أنت إم الماضي

33

انسام : بلقيس هاي رابع مره ناصر يخطب وابوي يرفض .
- بلقيس : ميخالف لا تنسين انتي ابوي ماخذ موقف من عيالي على سالفتي بعدة.
- انسام :يعني سنتين ما تكفي ينسه بلقيس بابة ما يريد ناصر ويريد يزوجني لابن صديقة ومو حسبالج بابة يعامني مثلج گلي اياهة امه تزوجين مخلص يا امه اتبره منج بلقيس انتي تدرين بيه انه احب ناصر وهوة هم يحبني .
- بلقيس :المشكله هوة ابوي مجاي يسمع لاي احد حته انه من جاي احجي ويا ما يقبل افتح الموضوع حاولي تقنعين امي تره بس هية الي تگدر تفر عقل ابوي وامي من الاساس ما مقتنعه لان عذرهة نفسة دكتور ويفرفر بالمحافظات.
- خل نحجي وياهة.
- اذا رفضو رفض قاطع گلي لامي انه ما ارد ازوج ولا جبروني على شي ما اريدة وخليني حجة لا تنحجرجين مني .
- بس .
- بلة بس احجي وكانو انه ما موجودة.

- بلقيس : مرت اربع سنين على طروحي علاقتي بحمد  حيل اتحسنت وگدرنه نتفاهم وعرفنه اطباع بعضنه مرته جابت ولد ثالث ..صح باركتلهم بس بداخلي غصه وخاصه انو ما صار عندي حمل ... حمد رجع مثل قبل واحسن صار مسيطر على كلشي وحته انه صار الي حجاية صح مو مثل خولة بعتبارهة هية ام الولد ..
خولة يوم زينه ويوم لا شي عادي انه شريجتهة بس تقهر من احسه تشمر حجي عود هية عدهة جهال وانه لا ..
واكو حجي انو هاي حوبت خولة ومجاي يصير عندي جهال بسبب الحوبة والشمات بكل مكان كل هذا ما يهمني لان عندي حمد يسوه كلشي .
خلال هاي الفترة مجان عدنه احداث غير ناصر ومنصور ...
ناصر يريد يخطب انسام بالبداية اهله ما قبلو وبعدين لان يعرفون رد ابوي مقدماً وما وادو يسون احراجات لروحهم بس بسبب ملحت ناصر راحو خطبو اول مره وبابة رفض وهذا الشي متوقع وراهة فترة هم خطبو وهم ابوي رفض و اخر شي اجة حمد هم حاول وما فاد اعذار ابوي انو هوة منطي حجايه لصديقة انسام اله وبعد هوة شغل ناصر وكثرة تنقلاته بالمحافظات وعدم استقرارة وهم ما يريد بعد وحدة من بناته تبعد عنه هاي شغله ناصر
وامه منصور فيريد يرجع واهلة يريدون يرجعو وحته حمد متحنحن يريد يرجعه بس انه واگفه بوجهة وكل ما يريد يفتح الموضوع اسد الموضوع بالرفض وصار بينه خلاف انه وحمد على هذا الموضوع فگتلة ارد اروح لاهلي ارتاح عدهم كم يوم
اجيت هناعشتو ارتاح حالت اهلي متوترة اكثر من حالي ابوي الي يريد يزوج انسام لمخلص بن عمو فائق وانسام الي تريد ناصر لو وسام الي ابوي هم معند ويا وما يقبل يزوجة بالي يريدهة وامي الي شاكه بانسام عدهة علاقة وية ناصر وصايرتلك لخة .
انسام مو مثلي تحجي او تگول رايهة يعني يجوز تزوج مخلص علمود لا اتزعل بابةمو غريب عليهة هذا الشي فگعدت احجي وياهة علمود تحجي وية امي وتحاول تقنعهة علمود تحجي وية ابوي ورحنه مثل اتفقنه انه وانسام
امي جانت گاعدة هية وابوي بالطارمة عصرية والجو حلو جان نهاية صيف

- بابة : هلة ببنياتي .
- بلقيس : هلة والله بابوي الغالي الي متغير علي .
- بابة : ها شعندج ام لسان .
- بلقيس: بابة بعد اتزوجت وكبرت وعقلت ويني وين اللسان .
- امي : ولا عقلتي ولا شي  انتي انتي .
- بلقيس: يمه شبيج هسة انتي خو اذا واحد حجة علي تكيفين.
- انسام : اهو رجعنه لنفس المول
الكل : ظل يضحك.
امي : شنو مشتهين على العشة ؟
- ابوي : كلشي من ايدج طيب .