာတော့ကြာပြီ...ဒီနေ့မှရတာနဲ့ တစ်ခါတည်းယူလာလိုက်တယ်...မနက် အစာစားပြီးတာနဲ့ ရေနွေးနဲ့သောက်တဲ့...သားသမီးရဖို့အတွက် အထောက်အကူပြုလိမ့်မယ်"
" သားသမီး?"
သုဒြာ ထိတ်လန့်တကြားရေရွတ်သည်။ သူမ မည်သို့ပြန်လည်တုံ့ပြန်ရမည်မှန်းမသိဘဲ ခဏတာငြိမ်သွားပြီး ဘရဏသူကို မသိမသာလှည့်ကြည့်သည်။ ဘရဏသူ မျက်မှောက်ကုတ်ကျနေသည်။
" နေ့စဉ်မပြတ် မှန်မှန်တော့ မှီဝဲရမယ်နော်"
မိဖုရားခေါင်က သုဒြာ၏လက်မောင်းကိုဆုပ်ကိုင်လျက် ရယ်ရယ်ပြုံးပြုံးပြောသည်။ သုဒြာသည် ရွေးချယ်စရာမရှိတော့သည့်ပမာ မချိစွာပြုံးလိုက်၏။
" ဟုတ်ကဲ့ပါ...ခေါင်ဖုရား"
" အခုရော နေလို့ကောင်းရဲ့လား"
"နည်းနည်းတော့သက်သာနေပါပြီ...ဒါပေမဲ့ ခေါင်းတော့ကိုက်နေတုန်းပဲ"
" ဟုတ်လား...အဲ့တာများ အနားယူနေတာမဟုတ်ဘူးကွယ်"
" စောနတုန်းကအထိ သုဒြာအိပ်နေတာပါ...ခေါင်ဖုရားရောက်လာတယ်ဆိုလို့ ထ,လာ..."
" အို...မဟုတ်တာ...အခုပြန်ပြီးအနားယူလိုက်တော့...ကျွန်ုပ်နဲ့က နောက်မှတွေ့လည်းရတာပဲ..."
YOU ARE READING
The Everlasting One ( volume 1 )
FantasyStart Date : 4.9.2020 End Date : 24.11.2021 သူဟာ သာမန်တက္ကသိုလ်ကျောင်းသားတစ်ယောက်ပါ ။ မှော်စွမ်းအင်တွေ၊ parallel worldတွေကို ယုံကြည်တဲ့ကောင်လေးတစ်ယောက်ပေါ့။ တစ်နေ့မှာတော့ တခြားကမ္ဘာတစ်ခုကို သူရောက်ရှိသွားတဲ့အခါ...... ဟာ သာမန္တကၠသိုလ္ေက်ာင္းသားတစ္ေ...