انت جاي اتحاسبني علمود لبسي وانة اخواني ما اعرف شنو صايرلهم بهاي تصرفاتك جاي تثبتلي انة أخطاءت بموافقتي الزواج منك وتراويني الفوارق الي بينة.
- اي بلله احجي الي ضامتة بداخلج هوة گلت اكو شي بيچ لجم اتغيشم واگول تستحي مني وبعدهة عروس.
- اي صحيح انت تتغيشم واسوي روحك ما تعرفني انت من شفتني شنو چنت لابسة ومن عاشرتني وحبيتني مثل ما اتگول شنو جنت البس ومن اجيت صارحتني شنو گتلك گتلك يابن الناس انة وياك بينة فوارق اهواي انت مجتمع يختلف عن مجتمعي گتلي شنو تردين اسويلج ومالي دخل بالمجتمع وانة دارس وانسان متحضر وخليتلي الشمس باليمين والقمر باليسر وبعدين طلعت وعودك فاشوشية وبس حجي وجاي اتلومني لوم نفسك بالاول.
- والله ثم والله لو ما قسم ما امد ايدي عليج چان هسة عرفت اشلون اادبچ الواضح انتي يرادلچ تربية عمي هواي منطيچ مجال.
- انة مرباية مو انت تجي تنتقد تربيتي على الاقل اذا انطي وعد اوفي بي.
ما احسن الة لزم فچي بيدة وحط عيونة بعيوني وبصوت هامس ايخوف
- لا تختبرين صبري يبت الناس لا والله ثم والله ارجع اربيچ من جديد.
- ساعتهة راح تخسرني طول العمر وربك.
عصر فجي حيل
- سدي حلگچ لا اكسر اسنوچ بحلگچ
سمعنة صوت مشي وخبصة اندگ الباب دفعني حمد وزمخ
- روحي لبسي حچاب وغيري ثوبچ بسرعة.
عفتة ودخلت مستحيل ابجي انة حلفت ما ابجي ولا انزل ادموعي علمودة سمعت صوت وسام وحسام بدلت بسرعة وطلعت ركض واشوفلك حسام ملفوف راسة مشيت بسرعة وگعت يمة وشبگتة ميتة خوف علية.
حسام: بلقيس لا تخافين مابية شي وداعتچ مابية شي بس خيطو راسي وبس
سحبني وسام وباوع بوجهي
- منو طاگچ؟
- بلقيس : محد طاگني.
- شنو محد وجهچ بي اثر ادين
- بابة : وسام اختك گالتلك محد يعني محد لا تلح.
ام حمد: لا حچي ابك صحيح البت مطگوگة ما تحچين منهو الي طاگچ.
- بلقيس: يابة محد طاگني بس عندي تحسس صار ايجوز من اختلاف الجو.
- ام حمد: شنهي تحچة هاي شمالچ تهذرمين.
- عزام: بوية عوفكم من جنتنة خلونة بسالفة الاولاد بوية فهموني شنو اصار.
- وسام: شيخنة السالفه كلهة احنة مالنة دخل بيهة همة اجو علينة هدادة وعمو محسن شاهد يعني اتريدنة انصفگلهم وهمة ايكتلونة.
- عزام: بوية احجي السالفه كلهة.
- وسام : الصبح اقترح علينة عمو محسن انروح للصيد وهناك وجان انشوفك جوغت زلم جاية علينة بتواثي عمو محسن عرف كم واحد بيهم وگال هذول ولد عمك حاتم والواضح نيتهم گشرة حاول يتفهم وياهم بس رفضو ودفعو ساعتهة بيدي كسرية مال صيد واستامتهم انة وحسام بس ما لحگنة همة واي واحنة ٣ غدرونة وطيحو حسام.
- حمد: يعني منو المكتول انتم اهم؟
- وسام: افة احنة ننكتل بس لو ما غدرو بحسام وداعتك چان حطمنة رقم جديد بالعركات.
- حمد: تراهم اولاد عمكمما ايجوز هذا الحچي.
- وسام: اگلة هدو علينة بتواثي واتگلي اولاد عمي ترة والله اذيتوني بهاي الحچاية حمد صح انت الشيخ بس احنة من اجينة للعمارة وليهسة ما شفنة من ناسكم بس الاذية طبعاً مو كلهة حاشا الناس الخيرة اول يوم عرسهة تهجمن عليهة بنات حاتم ورادن ايكتلنهة وربك ستر وابوي استلمهة طن رزالة اشلون طگتهن ودافعت على روحة.
بابة: ولك وسام تسكت ولا تجاوز.
-حسام:بوية وسام ما گال شي خطأ ترى احنة اصحابالحگ وهذا الي اتگول علي عمنة ودة ولد ايكتلونة وانتم باقين تتفرجون والحقيقة انة خفت على اختي منهم هذول لا ايخافون الله ولا ايعرفون دربة.
- حمد : انعم الله عليكم ما مرجية منكم اولهة حقكم وحق اختكم يجيكم قبل ردتكم وثانية بلقيس مرتي وانة اعرف اشلون احميهة.
- وسام: لا يا حمد هاي مو صغرة بس بلقيس اختنة وربك ما الوحة الضيم ما دامنة عايشين ولا عاش الي اذيهة وروحو واسآلو الخضارة عنة صح احنة ربات المدينة وبعدنة شباب عشارك طول بعرض ايخاف منة فلا يوم ادي بختي صاير بيهة شي واسكت لو مو ابوي يوگف اگبالي.
- حمد: بوية ومنو الي امذي اختك وبعدين انتم اشمالكم اتهددون ولا جنة اهل.
بابة : ولك وسام ليش ما تحترم الگاعدين؟
- وسام : من رخصتك بويية انة راح لبيت عمي وعلة طاري الاحترام وهو ياهو المحترمنة من ابنك يا شيخ لحد ازلامك بالعشيرة ترحنة زوجنة بتنة مو نهبت ولعلمك يا شيخ فهم ابنك بلقيس ما جانت عاشگة حمد ولا هاويتة وقبلت بالعرس بس علمو ترجع اامودة بيت ابوي وعمامة ما يحتاج ايبسرمنة گوم حسام انشوف عمك خاف متأذي؟
-عزام: وگف عندك شنو تقصد بكلامك ومنو من ولدي حاجي؟
-وسام : اسأل ابنك منصور الشفية بوية ما اعلمك شي بس بلقيس مالهة گعدة هنا.
YOU ARE READING
أنت إم الماضي
General Fictionمازال في قلبي رحيقُ لقائنا من ذاق طعمَ الحب..لا ينساه.. ماعاد يحملني حنيني للهوى لكنني أحيا..على ذكراهُ قلبي يعود إلي الطريق ولا يرى في العمر شيئاً..غير طيف صبانا أيام كان الدربُ مثل قلوبنا.. نمضى عليه..فلا يملُ خطانا ..
