أنت إم الماضي

49- والاخير

بلقيس: ابوي سولفي كلشي عن حمد گالي على سالفت الشركة گتله بعد احسن. لان اذا صار عندي طفل خو ما يساوة وية ولد حمد.
ثاني يوم چنه ملتمين وابوي يحجي وية اخواني علمود يرخون الحبل وية حمد ما ايصير ومن هذا الحجي واندگ الباب طلع وسام اشوي واجة گال حمد بالباب دخلو جوة گام ابوي وگال

- اتفضل ابو حمزة البيت بيتك

دخلنه احنه للمطبخ واجة حسام گال شعندة هيج كاشخ چنة عريس المهم سوو چاي
عرفته يريد يرجعني سوت انسام الجاي وانه گاعدة احل كلمات متقاطعة  امي صافنه علي

- امي: حمد اكيد جاي علمودج.
- بلقيس: ادري تلگي مخلص البيت واشترة  العلوة جاي يحجي وية ابوي علمود ايرجعني.
- بلقيس ليش هيج بارد تصرفج.
- يمه حمد حسبالة كلشي بساهل يعني هوة عند روحة هسة مفضل علي اشترالي بيت هنا وراح يستقل هسة انه المفروض اركضلة واخذة بالاحضان.
- امي : اي وانتي شناوية علي؟!
-  هسة اشوفين

اجاني وسام وكال ابوي يگول تعالي.

- امي: بلقيس على كيفچ وية حمد ترة خطية راعي اشوي.
- راح اكلهة هههههههه .. اروح البس حجاب احسلي

بدلت ملابسي ولبست حجاب ودخلت انه وسام ابوي اشرلي بمعنة اكعد يمه احسة يريد يسيطر على لساني هذول شبيهم خايفين مني هههههه

گال ابوي

- بلقيس حمد كمل كلشي البيت وحته شغلة بقة شويت نواقص انتي ويا تكملوهة.. هوة جاي اليوم علمود يرجعج على ذمته عدتج ما خلصانه يحقلة يرجعج بنيتي.
- بلقيس: عندي شروط قبل ما ارجع بالاحرة هنه شرطين.
- حمد: گولي .
- بلقيس: اولهة تتعهدلي گبال ابوي ما تجبرني على الروحة للعمارة يعني فقط الواجبات المهمة جداً المتعلقة بعائلتك فقط .
- حمد: هذا شرطچ تم وگبال ابوچ واخوانچ اتعهدلچ بعذا الشي ومن هذا الشارب .. شنو شرطچ الثاني.
- بلقيس: شرطي الثاني تخليني اسوي العملية الي گتلك عليهة .
- حمد: اروح وياج للدكتور واذا گالت العملية نسبتهة خطرة ما اتسويهة.
- بلقيس: حمد انت مالك غرظ لو تگلك النسبة 90 بالمية اسويهة .
- ابوي: لا بوية هنا حدچ يعني علمود تخلفين تحرمينه منچ.
- حمد : عمي انه ودي بلقيس تسوي العملية ليش ما اريدهة تخلف بس من اذكر شصار بيهة بعد ما جهضت ما اتحمل فكرت عملية ثانية فانة اخذة للدكتورة اذا گالت النسة الخطورة اكثر50 بالمية ما اتسويهة.
- بلقيس: ماشي
- حمد: وبعد ما اگدر اخليهة تسويهة هية لان بعدنه ما مستقرين بس خل انرتب البيت ونكمل احتياجتنه وانشالله اخذج.
-بلقيس: تمام .
- ابوي: بعد ما عندچ شي تردي من حمد؟
- بلقيس: لا بابة .. ها اكو شي ابو حمزة بس ارد اگلك بلقيس القديمة راحت تمام يعني الي گبالك وحدة ثانية لازم تعرف وقت المجاملات انتهت كلمن انطي طينته بخدة تگدر تتحمل هذا الشي مو بعدين تگلي ما مرباية ..

ابوي عصر رجلي بمعنى كافي

- حمد : بلقيس هين لجل عين تكرم تراني شاري العشرة البينه ليش تحسسني انتي بايعة.. يعني بس عوزچ تگليلي اطرد اهلكمايدخلون لبيتك ما كافيچ همة طردوني علمودچ ماكافيچ عفت ولدي علمودچ ما كافيچ عفت كل احترام الناس هناك وصرت لفو بديرتج ...بلقيس شتردين سوي وشتردين يجرالج كافي تجرحين بت عمي الواضح تردين اعذار علمود اگلج بطلت ما ارد ارجعچ .. تردين تعيدين نفس سالفة الخطبة بس اكو فرق انه قبل ما چان عندي هم بس انتي والي حيل اتحمل . . هسة شوفت عينكم كلشي خسران ..عمي سلطان خل بتك ادانش عقلهة واتشوف تريد ترجع لو لا وما مبري الذمة تجبرهة .
- بلقيس: شوف حمد لا انسوي روحك دور الضحية خوش هنه شرطين كتلك وعلى اهلك من حقي احجي لان بيوم صارت سالفة السحر وانذب بيتي انت شنو سويت طلعت حقي منهم لا .. بلعكس سويتني انه الغلطانة جاي هسة تتذمر من شروطي .. لا اتسوي روحك انت المظلوم وانه الظالمة ترة مايلوگ وانت لو ما تدري بروحك غلط ...