Unicode
သဝဏ်လွှာပါးလိုသည်မှာ...
_____________________________
အမတ်ကြီးအနိဒိစ္စ၏ လွန်ခဲ့သောခုနစ်နှစ်ခန့်က ဆုံးပါးခဲ့သည့် ဇနီးသည်၌ မြတ်နိုးလွန်းသောအကြိုက်တစ်ခုရှိခဲ့သည်။ ယင်းမှာ သဇင်ပန်းများပင်ဖြစ်သည်။
အမတ်ကြီး၏ဇနီးသည် သဇင်ပန်းများကိုနှစ်သက်လွန်းသဖြင့် စံအိမ်တော်၏ခြံဝန်း၌ ဓနိတိုင်များစီရီပြီး သဇင်ပန်းများ အများအပြားစိုက်ပျိုးခဲ့သည်။ သူမ၏ပြုစုယုယမှုကြောင့် ဆောင်းရာသီရောက်တိုင်း စံအိမ်ဝန်းထဲတွင် သဇင်ပန်းများဖွေးဖွေးလှုပ်လေသည်။
သူမ ဆုံးပါးပြီးနောက်ပိုင်းတွင်လည်း စံအိမ်တော်မှ ဥယျာဉ်မှူးက သဇင်ပန်းများကိုဆက်လက်ထိန်းသိမ်းခဲ့သည်။ ထို့ကြောင့် ဆောင်းရာသီရောက်တိုင်း အမတ်ကြီးအိမ်၌ သဇင်မပြတ်လပ်ပေ။
အထက်တန်းလွှာတို့သည် သူတို့၏စံအိမ်တော်များကို အမည်နာမများ ပေးအပ်လေ့ရှိကြသည်။ စံအိမ်တော်အတွက်နာမကို အမတ်ကြီးက ဝေးဝေးလံလံမစဉ်းစားနေတော့ဘဲ စံအိမ်တော်၏ပြယုဂ်အတိုင်း ပေးအပ်လိုက်သည်။
အမည်မှာ 'သဇင်မြိုင်နန်း' ဟူ၍။
တစ်နေ့သ၌ 'သဇင်မြိုင်နန်း' သို့လိပ်မူ၍ စာတစ်စောင်ရောက်ရှိလာခဲ့သည်။
*************************************
ဟီရမြို့တော်ရှိ သဇင်မြိုင်နန်းစံအိမ်တော်ဆီသို့ တတိယမြောက်မင်းသားအရုဏ သဝဏ်လွှာ,ပါးလိုက်သည်။
ယုဂန်နိုင်.......
ဒီသဝဏ်ကိုရေးစဉ်တွင် ကျွန်ုပ်သည် ဇိယတ္တသို့သွားသည့်လမ်းရှိ မုတဟူသောအရပ်၌ စခန်းချနေခြင်းဖြစ်သည်။
ဒီတစ်ည ခေတ္တစခန်းချပြီး မနက်ဖြန်မနက်တွင် ဇိယတ္တသို့ထွက်ခွာမည်ဖြစ်သည်။ ခြေလျင်တပ်အလုံးအရင်းဖြင့် ရအောင်အနိုင်သိမ်းမည်ဟူသော သုရှင်၏အမိန့်တော်အရ
အရေအတွက်ဖော်ပြခွင့်မရှိသော တပ်မများကို ကျွန်ုပ် ဗိုလ်မှူးမင်းသားလုပ်၍ ဦးဆောင်ကွပ်ကွဲရမည်။(တပ်တွင် ဘုရင်နှင့်အိမ်ရှေ့စံမပါဘဲ ယုံကြည်ရသောမင်းသားတစ်ပါး အမှူးအချုပ်အဖြစ် ဆောင်ရွက်ကွပ်ကဲလျှင် ထိုမင်းသားကို ဗိုလ်မှူးမင်းသားဟုခေါ်သည်)
YOU ARE READING
The Everlasting One ( volume 1 )
FantasyStart Date : 4.9.2020 End Date : 24.11.2021 သူဟာ သာမန်တက္ကသိုလ်ကျောင်းသားတစ်ယောက်ပါ ။ မှော်စွမ်းအင်တွေ၊ parallel worldတွေကို ယုံကြည်တဲ့ကောင်လေးတစ်ယောက်ပေါ့။ တစ်နေ့မှာတော့ တခြားကမ္ဘာတစ်ခုကို သူရောက်ရှိသွားတဲ့အခါ...... ဟာ သာမန္တကၠသိုလ္ေက်ာင္းသားတစ္ေ...