أنت إم الماضي

5

-عمي سلطان بخير.
- دوم انشالله بخير.
- يمة عندي سؤال .
- اسائل يبعد امك!
- عمي سلطان عليش عاف الديرة معقولة كلة علشان مرتة ؟!
- عليش تسائل؟
- هذا الي نعرفة علية لچن من عاشرة عمي  ماهو الرجال الي ايعوف ناسة عشان مرة.
- اي ييمة صحيح عمك ما عاف الديرة بس لهل سبب اكو اسباب چثيرة اذا تريد تعرفهة روح انشد ابوك موش انا لچن الي اردك اتعرفة الوادم اهنا ظالمينة لسلطان .

عرفت كلام بلقيس كلة صحيح استرخصت من امي ورحت على داري دخلت وراي وليدي حمزة ركض وشبگني

- هلة بوية اشلون كيفك .
- الله ايساعدك بوية مشتاقلك .
- وحتة انا تعالي يا سبع سولفلي اشلونهة الوادم صار شي بغيابي ؟
- اي بوية صارت مشكلة بين جدي عزام وجدي حاتم .
- شنيهي الاسباب ؟
- ما عرف اظن امي تعرف .
- وين هية امك من اجيت ما لفت.
- بوية امي يم الحلال هية واخوي سعد ما تعرف بيك راح ترد.
- روح اندهة الي.يا بعد ابوك.

گعدت على السكملي ونزعت العگال والجفية وضحتك من اذكرت حچايت وسام من طلعت گال

- خاب الدنية حار وانت لابس هل عگال وجفية ما تگلي عليمن .
- ما يجوز ادخل للعمارة بلياهم واناابن الشيخ اتريدني امشي مفرع.
- شنو حچاب هوة وما يجوز ياخوي ذبة ومن توصل عود لبسة انا من يمي اختنگت اصدگ عمري كلة ما لابس عگال وچفية هههههه.

بوقتهة قنعني ونزعتهم بالسيارة ومن وصلت لبستهم حسيتهم اقرب لية من ولد عمي الي بينة دوم مشاكل

- حمد لله على سلامة شيخ .

گمزني على صوت خولة .