حمد : حچيهة مو يجرح لا حشة حجيهة نخلني نخل احس زرفتني زرف چانت بحظني وتحجي وعينهة مكسوره تباوعلي وتحجي بقهر ما گدرت ابقة وياهة من الفشله يجوز حجيهة صح ويجوز ما منتبه على تصرفاتي وياهة لهذا السبب هية تريد تخلف لان انه الي محسسهة زواجي منهة متخلخل بلقيس هذا الگلب عمره ما حب غيرچ بس تعبتي بسوالفچ طلعت تكحكح وراحت للحمام مبينه چانت تبجي طلعت بره البيت ادخن وچگارة ورة جگارة الى طبگت الباب حسبالهة رحت .. دگيت الباب فتحته
- حسبالي رحت انتظرتك ماكو صبيت عشة ما تاكل؟
- برة چنت اشرب جگارة
- تعال اكل صبيت .
دخل اكل هوة ساكت وانه هم خلصنه اكل شلت الصينيه وهوة غسل صبيت جاي وجبتله چان گاعد على الكرويته گعدت بصفة وحطيت صينيه الجاي بينهة
- حمد رحت لخولة؟
- لا ما رحت.
- يمته عرس منصور؟
- الجمعه الجاية.
- تردين ترحين لاهلج بالعرس خاف ما تردين تشوفين احد؟
- بصراحة مارد اشوف اي احد .
- خوش اوديج قبل العرس بيومين ... شنهي رايج نشيل لغير بيت؟
- شلون نشيل؟
- اعزلج بيت بحدچ اشوي من القصر تصيرين بعيدة على اهلي وما تشوفين لا منصور ولا غيرة.
- وانت شلون اشوفك؟
- اجيج يوم ويوم.. گلت اگعدج يم بيت عمي محسن خاف انه ابات هنا شگلتي
- اتوقع عمتي مراح تقبل ولا حته ابوك.
- مالج غرض باحد انه اتفاهم وياهم . تردين يم بيت عمي محسن لو تردين بغير مكان شنو الي يريحج ؟
- بكيفك.
- لا تگليلي بكيفك لان بعدين اطلع جذاب ومو گد حجايتي الي ايريحج اسوي .
- خليني يم بيت عمي محسن .
- خوش باجر اروح احجي ويا واشتري منهة گاع وابنيهة الج .
- حمد ..
- گولي !
- ماكو شي
- عندي يمج ملابس نظيفه خاف باجر اطلع من غبشة.
- اي عندي حتة مكويه گلت خاف تحتاج ملابس .
- انه اطلع ويه الصلاة ما اگعدچ.
- گعدني اسويلك ريوگ .
- لا ما يحتاج تعودت اطلع من غبشة واتريگ بالديوان
گام من يمي وگال
- راح انام تصبحين على خير .
-وانت من اهلة بس انضف المطبخ واجي وراك.
- على راحتج انه منعس راح انام.
راح للغرفه بدون ما يباوع علي اكيد ظاج من حجي هو صح الحجي يغث بس انه ما گلت شي چذب عزلت المطبخ وبدلت دشتاشتي ونمت بصفه چان منطيني ظهرة اول مرة حمد ينام يمي بدون ما يتحرش بيهة على الاقل يشبگني .. چنت مشتاقتله بس احس اكو بينه مسافه حيل چبيرة ما اگدر اتقرب اله مثل قبل اكو شي يمنعني ما اعرف شنو اكو شي يبعدني عن حمد .. معقوله بعد ما احبه ليش هيج برود صار بينه ..
درت ظهري ونمت .. حسيت ايد تحرك بشعري فزيت درت چان داير علي وشعري ناثرة على الجرباية ومسوي روحه نايم ابتسمت على حركته ورجعت لنومتي بس درت علي اذا بقيت جامده مراح ينكسر هذا الحاجز همست بأذنه
- ردت اشبگك قبل ما انام بس خفت اعديك فانطيتك ظهري فلا تتحرش بيه
چانتالغرفة ظلمه تقريباً
YOU ARE READING
أنت إم الماضي
General Fictionمازال في قلبي رحيقُ لقائنا من ذاق طعمَ الحب..لا ينساه.. ماعاد يحملني حنيني للهوى لكنني أحيا..على ذكراهُ قلبي يعود إلي الطريق ولا يرى في العمر شيئاً..غير طيف صبانا أيام كان الدربُ مثل قلوبنا.. نمضى عليه..فلا يملُ خطانا ..
