امي اتباوعلي ورافعه عينهة سويت روحي ما اشوفهة شنو صايرة علي حنينة عود بعديش صارلي مزوجه اكثر من٤ اشهر ما كلفت روحهة وسألت عني او اجت..
طلعت انة وسام وحسام وگعدنة برة نسولف اسألهم على بيت خالتي سليمة وهديل بالاخص وسالف.. سالفة اجر سالفة للعصر دخلنة يمهم فگالي عمو عزام
- بوبة بلقيس راح اتروحين وية اهلج لبيت عمچ محسن چم يوم على ما يرد رجلچ.
-ابوي: يلة بوية روحي حضري غراضج.
عرفت بابة ظايج من تصرف حمد وياي ومو بس بابة حتة انة كلش مغثوثة هو گلي يومين اتلاثة مو اسبوع اخذتلي كم دشداشة وكم شغلة ورحنة طول الطريق بابة ايفأف وايدخن وامي تسالني على حمد اشلون تصرفاتة وياي واهلة
رد عليهة باية
هسة مو وقت الحچي نوصل ونرتاح ونحچي بيت محسن الردي عايفهة بحدهة اسبوع والله رايح ايراضي مرتة اشوف منو ينطي مرة الگواد هذا.
منو حچة بابة عرفت نيتة گشرة الطريقة كلة اينافخ بيت عمي محسن قريب مدري ليش احسة صار اشطولة..
وصلنة ودگ بابة الباب طلعتنة مرت عمي اتهلي واترحب الواضح عمو ما موجود محمد خطية گام بالواجب بابة استغلهة فرصة وصاحلي وصاح امي اخذنة للدوانية مالتهم دخلنة وسد الباب اترخص من مرت عمي محد يدخل علينة
- بابة: بلقيس بوية انة روحي شايطة من ورة سالفة رجلج شنو اسبوع ايعوفج وانتي حامل و تعتبرين عروس اكو شي صاير؟
-بابة والله ماصاير بينة شي وانت من اجيت اخر مرة مو شفتنة مصافين بس عمو عزام اجة واتعارك وية حمد اشلون عايف خولة وما ايروح يمهة وهددة اذا ما اياخذهة للزيارة ويعدل بينة يبرة منة فاخذهة وهاي كل المشكلة.
-يعني انتي راضية؟
- الصراحة بابة انة گتلة ياخذهة لان كسرت خاطري بس حمد گالي يومين اتلاثة مو اسبوع وليهسة ما جاي.
- امي : اي تگدرين تجين لبيت عمچ محسن وتتصلين بينة ليش بقيتي ساكتة؟
درت على امي وباوعتلهة برود وما رديت عليهة رجعت درت على بابة
- بابة حمد كلش ما يعدل بينة وخولة مسكينة خاصة من رجعت وحدهة اهلهة ما يردوهة واتبرو منهة يعني مالهة غير حمد وعمو عزام و اكيد اشتكت لعمو عزام اذا هو حمد صارلة اسبوع حتة ما ايروح لذاك البيت مگابلني وگاعد بس للديوان ايروح.
- وانتي فرحانة ما اتخافين الله.. بنتي ذيج هم مرتة.
- شنو اتريدني اگلة روح لمرتك ترة بابة حمد رجلي وصعبة علي اگلة روح لمرتك اذا ايريد هوة ايروحلهة مو انة اگلة.
- وياج بس شوفي وين وصلتو.
-ليش اذب اللوم علي ترة والله قبل اگلة ويجيني استاذ حمد ايگلي انتي مجبورة علي ما اتحبيني وايضل ايمسلت على راسي انتو تدرون اسويتو بية من زوجتوني لحمد تدرون انة شخصيتي انعدمت لو لا تدرون الي گدامكم بقت بس جسد بلة روح وانتي يمة مسوية روحچ اتحبيني ومقهورة علي من حمد اصدگين اكتشفت انو حمد ايحبني اكثر منچ هوة دائماً ايگلي انة اخاف عليج اكثر من امچ واگلة صادق انت تعرفين ليش لان متاكدة منچ ما اتخافين علي انتي هم تعبرين نفسچ ام مو معناهة امچ ميتة وعشتي بلة ام اتعاقبني انة ما اعرف شنو دورچ بحياتي انتي ٤ اشهر ما شايفتچ ما فد يوم كلفتي نفسچ وديتلي رسالة بيد ابوي لو اخوني من يجون ما اگلچ تعالي انتي..
بس شيفيد الحچي وياچ انتي انسانة عديمة الأمومة
YOU ARE READING
أنت إم الماضي
General Fictionمازال في قلبي رحيقُ لقائنا من ذاق طعمَ الحب..لا ينساه.. ماعاد يحملني حنيني للهوى لكنني أحيا..على ذكراهُ قلبي يعود إلي الطريق ولا يرى في العمر شيئاً..غير طيف صبانا أيام كان الدربُ مثل قلوبنا.. نمضى عليه..فلا يملُ خطانا ..
