وسام: من صارت المشكلة بين ابوي وبلقيس حرت شسوي بلقيس مو من عوايدهة تتجاوز بهاي الطريقة على امي ولا ابوي يضرب بقليس احاول ابعده عنهة حسيت بخوف بلقيس هية حامل بقيت احجز بينهة وبين ابوي الي منهار الة يكتلهة وهية الخوف واضح من عيونهة رادت تشرد منة طاحت بالگاع
المشكله بينة وبين امي هذا الشي متعودين علية من قبل بس بلقيس اول مرة تجاوز هيج.
الي قهرني بكل المشكلة دخلت حمد علينة بهيچ بموقف والاكثر احس ذبحني من اتحمت بحمد من ابوي واحنة واگفين احس روحي طلعت اذا مابية خير احمي اختي المن اتسمة رجال.
دخلت ابوي وطلعت لگيت بلقيس رايحة هية وحمد حسيت عيوني شاطت من القهر دخلت على ابوي للديوانية جان مدنگ ويدخن
- بوية تدري ماكو فرق بينك وبين اخوك حاتم اثنينكم طرتو بناتكم وسفة عليك خليت بتك تتحامة برجلهة من ابوهة نسيت بلقيس المدللة مالتك ما اعرف شگلك بوية ولا اعرف شنو اگول لمي... يمة زعلتي من حچي بلقيس كل حچيهة صح وما غلطت وياج بحجاية من قبل انتي ما تتحملين منهة حچاية..
اصلاََ الحجي ضايع وياكم
-ابوي: انعل ابوك لابو الخلفكم ابن القندرة انت اتعلمني الواضح ما متربين عدل.
-وسام: على گولتك الي يحچي الحق مكروه مو انت علمتن احچي الحق حتلو وياك.. عن اذنك.
طلعت كلش مغثوث من اهلي لحگني حسام وهوة ايأفأف درت علية ونة طالعة روحي.
-شوف حسام اذا تضل اتافأف ولي من وجهي احسلك لا اذب حرگتي بيك.
-ترة كلنة مقهوين حتى ابوي طول بالك ساعة عصبية اذا تريد انروح لبيتهة نراضيهة.
- ولك بيا عين انروح من امدانة اختنة اتخاف منة وتتحامة برجلهة لو انطم روحنة احسن
بقينة نفرفر لليل شفنة الوضع هدة رحنة لبلقيش مثل الحرامية مانريد احد يشوفنة وصلنة ودگينة الباب فتح حمد مرتعب خطية اجيناهم بوقت متأخر
وسام: خوية اعذرنة جاينكم هيج وكت بس ضل بالنة على بلقيس.
-حمد :تفضلو هلة بيكم بكل وكت تفضلو تفضلو... بوية بلقيس هذول اخوتچ.
طلعت النة تعرج و خدهة مطبع اصابع ابوي من ذاك يومهة جسمهة ما يتحمل الضرب والاثر ما يروح بسهولة ابوي ما ايخلينة نتشاقة وياهة بالضرب ايگول يبقة اثر بجسمهة باوعت لگيت صينة مال اكل الواضح استوهم يتعشون
-حمد : تفضلو ويانة على الواهس.
- حسام: متعشين تسلم بس اجينة نطمن على بلقيس.
- بلقيس : لا اتخافون مابية شي بس انتم تعرفون بس واحد ايفي على اورم تعالو تعشو ويانة اشلون عشة من ايد حمد.
بلقيس: درت على حمد حسيتة استحة لان كتلهم الطبخ مسوي حمد
-وسام: عاد طيب طبخ ابو حمزة لا؟
-بلقيس: عندي اطيب من طبخ امي.
- وسام : ها هيج صار!
- حسام : اشعجب انتي ما يعجبچ العجب ولا اصيام برجب!
-بلقيس : حمد يختلف عن العالم كلشي ايسوي الي الة نكهة خاصة... ( چنت احچي واباوع بعيونة)
-وسام: وعمة گولي اخوتي هنا گولي احترمهم فشلتينة.
-حسام: اگلك خل انعوفهم هذول فاصلين چنهم عبد الحليم و شادية.
-حمد : هههههههه لا بوية وين رايحين تنامون عدنة هسة اگوم اجيبلكم فراشات وضلو انتم واختكم تسامرو انة راح انام بالغرفتي.
- بلقيس :انة اجيب الفراش.
-حمد : لا بوية رجلج مورمة انة گايم.
- وسام : لا اتعبون روحكمهسة انروح...
- حمد : بالقرآن ازعل عليكم شني طالعين هيچ وكت بوية ماتستحون.
- وسام: على كيفك خوية لا تعصب عود ما ردنة نضايقكم.
-بلقيس: شنو هذا الحجي أصلاً ما تدرون اشگد فرحت من اجيتو صارلي اشگد ما گاعدة وياكم مثل قبل.
-حسام : والله البيت وحشة بدونچ نرجع من الشغل انة وسام لو نام لو انروح لبيت خالة سليمة.
-بلقيس : مو انة الي چنت اسويلكم مشاكل اشو خلصتو مني....
أنت تقرأ
أنت إم الماضي
General Fictionمازال في قلبي رحيقُ لقائنا من ذاق طعمَ الحب..لا ينساه.. ماعاد يحملني حنيني للهوى لكنني أحيا..على ذكراهُ قلبي يعود إلي الطريق ولا يرى في العمر شيئاً..غير طيف صبانا أيام كان الدربُ مثل قلوبنا.. نمضى عليه..فلا يملُ خطانا ..
