أنت إم الماضي

2

منو هذا ؟
حمد : اي بوية گضيتهة .
عزام: دخلو بوية ليش بالباب

بلقيس : لا انوب يعزم على بيتنة منو هذا وشنو فلمة الواضح يعرفني .
دخلت وچان وراي هذا الي اسمة حمد يستغفر التفتت علي رافعة حاجبي ابينلة انو اسمعة اشو هذا حزرني رفعتلة ايدي بمعنة شكو؟

حمد : ابوي جابنة من العمار للبصرة من اجا اتصال سألتة بالطريق المن رايحين گال البيت عمك سلطان انة اعرف سالفة عمي سلطان الشهيرة الي عاف كل اهلهة علمود بنت الولاية واتبرة منهم وطردو من العشيرة لو ما ابوي چا بقة ذباب جرش ( تابع لغير عشيرة ) گتلة

- شعدنة رايحين لسلطان؟
- انچب ولك هذا عمك لازم تحترمة .
- السموحة بوية بس عمي ما احترم نفسة ليش احرمة .
- حمد يابوي عمك سلطان غير عن الي حچو اهلك ترة چان رفيچي وخوي وابن عمي لچن صار خلاف وطلع من العشير ولا تضن اهو عاف العشيرة لجل مرة .
- شنهي يعني حچي عمامي واخوتة چذب؟!
- بوية خلي الماضي ايولي وخلينة بالحاضر .سلطان اتصل علي وگال عندة مشكلة وهاي اول مرة من بعد ما رحل عن الديرة يطلب مني شي جبتك وياي لجل تسوگ لهلك من المدينة .
- بوية انت جاي من العمارة للبصرة علمود اتحل مشكلتة؟!
- يا بوي شرد من جمايلة والة ديون برگبتي هواي وانة متأكد لو ما الشغلة چايدة فلا يتصل عبن سلطان نفسة عزيزة وخاصة...
- وخاصة شني.
- ماكو شي ذبني بابهم وبعدهة روح خلص شغلق وتعال علي من تخلص

خلصت شغلي واني حاير بامر ابوي احس اكو سر بينة وبين عمي سلطان لچن الغريب ابوي عمرة ما بين انة مديون لاحد اشمعنة سلطان هذا بذات هواي حسبات شاغلة فكري الى ان وصلت لبيتهم فلشت الباب محد طلع
فجأة انفتح الباب واشوفلك مرة طلعتي لا حجاب ولا حشمة وثوبهة مگشمط ...مرتي ما تلبسة من التنام انة سامع بقلة حية بنات المدينة لچن ما حسبت هيچ لا ونوب اجادل وعدهة عين صلفة حاطتهة بعيني االى ان اجة ابوي ودخلني الواضح البيت فارغ تمشي گبالي دنگت جذبتني رجليهة تارسات وبيض وايلمعن رفعت راسي على جسمهة متقسم اتقسم والشعر سالفة وحدة
استغفرت ربي بضجر من تصرفي ..الة هية ادور اتباوع علية بتك عين شني من اعيون حادة عدهة بوية سجاجين خزرتهة رفعت ايدهة اتأشري بعنة شكو .
دخلو للدوانية شنو من بيت بشوات معقولة هذا بيت عمي سلطان ؟
ابوي گعد على القنفات هية بعدهة واگفة بالباب وعلامات الاستغراب واضحة على وجهة المورم من النوم الى حچت

- العفو وبلة صغرة منو انتو؟
- عزام: شنهي يا بوي ما تعرفينة؟اكيد انتي بلقيس بنتة الچبيرة لسلطان.
- اي صح عمو بس منو انتو ما اعرفكم واول مرة اشوفكم ..

اندگ الباب ردت اطلع چان يزمخ هذا من يمة

- شني طرطور اگبالچ انة اطلع افك الباب .
- فتحة اسوي فضل اكيد هذول اهلي بس ما گتلي عمو منو انو وشعجب ما شايفتكم من قبل؟
- بوية انة ابن عم ابوچ الشيخ عزام ابو حمد وهذا وابني حمد .
- هسة اذكرت ابن عمك وين چنتو...