حمد : خمس اشهر ما شايفهة ما خليت لداي دوة حته بابهم گعدت بلكي تطلع ماكو امل بلقيس مقسية گلبهة وياي رجعت للعمارة فتحت بيتهة الي متروس تراب ما تقبل احد يدخلة دخلت لغرفتهة ما باقي منه شي كلشي ما خذته باقي بس دشداشته الي كل ما اشوفهة اذكر يوم فراگنه من طگيتهة اه يا حمد ليت ايدك الكسر وما مديته على بلقيس انه شلون هيج سويت اگعد بيتهة اشوفهة بكل مكان هنا ضحكنه هنا سولفنه هنة تشاقينه حته المطبخ اذكر اخر شي من چانت تحجي وياي ...وغرفته ااااااه هاي قصة ثانيه نمت على فراشهة حلمت بيهة نايمه بحضني واشم بيهة چانت ساكته وتبتسم بعدهة ماتت بيدي چنت اصرح مثل الحرمة وابچي لحد ما فزيت من الحلم اصيح باسمهة ماكو .
يارب اخذ امانتك تعبني هذا العشگ .. وجع بصدري ما بروح .
- بلقيس: صحيت على هوسة وصياح خاله سليمه نزلت اركض
- ها خاله شصاير؟
- شصاير ولج خاله الجيش العراقي دخل الكويت .
- شنو !!!
- اي والله وهناك جماعت ابو حميد وهسة راح علمودهم ويا خاله اخاف لا يسون بي شي
- الله اليستر من الجاينه
- امي: حته ابوج راح هناك هم عندة جماعة..
- بلقيس: يمه ابوي شودى يعني الله اليهديهم هسة وكتهم
وبقينه نلوب لليل دخل ابوي وخالي ويا جايبين صناديگ سأناهم كالو هاي امانات خلوهم يمنه منا احد ما تهدة الاوضاع ونرجهم ..سولفونه عن النهب البوگ و فرهود العراقيين الرايحين للكويت يدخلون للكويت ويبوگون البيوت من غير الجيش ابوي ايسولف وميت قهر على الوضع
- وسام: بوية يعني هسة شنو راح يصير؟
- حسام: ما اتوقع اتمر بالساهل يعني الكويت مو بحدهة اكيد راح تتخل الدول .
- سلطان: بس ربك الحافظ من الجاي متنه من حرب لحرب وكل حرب يهدنه صدام هد .
- امي : سطان اسكت الحياطين الهة اذانات .
- بلقيس: بوية رحمة لوالدين لا تحجي هيج برة لحد يسمع.
- ابو حميد: هوة انتم لو شفتو الي شفنا ما حجيتو ولكم حته النسوان اغتصبوهن بالشوارع شجاي تحجون.
- بلقيس: استغفر الله.. بس عمي ميخالف انتم تعرف جماعت الحزب بكل مكان لا تحجون على النظام ترة بعد ما تنشافون وحته جذة ما نلگالكم .
- امي : جبحلج شهل فال .
- بلقيس: يمه هذا الواقع شنو ما نعرفهم چلاب الحزب بكل مكان چانو يسألون الجهال بالمدارس اهلكم شنو يگولون عن صدام حسين ويله اذا جاهل يگول واحد حجة على الرأيس اعتبرو اختفة .
- سليمه: اي والله هم يجي يوم ونصبح وصدام ماكو.
- بلقيس: ربج كريم لكل ظالم يوم .
ورة غزو الكويت ادخل التحالف الدولي واشتغلت الحرب بين العراق والتحالف وصار القصف كله بالبصرة ماكو امان ابد ..اجة عمي محسن وگعد ايقنع بابوي والقصف مشتغل على روسنه اخر شي اقتنع ابوي بس من رحنه احنه وبيت خالة سليمة للعمارة ..نبه علي ما اطلع برة غرفتي يعني الطرمة ما اعتبهة ..
ما انكر حسيت بخوف مو طبيعي من شوفت حمد هناك ابوي نبه على عمي محسن ما ايگل لاحد بجيتنه ورحنه مثل كل مرة انه مخلصة الطريق كله نايمه لحد ما وصلنه چنه تلث سيارات سيارة ابوي وسيارة وسام وحسام وسيارة خالي ابو حميد انه جنت وية الولد صاعدة وصلهة للبيت گعدني حسام.
YOU ARE READING
أنت إم الماضي
General Fictionمازال في قلبي رحيقُ لقائنا من ذاق طعمَ الحب..لا ينساه.. ماعاد يحملني حنيني للهوى لكنني أحيا..على ذكراهُ قلبي يعود إلي الطريق ولا يرى في العمر شيئاً..غير طيف صبانا أيام كان الدربُ مثل قلوبنا.. نمضى عليه..فلا يملُ خطانا ..
