Unicode
လျှိုဝှက်ခဲ့သောအကြောင်းများ
__________________________မဟာသီဒါသည် စာရေးနေရင်း တစ်ချက်ပြုံးသွား၏။
မဟာသီဒါ့အနားရှိ ရံရွေတော်တစ်ဖြစ်လဲ လူယုံတော်ခင်ရီမှာ မဟာသီဒါ အဘယ့်ကြောင့်ပြုံးသွားသည်ကို စပ်စုလျက်ရှိသည်။" သူ့ကိုခေါ်ဖို့ အချိန်ရောက်ပြီ..."
မဟာသီဒါ တိုးဖွစွာဆို၏။
ခင်ရီအံ့ဩသွားဟန်ရှိပြီး ပါးစပ်ပွင့်အာသွားသည်။မဟာသီဒါ၏ရေးလက်စစာမှာ ရှည်လျားပြီး လိပ်စာတပ်ထားသည်က ဦးဒေဝ၏အမည်ဖြစ်သည်။ စာ၏ဆိုလိုရင်းကို တစ်ခွန်းတည်းပြောရပါက
' ဒေါဏကိုနန်းတွင်းထဲခေါ်ဖို့ ဆောင်ရွက်ရတော့မည် '
ဟူ၍သာ။
( ဦးဒေဝ= သျှသိမြို့စား =အရီးတော်ရဲ့ခဲအို)
****************************
တစ်ကိုယ်လုံးအပြည့် အနက်ရောင်ဝတ်ဆင်ကာ မျက်နှာကိုဖုံးလွှမ်းထားသော သူတစ်ဦးသည် ကျောက်ဆောင်ကျောက်စွန်းတစ်ခု၌ ရပ်နေပြီး သူ့အရှေ့ကြမ်းပြင်ရှိ ဂူအပေါက်ကိုစိုက်ကြည့်နေသည်မှာ အစာကိုရှာတွေ့ထားသည့် ကျ်ီးငှက်တစ်ကောင်လိုပင်။
အနှီလှိုဏ်ဂူသည် ဂူအမိုး၌အပေါက်တစ်ပေါက်ပါရှိပြီး ထိုအပေါက်မှတစ်ဆင့် ဂူအတွင်းသို့ လှမ်းမြင်နိုင်သည်။
အနက်ရောင်ဝတ်ထားသောသူသည် လွယ်ထားသော လေးနှင့်မြားကို အသင့်အနေအထားပြင်လိုက်၏။
လေးတွင်တပ်သောမြား၏ထိပ်မှာ ဂူအတွင်းရှိ တစ်စုံတစ်ယောက်စီဦးတည်နေသည်။ သူ ပစ်မှတ်ကိုချိန်နေခိုက်မှာပင် ဂူအတွင်းမှ အသံတစ်သံထွက်ပေါ်လာသည်။
"ဒီစုန်းမက သတ်ရင်သေတော့မယ်...အစ်ကိုတော်အရုဏပြောသလိုပဲ...ဘယ်လိုသေမလဲ ရွေးကြည့်လိုက်စမ်းပါ...သင့်ဘက်က ပြောလာတဲ့အထိ နှိပ်စက်ပစ်မှာ"
သူ့လက်မှ လေးကြိုးလွတ်သွားသည်။ သူသည် အလွန်အမင်းလက်ဖြောင့်သော လေးသည်တော်တစ်ဦးဖြစ်သောကြောင့် အရှိန်ဖြင့်တွန်းကန်ထွက်သောမြားမှာ လေထုကိုထွင်းဖောက်ပြီးလျှင် ပစ်မှတ်ဆီ တည့်တည့်စိုက်ဝင်သွား၏။
CZYTASZ
The Everlasting One ( volume 1 )
FantasyStart Date : 4.9.2020 End Date : 24.11.2021 သူဟာ သာမန်တက္ကသိုလ်ကျောင်းသားတစ်ယောက်ပါ ။ မှော်စွမ်းအင်တွေ၊ parallel worldတွေကို ယုံကြည်တဲ့ကောင်လေးတစ်ယောက်ပေါ့။ တစ်နေ့မှာတော့ တခြားကမ္ဘာတစ်ခုကို သူရောက်ရှိသွားတဲ့အခါ...... ဟာ သာမန္တကၠသိုလ္ေက်ာင္းသားတစ္ေ...