حمد : رجعت ورة الصلاة گلت امر عليهة افتهم شنو الي صاير وياهة وهيج گلب رايهة مو گلبت الدنيه على راسي ما تحجي وية منصور وشهر كامل متعاركة وياي على منصور شلون رضت تصالح ويا من گلتهة راح اعزلج واطلعت هسة تصالح ويا تريد بس تفشلني گبال اهلي
رجعت فاير منا هذول الفلاليح ومنا بلقيس
فتحت الباب مخليتة مفتوح مليون مره گايلهة ما تخلي مفتوح
صحت بصوت عالي بلقيس
ماكو رحت للغرفة گاعدة تزوگ انه ركبني جني گتلهة ابات هناك المن تعدل روحة لزمتهة من ايدهه
- ولج المن جاي تعدلين روحج.
- حمد شبيك هد ايدي جاي توجعني.
- المن مبدله ومزوگة.
- الك المن يعني .
- گتلج ابات هناك .
- بس گتلي امر العصر عليج وانتضرتك العصر ما اجيت گلت تجي بالليل فسبحت واتمكيجت مو تگول انه ما ابدلك ولا اتمكيج.
سحبت نفس
- استغفر الله ....
باوع عليهة لابسه روب وجوا هذا المشلح الاحبه و عود لابسة الروب من البرد الرجلين طاعة چا والريحة اتهف
بلقيس: دخل حمد حيل معصب ظل يصيح وبعده صفن علي ودار وجهة
- اي هسة احجي ليش اتصرخ ؟
- الباب ليش مفتوح ؟
- ما ادري يجوز من طلع وسام بقه مفتوح.
- جم مره گايلج انتبهي على الخرة الباب .
گمت وگفت هوة داير وجهة مني لفيت اديه علي وشبگه
- حمد گلبي ليش اصرخ شبيك وياي حتى ما تباوع علي !
- وخري بلقيس انه حالف ما ادنالج لحد ما انقلچ بيت ثاني مثل رغبتج
- منو الي گلك هي هاي رغبتي ؟ وبعدين انت هم حلفت ما تحجي ويه منصور شلون حجيت ويا ؟
- دفعت كفارة.
- ادفع هسه هم لو انه ما اسوه يندفعلي .
- مريتي رايدتني اليوم.
- انه كل يوم اريدك وكل ساعة هوة انه شعندي غيرك .
- الله يستر من لسانج المعسول .
- حمــــد شبيك وياي .
- لا انتي اليوم مبينه ما اطلعيني من البيت .
- انت شتگول اخليك تطلع😉
- لابويه وين اطلع .. گليبي بس حظريلي الحمام اسبح لان تعبان وشوفي حالي .
- اي مو تددل انه بايدي اسبحك .
- ولج والله اشتاقيت لهاي سوالفج .
رحت للحمام اكو چوله انحمي عليهة المي حطيت جدر مي وانوب طلعت للمطبخ على ما يحمة بديت احظر العشة وحمد وراي يستفسر
- شغير رايج واصالحتي انتي ومنصور ؟
- ليش ما تريدني اصالح ويا؟!
- بلقيس لا تلعبين علي توسلت بيج ما رضيتي شغير رايج هسة.
- علمودك .
- اي علمود بعدين اتگليلي انت جذبت علي...
- حمد واذا گتلك المرة مالهة بس لسانه اتحملني من اعصب اشوي شيصير عليك.
- ها انوب انه الغلطان
- اي طبعاً انت الغلطان انت مو تگلي انتي روحي والهوة الي اتنفسة اشو طلع حجيك كلاوات اكو واحد يعوف هوا شهر ... تعال خل ناكل قبل لا تسبح على ما يحمة الماي
گعدنه نتعشة عشة وعتب وسوالف واشوي اندگ الباب
- حمد انت منتبه من تجي تكثر دگت الباب وانت ما تحجي وياي محد دگ بابي .
- غير انه الگايلهم محد يوصل لباب
أنت تقرأ
أنت إم الماضي
General Fictionمازال في قلبي رحيقُ لقائنا من ذاق طعمَ الحب..لا ينساه.. ماعاد يحملني حنيني للهوى لكنني أحيا..على ذكراهُ قلبي يعود إلي الطريق ولا يرى في العمر شيئاً..غير طيف صبانا أيام كان الدربُ مثل قلوبنا.. نمضى عليه..فلا يملُ خطانا ..
