Unicode
လိုအပ်မှားယွင်းမှုများ ရှိနေသည့်ကိစ္စများ
____________________________
မင်းယောဇာသည် သူ၏ရှေ့တွင်ရပ်နေသော လူယုံတော်ကို စူးစူးရဲရဲစိုက်ကြည့်၏။ ထို့နောက် သူ၏သေသပ်သောမျက်ခုံးနှစ်ဖက်ကို ပင့်မြှောက်ကာ
" အာနီက...နောက်ယောင်ခံလိုက်တာကို သိနေတဲ့ပုံစံပေါ့...ဟုတ်လား"
ဟု ပြန်မေးသည်။
" ဟုတ်ပါတယ်...မနေ့က ကျွန်တော်မျိုး သူ့အနောက်ကိုလိုက်တော့ သူကတမင်တကာကိုကွေ့ပတ်ပြီး မျက်ခြည်ပျက်အောင် သွားနေခဲ့ပါတယ်"
"အာနီက ထင်ထားတာထက် လျင်သားပဲ...သူ့ကိုလျှော့တွက်လို့ မရဘူး"
" ကျွန်တော်မျိုးလည်း သူ့ကိုမျက်ခြည်ပြတ်ယောင်ဆောင်ပြီး တစ်နေရာမှာပုန်းခိုနေခဲ့ပါတယ်"
" နောက်ပြီးတော့ရော..."
" သူ့အနောက်ကိုဆက်လိုက်ခဲ့ပါတယ်...သူ အမျိုးသမီးတစ်ယောက်နဲ့တွေ့ပါတယ်...အဲ့ဒီ့အမျိုးသမီးက အရီးတော်မဟာသီဒါရဲ့ ရံရွေတော်ခင်ရီပါ..."
" အရီးတော်လား..."
မင်းယောဇာ အံ့ဩသွားသည်။
သျှသိမြို့စားဦးဒေဝနာမည်ပါမှန်း ကြားသိကတည်းက အရီးတော်ပါဝင်နိုင်ကောင်းရဲ့ဟု မင်းယောဇာခန့်မှန်းထားခဲ့သည်။ သို့သော်လည်း အရီးတော်လို တရားဓမ္မတွင်သာအာရုံစိုက်ဟန်ရှိသော အမျိုးသမီးအိုကြီးက အနှီကိစ္စတွင် မပါဝင်လောက်ဟုလည်း အနည်းငယ်ယုံကြည်နေခဲ့သည်။ အခုတော့ ကြားရသည့်အရာက အံ့ဖွယ်။
သူတော်ကောင်းသဏ္ဌာန်ပြုသော အရီးတော်က ဒီကိစ္စမှာ တကယ်ကြီး ပါဝင်နေတာပဲ...
ကြိုတင်ခန့်မှန်းထားသည့်တိုင် နားနှင့်ဆက်ဆက်ကြားရတော့လည်း အလွန်အမင်းအံ့ဩရသည်ပင်။
မင်းယောဇာသည် မယုံကြည်နိုင်မှု၊ အံ့အားသင့်မှုတို့ဖြင့်
ပါးချိုင့်နက်နက်များ ခွပ်ဝင်သည်အထိ ဟက်ဟက်ပက်ပက်ရယ်၏။ရယ်လို့ဝ,မှ အပြုံးတို့ကိုအဆုံးသတ်ပြီး လေးနက်စွာဆိုသည်။
YOU ARE READING
The Everlasting One ( volume 1 )
FantasyStart Date : 4.9.2020 End Date : 24.11.2021 သူဟာ သာမန်တက္ကသိုလ်ကျောင်းသားတစ်ယောက်ပါ ။ မှော်စွမ်းအင်တွေ၊ parallel worldတွေကို ယုံကြည်တဲ့ကောင်လေးတစ်ယောက်ပေါ့။ တစ်နေ့မှာတော့ တခြားကမ္ဘာတစ်ခုကို သူရောက်ရှိသွားတဲ့အခါ...... ဟာ သာမန္တကၠသိုလ္ေက်ာင္းသားတစ္ေ...