أنت إم الماضي

١٦

جبته الريوگ وامي اتباوع عليه وبابا ومحمد نفس الشخصيه حيل ضد معين وانسام اسولفلي على بيت عمي حسن خطيه فقره وابوي انقهر على حالهم كلش سألتهه شعجب مالهم ورث من ابو معين بابا ما ايرد هو ليش ما ايداعي جاوبني ابوي لان امي بعدهه عايشه وتقبل امي احد يقسم الاملاك سكت
- طبعن ماتقبل علمود ابنهه حاتم اكثر المسطرين
- بابا احترمي هاي بيبيتج
- بلقيس: بابه الى متى تستمر بهل بالطيبه والله لو بيدي اگلب عليهه سافلهه على راس اخوك حاتم
-بابا: بلقيس حاتم عمج لا تتجاوزين
- بلقيس: اني ما عندي عمام بس عم واحد وهسه طالعين وهمزين لان مثل اطباعك
- بابا: ما اتصير چاره اذا قفلتي قفلتي الله يعين محمد عليج
- حمد؛ لا عمي بلقيس ورده بس لان حزازيه ماكو اطيب من گلبهه
- امي : وشنو يخليك متاكد من طيبت گلب بلقيس
- حمد : هاي شنو عمه لازم حاقده على مريتي
- بلقيس: بابه المفروض اني شنو اسوي اكعد هنا اگعد يمهم بذاك البيت
-بابه: بويه شوفي رجلچ ايمزج مو انه
- حمد: بكيفج وين ما تردين اتگعدين اهنا اهناك واذا اتملين اني مسوي هاذا تفلزيون
- بلقيس: قصدك تلفزيون
- حمد: هذا ماداخل للولايه بس بالقصر وهسه عندج
-بلقيس: تسلم
-حمد: عمي ما تجي وياي للديوان
-بابه: والله ياريت ام وسام انتي تبقين يم بنتج
-امي: اي ابقه
-حمد: رايح ابدل
گام حمد ايبدل ابوي اشرلي اروح وراىٰ استغربت
-بابه: بويه المره من ايريد ايبدل رجلهه اتروح اتساعده اشوف شنو ايريد اتلبسه ثوب حلو وهوه عريس لازم ايبين عليه التغيير
- بلقيس: ان شاء الله
دخلت للغرفه لگيته نازع درت وجهي كتله
- محتاج شي
- اي محتاج
-كول شنو محتاج
- اريد اشوف ضحكتج بلقيس لا اضوجين من شي واني موجود
-  حمد لا تلبس هاي الدشداشه شوف غيرهه لان موحلوه
- تعالي ياروحي انتي اختاري الي ايعجبج ولبسيني
طلعتله هدوم انتبهت مايكون الهدوم لبس عگاله رشيتله ريحه اتقرب مني وباسني من راسي ابتسمتله غصب عني لان يكسر خاطري لا اكثر اخذ سبحته الكهرب وايفر بيهه طلع وطلعت وراه مشو هوه وابوي شلت الغراض اني وانسام غسلت المواعين طبيت لغرفتي فتحت الجنط وبديت ارتب الغراض ودخلت انسام اساعدني
- وين امي
- امي تتهرب منج
طلعت لگيتهه كاعده بالهول تبجي
- ماما كومي ويانه جاي انرتب الغراض اني وانسام
- بلقيس تعالي
- يمه لا اتفكرين بالحجي الي كلته البارحه اني اسفه جنت غلطانه
- انتي ما غلطانه ايجوز اتفكرين صح اني من جبرتج فكرت حمد نفس شخصيه ابوج وهوه الوحيد الي راح يتحملج بس ما فكرت انج راح اظلمي وياج ومراح تتقبلي
- اتعرفين شنو ايصير بيه من يتقرب مني حمد بساعتهه اكره روحي وبس خوفي منكم الي مسكتني خوفي لا ابوي ينحي عليه هنا بين اهله ابشرج راح استمر بهاذا الزواج بس انتي مو بس ضلمتيني حتى حمد انضلم للاسف
- ولج يمه جابر مات انسي ليش ادمرين حياتج ليش ادمرين حياتج على ماضي انتهه
- بس اني احبه اشلون انسه مرات من يحجي وياي حمد اتخيله هوه واغمض عيوني
- اياج اسوين هيج يابلقيس هاي انتي المربايه وبنت العوائل ولج اشخليتي لبنات الشوارع ها
- يمه ما اكدر اتقبله اكو فرق بينه هواي الطبقات الاجتماعيه مهمه وهوه مو من مستواي اني دارسه وهوه لا حاولت افهمج بس ماكو فايده جنتي مصره حمد الرجل المناسب 
- استغفر الله ما اتوقعتج هيج تفكيرج قذر والرجال ما شفتي منه شي مباشره حكمتي عليه.....
اندگ الباب اني طلعت اشوف منو امي اشرتلي على الحجاب سحبت نفسي ودخلت شمرته على راسي اشلون ما كان وفتحت الباب جانت فاطمه
- صباحكم الله بالخير خيه
- صباح النور اتفضلي
- لا خيه بس امي اتكول خلي تجي عيب نسوان السلف جايات ايباركن الكم
- انشاء الله بعيني
- دخلت للغرفه رتبت وجهي انسام تعالي ويايه ليش تبقين وحدج
- اكلج عادي افتر بالبستان
- اي عادي بس لا اتبعدين خالي انشاوف فاطمه اتروح وياج
- وليش بلا اتلبسين حجاب ماكافي اني مجبوره عليه
- امشي لا نتأخر اريد افتر بالبستان
- امشي
طلعت انة وامي وانسام جانت لابسة تنورة اشوي جوة الركبة وحذاء كعب وسترة.
فاطمة من شافتهة شهگت.