بلقيس : طلعو همة من البيت وصاحني ابوي وطلب من امي والولد ايطلعون شكلة ضايج حيل گعدت بلا مبالة من وضع بابة لان حسيتة راح يحچي على اهلة.
قطع سلسلة افكاري وگال
- اشرايچ بحمد ؟
- ليش ؟!
- جاي اسألج شرايچ بي.
- يعني خوش رجال بس ما فهمت ليش تسألني علية؟!!!
- شوفي بلقيس عمري ما گتلچ لازم تزوجين او ما ايصير تبقين بلة زواج وهم عمري ما رفضتلچ طلب من جنتي صغيرة الى اليوم انة امدللچ و ما اخلي احد من اخوانچ ايسمعچ احچاية وعلى الرغم من انة ابن العمارة خليتچ اتكملين تعليم وخليتچ اسوقين .. الكل انتقدني گالو دللتهة وخليتهة اشمخر( تتكبر واتشوف نفسهة) على الناس گتلهم بنتي واغلة وحدة بزري هية ..وخلهة اشمخر مادام انة ابوهة.
- صحيح بابة حچيك وانة ما ناكرة هذا الشي بس شنو لزومة وخاصة بموضوع حمد شدخلة؟!
- انة اشوف حمد خوش رجال ويستاهلچ و هو ايحبچ ويتمنى گربچ نصيحة مني لا تخسري لان حمد ما يتعوض وها لا اتگولين ابن عزام تراه طالع على جدة من حچيت ويا وكانو شيخ حمد گاعد حتى بالشكل .
- هههههههه انة ازوج حمد مستحيل بابة اشلون تقبلهة انت !
- اشبي حمد رجال وحوك واخو خيتة
.
- ماشي راح اسايرك و اگولك اشياء مقنعة اولهة حمد مو من ثوبنة يعني انا رابية شكل وهو شكل لا حياتي حياتهم لا لبسي لبسهم ولا طبعي طبعهم اكو هواي فوارق اجتماعية بينة انت اتريدني اروح اعيش بالعمارة لا اكيد تشاقة لا وانوب على شريچة .. لا الواضح لگمتي ثگلت عليك .
- انة ما جبرتچ گتلچ نصيحة فكري بالموضوع لان حمد خوش حمد وهم اكو شي ثاني مو حسبالچ هذا الرفيق راح ايعوفچ بحالچ اهنا راح ايضل وراچ وين ما تروحين وانتي بنية وحلوة ايجوز ايعوفچ هذا يجي غيرة مية..فكري عدل والله تعبت من هاي المشاكل .
- ماشي بابة انا موافقة اذا انت تعبت مني وصرت عال عليك واجيبلك الحچاية موافقة بحمد او اي شخص عسة ما عزام نفسة.
- مو هيچ الحچي ما اريد اجبرچ على شي بلقيس افهميني والله جاي اتعب من اسلوبچ احاول احچي وياچ افهمچ الوضع الي احنة بي .
- انشالله بابة افكر والله كريم .
- عفية بنيتي والله هل حمد ذكرني بروحي من چنت اجي ملهوف على امچ .
- اي اهنا الحچي انت اذكرت اسوالفك القديمة وملت لحمد😂.
- لا بوية الله الشاهد انا اشوف بعيونة رجال شاريچ وهاويچ.
حمد : من گال عمي بيت لويلو عرفت ابن عمي هو الغلطان عبن ذولاك ما يتعدون على احد من دون سبب فگتلة اذا ابنك صاحب حگ اجيبلك حگة مربع واذا ابنك الغلطان اهينة گدام الكل گتلهم صيحو خالي نفتهم منة وبعدة ما جاي دخل علينة ريس عشيرتهم ويا رفيجي بعد السلام گال
YOU ARE READING
أنت إم الماضي
General Fictionمازال في قلبي رحيقُ لقائنا من ذاق طعمَ الحب..لا ينساه.. ماعاد يحملني حنيني للهوى لكنني أحيا..على ذكراهُ قلبي يعود إلي الطريق ولا يرى في العمر شيئاً..غير طيف صبانا أيام كان الدربُ مثل قلوبنا.. نمضى عليه..فلا يملُ خطانا ..
