بلقيس : دخلت اسوي العشة لان حمد يتعشة من وقت...
خرب بالي يمهم خالف ايصير شي بين بابة وحمد اووف
خطية حمد اكيد بابة هسة ايذب حرگتة بي..
بلة اروح يم الباب بالكلي اسمع شي خرب لو هنا انسام چان جابت تقرير كامل..
بديت اتقرب من الباب وانة مدنگة وچفت بابة يباوعلي بصدمة بنضرات تسأل جاي اسوين..
انة حطيت ايدي على بطني عود توجعني... من الفشلة چا شسوي...
هوة خطية صدگ اخذني وگعدني
- تعالي على گعدي مريود منچ العشة هوة انتي تعبانة صوچي خليتهن يرحن والله حسبالي تروحين وعلمودچ قبلت يرحن..
- لا اتخاف علي مغص عادي اشوي ويروح بعدين خطية امي خليهة تغير جو مقهورة علي من اجيت وهية شتيلة همي.
- بلقيس بوية ارد احچي وياچ بخصوص هذا الموضوع ماطول محد بالبيت شوفي بوية صح انة بالبدية چنت رايدچ لحمد لچن هسة اشوف تصرفاتة وياچ ما مقبولة بوية حمد مأذيج...
- لا بابة مابينة شي.
- هوة بلسانة گال اكو جان خلاف بينكم وانتم اتحلو بينكم.. بوية اذا ما مرتاح وية حمد ما اجبرچ علية وداعتچ احطچ بعيوني وما اقبلچ الذلة تراني بحيلي والي يأذيچ ما ودتلة امة حتلو حمد.
- بابة والله حمد ما مأذيني بالعكس انة الي تعبتة هواي سبب المشكلة انة مو هوة ماشوفة ما حچة لان ما يريد يطي بية.
- يعني ترحين وية حمد باجر؟
-اي اروح.
-بلقيس خو ما تچذبين علي.
- لا بابة صدگني حمد حيل ايحبني وما فد يوم اذاني ويخاف علي من الهوة بس انة جنت متعافية.
- اذا هيچ يابعد ابوچ معنا الرجال ما غلطان بحقچ وايحبچ ورايدچ چا ليش اسوين مشاكل انتي!؟
- چانت عامية وفتحت هسة انشاء الله بعد ماكو مشاكل بينة.
- هاي السوالف بعدين نحچي بيهم اروح يم رجلچ لان من مساع دايس بطنة وهوة متحمل.
- هههههههه.
طلع بابة وانة بقيت اضحك على حمد اشگد بعد تتحمل وانة السبب بقيت بالمطبخ اكمل بالعشة اشوي ودخلو صاحلي بابة رحتلة گاعد هوة وحمد
- ها بابة؟
- بوية حضري لرجلچ الحمام انطي گلابية مني اينام بيهة.
- انة اشتريتلة من خالة سليمة گلبيات هسة اجيبهم واحضر الحمام.
- اها چا اذا هيج بسرعة رجلچ تعبان.
- إنشاء الله ثواني بس اصعد اجيبهم.
باوعت على حمد وابتسمت لان عيونة ما طاحت مني...
صعدت لغرفتي طلعتلة گلابية جديدة وملابس داخلية ونزلت احس نفسي نگطع شنو هاي اشو صايرة حركتيي ثگيلة خرب نزلت فحطانة.
دخلت للحمام حطيتلة خاواي وعلگت هدومة و اشرتله بمعنى ادخل ورحت للمطبخ احضر العشة بسرعة دخل علي ابوي يستعجلني گتلة بس يطلع اصب مخلصة كلشي حضرت كلشي من طلع حمد صبيت ورحت لبابة علمود ايشيل الصينية حمد گلة عمي انة اگوم اگعد انت
اجة وياي للمطبخ ارد اجيب سله الخضرة حصرني بين الكاونتر وبينة حط راسة برگبتي وهمس
- بلقيس مشتاقلچ وانوب حليانة.
-حتة انة مشتاقتلك.
- صدگ؟
درت علية وظليت امشي ايدي على لحيتة
- شسوي علمود صدگني؟
YOU ARE READING
أنت إم الماضي
General Fictionمازال في قلبي رحيقُ لقائنا من ذاق طعمَ الحب..لا ينساه.. ماعاد يحملني حنيني للهوى لكنني أحيا..على ذكراهُ قلبي يعود إلي الطريق ولا يرى في العمر شيئاً..غير طيف صبانا أيام كان الدربُ مثل قلوبنا.. نمضى عليه..فلا يملُ خطانا ..
