Unicode
နိုင့်ထက်စီးနင်းပြုလိုသူနှင့် မဟုတ်မခံစွာတေးလန်
__________________________________
၄ရက်မြောက်သောနေ့....
လင်းလက်သောနေရောင်ခြည်သည် တိမ်စွယ်များကြားမှ စံအိမ်တော်ပေါ်သို့ ချွန်မြစွာစီးကျနေ၏။ မင်းလွင် တစ်ဖြစ်လဲ ယုဂန်နိုင်တစ်ယောက် စံအိမ်တော်ခြံဝန်းထဲရှိ
ကျောက်သလင်းခုံပေါ်တွင်ထိုင်နေရင်း အပြာရောင်ကောင်းကင်ကို မော့ကြည့်လိုက်သည်။ ကောင်းကင်တွင် တိမ်များ တရွေ့ရွေ့ပြေးလွှားနေသည်။ယုဂန်နိုင်ထိုင်ရာ ကျောက်သလင်းခုံ၏အရှေ့တွင် စံပယ်ချုံပုတ်ရှိသည်။ စောရံပြောပြတာတော့ စံပယ်ပွင့်တဲ့ရာသီမဟုတ်သေးတာကြောင့် စံပယ်ပန်းများမပွင့်သေးဟုဆိုသည်။ ပန်းအကြောင်းတစ်ခုမှမသိသည့် ယုဂန်သည်
စံပယ်ပန်းများ မိုးဦးမှပွင့်ကြောင်း စောရံပြောမှသိရှိခဲ့ရသည်။ သို့စေကာမူ ကျောက်သလင်းခုံ၏ ညာဘက်ဘေးတွင် စီရီထားသောဓနိတိုင်များဖြင့် သဇင်ပန်းတို့ကတော့
ဖွေးဖွေးလှုပ်နေပါသည်။စံပယ်ချုံမှ သစ်ရွက်တို့လှုပ်ရှားသွား၏။ သစ်ရွက်အချင်းချင်းထိခတ်သံအချို့ထွက်ပေါ်လာသည်။
ချုံကြားထဲမှ သစ်ကိုင်းခြောက်များကိုချိုးဖျက်သောအသံကဲ့သို့ တဖျောက်ဖျောက်အသံက ညင်းညင်းသဲ့သဲ့ထွက်ပေါ်လာသည်။ယုဂန် ချုံပုတ်အတွင်းသို့စူးစိုက်ကြည့်လိုက်သည်။
ချုံပုတ်၏တလှုပ်လှုပ်ဖြစ်နေပုံမှာ လေတိုက်သောကြောင့်
မဖြစ်ရာ။ စိမ်းရင့်ရောင်သစ်ရွက်တို့ကြားမှ အဖြူရောင်ကိုထင်ရှားစွာတွေ့မြင်လိုက်ရသည်။ စံပယ်ပန်းတို့မရှိသောကြောင့် ထိုအဖြူရောင်မှာ ပန်းတော့မဖြစ်နိုင်ရာ။
ထိုအဖြူက ကြည်လင်သောအဖြူရောင်။
နူးအိသောသန့်ရှင်းသည့် အဖြူရောင်။ယုဂန် ကျောက်သလင်းခုံပေါ်မှဆင်းကာ ချုံပုတ်ရှေ့တွင်
ဆောင့်ကြောင့်ထိုင်ချလိုက်သည်။"မင်းလား"
ဟုတ်ပါ့မလားဟူ၍မေးလိုက်သောမေးခွန်း။
အဖြူရောင်အမွှေးပိုင်ရှင်က ယုဂန်ရှေ့ကိုထွက်လာရန်အဆင်သင့်ဖြစ်နေလေပြီ။
YOU ARE READING
The Everlasting One ( volume 1 )
FantasyStart Date : 4.9.2020 End Date : 24.11.2021 သူဟာ သာမန်တက္ကသိုလ်ကျောင်းသားတစ်ယောက်ပါ ။ မှော်စွမ်းအင်တွေ၊ parallel worldတွေကို ယုံကြည်တဲ့ကောင်လေးတစ်ယောက်ပေါ့။ တစ်နေ့မှာတော့ တခြားကမ္ဘာတစ်ခုကို သူရောက်ရှိသွားတဲ့အခါ...... ဟာ သာမန္တကၠသိုလ္ေက်ာင္းသားတစ္ေ...