Warning - Sexual Content Alert!
Unicode
ဒီကောင်လေးက မြှူဆွယ်နေတာ
_____________________
ယုဂန်နိုင်.....
ရေကန်ထဲမှ ဘွားခနဲပေါ်လာသဖြင့် အံ့ဩရမည့်အစား
အရုဏပျော်သွားပြီး နှုတ်ခမ်းအစုံတို့ဟ,ကာ ပြုံးယောင်သမ်းသွားသည်။သို့သော် ချက်ချင်းပင် ရုပ်ပြန်တည်သွားပြီး မေးသည်။
"မင်း ဒီကိုဘယ်လိုလုပ်ပြီး ရောက်နေတာ...လဲ..."
အစကမူ အရုဏ၏ပုံစံအတိုင်း မာမာထန်ထန်နှင့် အထက်စီးဆန်သောလေသံဖြင့် မေးမည်ဟု လုပ်ထားသည်။ သို့သော် သူ့အသံမှာ အဖျားခတ်တုန်သွားပြီး နွေဦး၏လေညင်းပမာ ပျော့ပျောင်းတိုးဝင်သွားရသည်။
ယုဂန်သည် သူ့ကို တည့်တည့်လှည့်ကြည့်လာသောကြောင့်ပင်။
ရေမှုန်ရေစက်လေးများ တင်ကျန်နေသည့်မျက်နှာနုနုမှာ
မက်မွန်ပွင့်ဖတ်များ၏အသွေးပမာ ပန်းဖျော့ဖျော့သမ်းနေသည်။ အထူးသဖြင့် ပါးအို့တို့မှာ နီမြန်းနေ၏။ ရှည်လျားသည့် မျက်တောင်စင်းစင်းများပေါ်တွင် ရေစက်အချို့တင်ကျန်နေပြီး နက်မှောင်တောင်ပသောဆံနွယ်များဟာလည်း ရေများဖြင့်စိုရွှဲကာ သူ့ခန္စာကိုယ်တွင် ကပ်တွယ်နေလေသည်။မှင်ရောင်ကဲ့သို့နက်သော မျက်ဝန်းအိမ်ကြီးကြီးမှာ ရီဝေရွှန်းလဲ့နေသည်။ မျက်လုံးထောင့်စွန်းများ နီမြန်းနေပြီး အရည်ကြည်များပင် ဝေ့သီလျက်။ နှုတ်ခမ်းဖူးဖူးလုံးလုံးလေးမှာလည်း အသီးမှည့်တစ်လုံးပမာ ရဲပတောင်းခတ်ကာ စိုစွတ်နေသည်။ အဝေးကကြည့်ရင်တောင် မူးနေမှန်းသိသာလှသည်။
ယုဂန်က ချိုမြစွာပြုံးပြလာသည်။
နီရဲသောပါးအို့လေး မို့တက်သွား၏။ ရှေ့သွားကြီးကြီးလေးနှစ်ချောင်း ချစ်စဖွယ်ပေါ်လာသည်။"ပူအိုက်လို့ ရေလာစိမ်နေတာလေ..."
ယုဂန်နိုင်၏နဂိုအသံနှင့်မတူဘဲ ပြစ်ချွဲချွဲနိုင်ပြီး နှာသံအနည်းငယ်ပါနေသည်။
အရုဏသည် ချောင်းတစ်ချက်ဟန့်ပြီး မျက်နှာကိုတင်းပစ်၏။ မာကြောသော ရေခဲရိုက်မျက်နှာမျိုးကို အတင်းအကြပ်ချိတ်ဆွဲထားသည်။
YOU ARE READING
The Everlasting One ( volume 1 )
FantasyStart Date : 4.9.2020 End Date : 24.11.2021 သူဟာ သာမန်တက္ကသိုလ်ကျောင်းသားတစ်ယောက်ပါ ။ မှော်စွမ်းအင်တွေ၊ parallel worldတွေကို ယုံကြည်တဲ့ကောင်လေးတစ်ယောက်ပေါ့။ တစ်နေ့မှာတော့ တခြားကမ္ဘာတစ်ခုကို သူရောက်ရှိသွားတဲ့အခါ...... ဟာ သာမန္တကၠသိုလ္ေက်ာင္းသားတစ္ေ...