حمد : شفت بلقيس وية اخوتهة وصارلهة هواي ما شايفتهم وگاعين سوة وفگتلهة تبقة يم اخوتهة وانة انام جوة وسويت روحي نعست وگمت رحت للغرفة عشتو انام ما گدرت..
شمالني وگتلهة نامي يم اخوتج وهو گلبي طاگ عليهة وما اعول اشوفهة بقيت احوس ارد اروح اجيبهة بس الزم روحي خايب حميد شمالك ملطلط انطمر ونام وخلي٩٠البت يم اخوتهة اشوي وغفيت.. فزيت على حوسة الجرباية گلت ايجوز تريد شي لجن رعفت الغة على رجليهة يعني ناوية تنام يمي خاب حميد لا تحلم ترة متعلمة على فراشهة موش علمود سواد اعيونك.. بس ما نامت بقت اتحوس شكلهة تريد ايدي اتنام عليهة!!
نزلت ايدي اذا تريد اتنام بحضني تجي واذا ما تريد افز اشوفهة خاف اتريد شي..
انة بس نزلت ايدي وهية دحست راسهة بحضني وجسمهة لزگ بجسمي شيصبرني ولك هيد يحميد البت حبلة وصبح طايحة انطمر واستچن نام .
حسيتهة تحوس بعدهة ولج نامي مو شعلتي والدي الخلفوني ...
رجعت راسهة بحضني وشبگتني حيل.. بين المصدوم وبين المامصدگ درت عليهة ارد اتأكد الي بحضني بت گليبي عيونهة بعيوني ومبتسمة لا ما صدگ مشيت ايدي على خدهة اي والله هية مو حلم بستهة من خدهة ونزلت اشتم برگبتهة بدة نفسهة يثگل
وبدت تتململ
خفت اتقرب منهة واصدني لو اتعاملني برودهة وكانو نايم وية حجر فگتلهة
بلقيس مشتاقلچ ورايدچ لا اصديني...
ارد اكمل واتقربت اخذت شفايفي بين اشفايفهة ااوف حميد چانت اتون عليك مو تتململ وحمد بلقيس رايتك مشتهيتك رادت اتوخر من الخجل سحبت راسهة ولج ارد ارتوي من هاي الشفايف الي ما ينشبع منهن...
چانت ليلة العمر نستني بيهة اسمي
اول مرة بلقيس تتنهد بإسمي على الفراش طلعت كل شوگي الهة ولهفتي ونفس شي حستة مشتاقتلة وجاي تعبر عن هذا الشوگ
من گد ما نمت مرتاح صلات الصبح مافزيت عليهة شابگه ونايم لحد ما صحيت على صوت دگت الباب گمت وانة متعاجز تمنيت مو اخوتهة عدنة ما اتحرك من الفراش ولا افارگ حضنهة
اباوعلهة وانة ابدل الخجل واضح عليهة مستحية مني قبل لا اطلع بستهة من راسهة وكانو اشكرهة على ليلة البارحة.
طلعت الولد گالولي الباب يندگ.. رحت لگيت فاطمة گالتي ابوي ايگول مو تنسة گعدت اليوم...
دخلت لگيت بلقيس طالعة لخوانة الي يردون يرحون اعاين حسام مدنگ ويحچي وياهة انتبهت على رگبتهة وعرفت مستحين من الموقف الي همة بي وحقهم محد يلومهم اشرت لبلقيس تنتبه على رگبتهة وراحت للغرفة بسرعة حاولت ابقيم ماكو ما قبلو وگالولي قنع بلقيس تجي لبوي تعتذر منه وطلعو
طبيت لبلقيس لگيتهة مغيمة وبدت اتلوم بيهة وبنفسهة بحچيهة طيرت فرحتي علامات الندم واضحة عليهة حاولت اهديهة گلت لان فشلانة بس بقت مصرةاشمر بالحچي وكانو مستعرة من زواجي مستعرة من فكرت قربي الهة مقهورة من فكرة تقبلهة الي
احچي وياهة وانة معصب اگلهة راح اعاملج المعاملة الي ترديهة بت عمي وبس للاسف هسة بديت اوزن الموضيع لا حسبالج راح ااذيج واذلج لا ما عاش الي ايأذيج او ايذلج كلشي الي تردي يجرالج مثل قبل وگبالهم كلهم انتي مراي علمود لا تهتز صورتج وبيني وبينج بس بنت عمي
أنت تقرأ
أنت إم الماضي
قصص عامةمازال في قلبي رحيقُ لقائنا من ذاق طعمَ الحب..لا ينساه.. ماعاد يحملني حنيني للهوى لكنني أحيا..على ذكراهُ قلبي يعود إلي الطريق ولا يرى في العمر شيئاً..غير طيف صبانا أيام كان الدربُ مثل قلوبنا.. نمضى عليه..فلا يملُ خطانا ..
