Unicode
မိုးမခပင်အောက် ပေးခဲ့မိသောကတိစကား
______________________
ယုဂန်သည် နန်းတွင်းဥယျာဉ်တော်ရှိရေကန်ဘေးနားသို့ ရောက်လာသောအခါ ရေကန်စပ်ရှိ မိုးမခပင်တစ်ပင်ကို သတိပြုမိသွားသည်။
မိုးမခပင်မှအနွယ်၊အခက်၊အရွက်တို့သည် မြေကြီးကိုထိမတတ် ဖြာကျအုပ်ဆိုင်းနေပြီး လေညှင်းနှင့်အလိုက်
နူးညံ့စွာလှုပ်ခတ်နေသည်။ ထို့အတူ ရေညှိများကြောင့် စိမ်းလဲ့နေသည့်ရေကန်ဟာလည်း ညင်သာသောလှိုင်းကြက်ခွပ်များဖြစ်ထွန်းနေပြီး လှိုင်းများသည် တလိပ်လိပ်ထ,ရင်း ရေကန်စပ်သို့ဦးညွတ်နေလေသည်။ရှည်အိကွေးညွတ်နေသော မိုးမခနွယ်၏အရိပ်အောက်တွင်မူ အစိမ်းရောင်လူသဏ္ဌာန်တစ်ခုသည် အပူအပင်ကင်းစွာ လဲလျောင်းနေလျက်ရှိ၏။
ယုဂန်သည် တိုးဖျော့သောခြေလှမ်းများနှင့် မိုးမခပင်နားသို့တိုးကပ်သွားသည်။ ကန့်လန့်ကာချထားသည့်နှယ်ဖြစ်နေသောမိုးမခနွယ်များကို လက်ဖြင့်အသာလှစ်လိုက်ပြီး ဆိုင်းအုပ်သောမိုးမခပင်အောက်သို့ သူ ဝင်ရောက်လိုက်သည်။ အပင်ခြေရင်းတွင် အရုဏက မျက်လုံးများကိုမှိတ်လျက် လက်နှစ်ဖက်ကို ခေါင်းခုအိပ်ရင်း လှဲနေသည်။
"အိပ်ပျော်နေတာလား..."
ယုဂန်သည် ခါးကိုင်းလိုက်ရင်း အရုဏကိုငုံ့ကြည့်လိုက်၏။ ထိုအခိုက်တွင် အရုဏ၏ခပ်စိပ်စိပ်မျက်တောင်များ ရုတ်တရက်ပွင့်သွားပြီး ကျောက်စိမ်းကဲ့သို့မျက်ဝန်းမှာ
ယုဂန်ကို စိုက်ကြည့်လာပေတော့သည်။ ယုဂန်ကိုမြင်သော် အစိမ်းရောင်မျက်ဆံအလယ်ရှိ အနက်ရောင်သူငယ်အိမ်မှာ မသိမသာကျယ်ပြန့်သွားသည်။"အ့..."
ယုဂန်သည် အရုဏကိုအိပ်ပျော်နေသည်အထင်နှင့် ငုံ့ကြည့်နေရင်း ရုတ်တရက်မျက်စိပွင့်လာသောကြောင့် လန့်သွား၏။ လန့်သွားသဖြင့် အာမေဋိတ်သံတစ်ခုကိုပင် ပြုမိလိုက်သည်။
" ကျွန်တော့်ကြောင့်နိုးသွားတာတော့ မဟုတ်ဘူးမလား"
" အစတည်းက အိပ်မပျော်နေတာပါ"
YOU ARE READING
The Everlasting One ( volume 1 )
FantasyStart Date : 4.9.2020 End Date : 24.11.2021 သူဟာ သာမန်တက္ကသိုလ်ကျောင်းသားတစ်ယောက်ပါ ။ မှော်စွမ်းအင်တွေ၊ parallel worldတွေကို ယုံကြည်တဲ့ကောင်လေးတစ်ယောက်ပေါ့။ တစ်နေ့မှာတော့ တခြားကမ္ဘာတစ်ခုကို သူရောက်ရှိသွားတဲ့အခါ...... ဟာ သာမန္တကၠသိုလ္ေက်ာင္းသားတစ္ေ...