بلقيس : مو همة مضايقين من وجودي خليني اطلع من حياتهم كلهم واخلصهم من وجودي بس بابة وانسام يختلفون ما اويد اضايقهم خطية بابة اشوفة مقهور ومگعدني بصفة يلعب بشعري الي من چنت اصغير ما يقبل اگص منة خصلة ايگلي حلات البنية بشعرهة
- انسام : بابة ترة جاي اغار من بلقيس شنو انة مو بنتك ؟
- بلقيس : لا اتضوجين مني همة ايام و اتخلصون مني اتحملوهم شلون ما كان .
- سليمة : ها خالة مستعجلة شكلچ على العرس .
- مجيد : وانة مقهور اگول بلقيس مجبورة طلعت الخاتون متونسة.
- بلقيس : اي كلش متونسة قابل عندي شي وما اتونس مو حسام .
- بابة : ليش اتسألين حسام ؟
- امي : جاي تشاقة هية واخوهة عادي .
- بلقيس : اي بابة جاي اشاقي حسام و وسام هم انت تدري بعلاقتي بخواني قوية .
- مجيد : حسبالك امهم مو اختهم الچبيرة ليمتة ما تجيچ تفترين وراهم مو موتيهم.
- بلقيس : اي اذيتهم هواي انة لان جنت اهتم بيهم على العموم خلصت .
شاورني ابوي
- بوية ليش صوتچ مختنگ ياهو امضوجچ وداعتچ اموتة اگبالچ .
- لا محد مضوجني بس جاي اضوجهم .
- اها اي براحتچ .
امي : بلقيس گومي خل هديل اشسور شعرچ .
- بلقيس : لا ما يحتاج انة اشسور شعري ما اريد اتعب واحد وياي .
- مجيد : خايبين مني هاي الي صايرة مأدبة ما جاي اعرفهة لو كل وحدة اتعرس اصير مثلچ چا ربحنة ولچ هديوو عرس هم انتي .
ابتسمت بوجهة وگمت رحت طلعت الشسوار اجتني انسام وامي وهديل وخالة سليمة
هديل : انطيني انة اكمل عنچ .
- بلقيس : لا انة اكمل خاف اتعبين؟
- سليمة : يمة بلقيس اكو احد امضوچ ليش احسچ مو انتي اشو كلش رسمية .
- بلقيس : لازم اتعود اكو هواي ناس اضوج من اسلوبي وخاف ايعيرون اهلي .
- امي : عفية ابنيتي .
هديل شسورت شعري چنت ساكتة ما احچي بس على قدر السؤال واذا امي اصلاً ما اجاوبهة اتعمد وحتة گبال خالة سليمة هديل دنگت وگالت
- اشصاير ؟
- لا تهتمين انتي وسوي شعري لا ايفوتني القطار واعنس مو انتي گلتي لازم اعرس .
- بلقيس ترة انة نصحتچ..
- هو انتي كلكم اتنصحون وانة هم ما سويت شي اخذت بنصيحتكم بعد ليش اتلحون .
- لا انتي اكيد زعلانة..
- لا تهتمين لزعلي لان فترة وبعد ما اشوفيني حسب ما فهمت اقل من شهر وانة اروح للعمارة فلا تهتمين .
- بلقيس ترة الي يحچون وياچ ايريدون مصلحتچ.
- هديل حبيبتي عوفي شعري انة اكمل .
- اشبيچ؟
- هاي الحچاية ما ايريدون مصلحتچ اتضوجني وخاف اطلعني من طوري .
-سليمة : جاي اتبسبسن؟
- هديل : هيج ماكو شي بس شعرهة ايضوج.
- بلقيس : عوفي انة اكملة.
- هديل : لا خلصت .
امي : راح انزل اذا تحتاجين شي صيحيني الناس راح تجي راتبي شكلچ ابقي بنفس دشداشتچ بس رفعي شعرچ بشكالة.
- بلقيس : انسام انطيني المبرد بالجرارة.
YOU ARE READING
أنت إم الماضي
General Fictionمازال في قلبي رحيقُ لقائنا من ذاق طعمَ الحب..لا ينساه.. ماعاد يحملني حنيني للهوى لكنني أحيا..على ذكراهُ قلبي يعود إلي الطريق ولا يرى في العمر شيئاً..غير طيف صبانا أيام كان الدربُ مثل قلوبنا.. نمضى عليه..فلا يملُ خطانا ..
