Unicode
ရန်ဖြစ်ခြင်းကိုမေ့ပျောက်ကာ သူငယ်ချင်းအသစ်ရလာခြင်း
__________________________" ဘာလ်ို့လဲ... "
အောင်မြင်သောအသံကြောင့် ယုဂန်ကိုယ်လေး တုံ့သွားသည်။
မိမိရှေ့မှ ဒေါသတကြီိးဖြစ်နေသူကို ကြောင်ကြည့်နေမိသည်။တွန့်ချိုးနေသော ထူထူထဲထဲမျက်ခုံးများနှင့်
စိမ်းညှို့သော စိတ်ဆိုးမာန်ရဲမျက်ဝန်း။အဆိုပါလူဟာ ဒေါသထွက်နေတယ်။ ဘာလို့ ဒေါသထွက်နေရတာလဲ။ယုဂန် ဘာလုပ်မိလို့လဲ။ အိတ်လေးကျန်ခဲ့လို့ စေတနာနဲ့လိုက်ပေးတာ ဒေါသထွက်စရာလား။
" ဘီလူးက ဘီလူးလိုနေမှ ရမှာလား"
အက်ကွဲသောအသံက ဘာလို့နာကျင်နေပုံပေါက်ပါလိမ့်။
ဒီစကားဟာ ဘာကိုဆိုလိုတာပါလဲ။
ယုဂန် နားမလည်နိုင်တော့။ ယုဂန် သူ့အပြုအမူကိုလည်း
နားမလည်။ သူ့စကားကိုလည်း နားမလည်။ယုဂန် သူ့ရှေ့ကထွက်သွားချင်သည်။ ထွက်ပေါက်မရှိ။
ယုဂန်၏ နောက်ကျောတွင် ရွှေရေးချတိုင်လုံးက ပိတ်ထားသည်။ အရှေ့တွင် သူက အုပ်မိုးထားသည်။ တိုင်လုံးနှင့်
မင်းသားကြားတွင် ယုဂန်ချောင်ပိတ်မိနေသည်။ကံကောင်းစွာ စောရံက ယုဂန်နားသို့ အပြေးအလွှားရောက်လာသောကြောင့် တော်သေးသည်။
" အရှင့်သား....သခင်လေးအစား ကျွန်တော်မျိုးတောင်းပန်ပါတယ်။သခင်လေးက အတိတ်မေ့ဝေဒနာခံစားထားရတဲ့သူပါ။
သူ မသိလို့ အရှင့်သားကိုဟိုလို ခေါ်လိုက်မိတာပါ။
သူတကယ်မသိလို့ပါ။ ခွင့်လွှတ်ပေးပါ အရှင့်သား။
ကျွန်တော်မျိုးတောင်းပန်ပါတယ်"တောင်းပန်နေသူ၏ သခင်လေးဆိုသူကို အရုဏ သေချာကြည့်လိုက်သည်။ အရုဏကို ကြည့်နေသော သခင်လေးဆိုသူ၏
မျက်လုံးနက်နက်တွေဟာ ဝိုင်းစက်အရည်လဲ့နေသည်။ နီနီရဲရဲနှုတ်ခမ်းလုံးလုံးတွေဟာ ဘာတစ်ခွန်းမှမပြောသော်လည်း
ထိတ်လန့်နေသယောင်ရှိသည်။
YOU ARE READING
The Everlasting One ( volume 1 )
FantasyStart Date : 4.9.2020 End Date : 24.11.2021 သူဟာ သာမန်တက္ကသိုလ်ကျောင်းသားတစ်ယောက်ပါ ။ မှော်စွမ်းအင်တွေ၊ parallel worldတွေကို ယုံကြည်တဲ့ကောင်လေးတစ်ယောက်ပေါ့။ တစ်နေ့မှာတော့ တခြားကမ္ဘာတစ်ခုကို သူရောက်ရှိသွားတဲ့အခါ...... ဟာ သာမန္တကၠသိုလ္ေက်ာင္းသားတစ္ေ...