Unicode
သူ့အတွက် ပထမဆုံးတဲ့
__________________________
အပြင်ဘက်တွင် မိုးများ သည်းထန်စွာရွာသွန်းနေသည်။
အခန်းအတွင်းရှိ ယုဂန်နိုင်သည် မှန်ရှေ့တွင်ရပ်လျက် ဆံပင်ကို အားရပါးရဖြီးသင်နေသည်။
သူသည် သေသေသပ်သပ်လည်းစည်းနှောင်ချင်၏။ မြင့်သထက်မြင့်အောင်လည်း ဆံပင်စည်းချင်၏။ ထိုသို့ဖြစ်အောင် ဆံပင်စည်းရာတွင် ဟိုဆံစကထွက်၊ ဒီဆံနွယ်က မသေမသပ်ဖြစ်နှင့် ဆံပင်စည်းတာနှင့်ပင် အချိန်များစွာ ကုန်လေသည်။ သူသည် တစ်ခါမှ ponytail မြင့်မြင့်ကို ကိုယ်တိုင်မစည်းဖူး၍ အခက်တွေ့နေ၏။
နောက်ဆုံးတွင် လှပသေသပ်သောဆံပင်မြင့်မြင့်စည်းခြင်း၏ လျှို့ဝှက်ချက်ကိုရှာတွေ့သွားသည်။ သူဟာ ခါးကုန်းကာ ခေါင်းကြီးငုံ့လျက် အောက်ကျနေသောဆံပင်တို့ကို ဘီးဖြင့်အလိုက်သင့်ဖြီးရင်း စည်းနေသည်။
" သခင်လေးဆံပင်တွေလည်း ကျွတ်ထွက်ကုန်ပါဦးမယ်...ဖြည်းဖြည်းလုပ်ပါ"
ဘေးနားတွင်ကြည့်နေသော စောရံသည် ဆံပင်နှင့်ပတ်လည်ရိုက်နေသည့်ယုဂန်ကို ကြည့်လျက် စုတ်သတ်သည်။
သူ စည်းပေးမည်ဆိုတော့လည်း သခင်လေးက မစည်းပေးနဲ့၊ သူ့ဘာသာသူလုပ်မယ်တဲ့လေ။
နောက်ပြီး သခင်လေးက စိတ်လည်းမရှည်။ ဆံပင်တွေရှုပ်နေပြီဆို ဖြည်းဖြည်းချင်းနုနုယွယွမဖြီးဘဲ သရက်သီးကိုဓားနှင့်ခြစ်နေသည့်အတိုင်း ဆံပင်ကို ဘီးနှင့်ဇွက်ဇွက်ဇွက်ဆိုပြီး ဖြီးသေးသည်။ ထိုအတိုင်း ကြမ်းကြမ်းတမ်းတမ်းဖြီး၍ဆံပင်ကျွတ်သည့်အခါ သူ့ဆံပင်တွေကုန်ပါပြီ ဆိုပြီး နင့်နင့်နဲနဲအော်တတ်သေးသည်။
" ဆံပင်စည်းရတာ လက်မောင်းတောင်အောင့်တယ်...တော်သေးတယ်...ကြည့်ကောင်းလို့"
ယုဂန်သည် သူကြိုးစားပမ်းစားစည်းပြီး အောင်မြင်သွားသည့် ponytail မြင့်မြင့်ကိုကြည့်ရင်း ဂုဏ်ယူဝင့်ကြွားစွာဆိုသည်။ တစ်ဆက်တည်းပင်
" Ariana Grande နဲ့တူသွားပြီ...ဒီနားက အမွေးနည်းနည်းချရမယ်"
ဟုဆိုကာ နဖူးစပ်ကအမွေးအမျှင်တွေကို မရမကဆွဲထုတ်ပြီး နဖူးပေါ် ချနေသည်။
YOU ARE READING
The Everlasting One ( volume 1 )
FantasyStart Date : 4.9.2020 End Date : 24.11.2021 သူဟာ သာမန်တက္ကသိုလ်ကျောင်းသားတစ်ယောက်ပါ ။ မှော်စွမ်းအင်တွေ၊ parallel worldတွေကို ယုံကြည်တဲ့ကောင်လေးတစ်ယောက်ပေါ့။ တစ်နေ့မှာတော့ တခြားကမ္ဘာတစ်ခုကို သူရောက်ရှိသွားတဲ့အခါ...... ဟာ သာမန္တကၠသိုလ္ေက်ာင္းသားတစ္ေ...