أنت إم الماضي

48

- ليش خليتي هيج ايسوي؟
- ما خليتة والله انه انصدمت بلقيس ما ادري بي هيج راح ايسوي.
- اكعدي واسكتي .. منا لحد ما تروح الناس.
- اكعدي هنا حبابة.
- بس اشوف امي شنو تريد

بلقيس: حركت مخلص كلش محرجة بالبنسبة لانسام يعني هية صح ما متقصدة بس الناس ما ترحم منا هية قبل مدة فاصخة هسة يطلعون ميت سالفة شگلك هذا صاحبهة  ..

- ها مامة .
- حجيتي وية اختج.
- اي .. يمة ترة والله هلكنه ابوي حيل ظغطنه بهاي الفترة.
- شسوي حالي من حالج .. روحي شوفي وسام ونبهي على العشة .
- شلون اطلع خاف برة زلم.
- دگي الباب من جوة وهمة يطلعون

رحت على باب الديوانية دگيته ورحت للمطبخ اجاني حسام

- ها بلقيس شكو؟
- امي تگول روحو شوفو الطباخ خاف يتاخر بالعشة عيب .
- تمام .
- منو جاي؟
- جماعة البوي كلهم تدرين همة نفسهم جماعة ابو مخلص والله يا بلقيس هاي الزواج كلش مفيدة من ناحية التجارية
- حسام روح روح منا مالي خلگ لو تدري مخلص شسوة ما تحجي.
- شسوة!!!
- روح سألة.. بس خليلنه 3 صواني  للنسوان لان اهل مخلص راح يرحون

رحت لامي كتلهة كامل كلشي وگعدت يم انسام منو يشوفني ايگلي بلقيس ما عرفناج كلش ضعفانه ليش هيج ما عدكم اكل انتبهت الروحي ما ارد لو بلقيس قبل چان اكلتهن بكشورهن راحن بقن بس الناس القريبة علينه چان وحدة من النسوان گالتي

- بلقيس ما فد يوم سولفتيلتنه على عرسج هناك .
- امي : فد عرس .

اذكرت يوم عرسي ومشكلتي وية خولة وخواتهة ضحكت

- شصار ما كتيلنه بلقيس؟!
- بلقيس: هجمت علينه مرت حمد وقرايبهة ورة الزفة وصارتلك رگع.
- انسام: يا رگع ولا انسة بلقيس كظتلهة عصة مالت ام حمد بيهة راس مكعبر وظلت يا مرة تجيهة تفشهة براس العصة يمة ولا انسة هذا الموقف النسوان مفشخة جانت معركة طاحنه ههههههههههه
- بلقيس: ههههههههه ولا انسة الرزالة هم.
- انسام: لا القوية حمد چان ظايج لان طگو بلقيس راجدي خشمة نزف دم ويهادد على هاي وعلى ذيج .
- اذا هيج رجلج ليش زعلانه.
- امي: ماكو مرة ورجال ما يصير بينهم مشاكل.
- بلقيس: اكول خال تعرفين شي كل انسان لو يترك مشاكل غيرة ويلتهي بمشاكلة هواي احسن .

هنا امي ما ظلت بس تخزر عود خالة سليمة رادت تكحلهة.

- اكو هواي نسوان وزلم   يطلگون ويرجعون عادي.

استغفر الله

- ليش هية بلقيس مطلگة؟
- امي: لا ما مطلگة .
- سليمة: انه جاي اگول على المشاكل

كمت من يمهن وكعدت على القنفة وانه اكثر شي اكره حشريت الناس يعني لو كل انسان يلتهي بمشاكلة ومشاكل بيته هواي احسن كل بيت بي كوارث جاين حاشرين روحهم بمشاكل بلقيس.