بلقيس: اسمع صوت حمد يرعد فزيت وطلعت من الغرفة شفت حمزة مدد وخدة احمر وخشمة ينزف دم وام حمد وابو يگومون بي باوع ادور على حمد ماكو طلعت من البيت گالو طلع رجعت لبيتي ماكو ما لگيتهة هوة تعبان وما ماكل اي شي سويت الغدة وگاعدة اتضره وانه بالي كله يمة اطلع واگول اروح اسأل علية وانوب ارجع اخاف منهم هناك لا يسمعوني حجاية همة كل البلاوي يذبوهة براسي اشوي اندگ الباب ركضت فتحته
جانت ام علاء مره تشتغل بالقصر تسأل اذا حمد رجع گتله لا من الصبح ماكو
بقيت گاعدة بالهول منتضرتهة النهار كلة ماكو حته لگمة ما حاطة بحلگي ولا نايمة اخر شي قررت اطلع ادور علي مابيهة مجال رحت للقصر لگيت عمتي سالته علي گالت بالديوان لا تخافين علي اتغدة وبقة هناك خلي لا تخنگي
- يعني هسة انه طلعت خانگته!!
- شوفي بلغيس مالي خلچ ولا خلگ النگ وياج روحي لبيتج ومن يجي رجلج عود تعاركي ويا تكاوني انتي ويا
- مشكورة عمة بس مو شي جديد عليج تسوة المصيبة وبعدين ادور ادور واطيح براسي
عفته وطلعت رجعت للبيت احس بطني طابگة على ضهري من الجوع ومالي خلگ اسوي اي شي لفيت راسي ونمت وانه ميته قهر منه حتلو ضايج منهم انه شلي غرض بيهم ليش يشرد مني يحسسني راح اشمت بي او راح احرضة فوگاهة يگلي انتي اتهونين المشاكل علي وكل مشكلة اتصيرلة يشرد للديوان الله يعلم اذا چان صدگ بالديوان لو عندة شي ثاني
على هذا التفكير غفيت وجرة وحدة للصبح فزيت ارد ادور اشوف بيش الساعة وايد حمد محاوطتني وخرته وگمت لان ضايجة منه رحت حطيت الجاي على النار واباوع على المطبخ ماعين مطشرة يعني حمد راج ماكل هنا ليش ما گعدني اشوي وسمعت صوته
- صباحچ الله بالخير.
- صباحك الله بالنور .
- بلقيس حضريلي الحمام ارد اسبح .
- صلي واسبح .
- عليش؟!
- احسن
- ما اشوفين حالي اسبح واصلي.
- ليش ما تقبل اصلي خاف عندك شي يمنعك.
- بلقيس اترجاج مو وكتچ .
- عادي اسألك يمته وكتي انه حمد ؟؟
- ما اريد حمامج طالع.
- وگف وگف هوة انت من دون كلشي ما طايقني انوب تطلع منا ضايج بعد ما تنشاف
حضرت الحمام وملابسة الماي عفته على الجولة گتلة
-حضرته بس يحمة المي ادخل اسبح عفته ودخلت للمطبخ سلگت بيض وسويتلة سياح بدهن حر ايحب هاي الاكلة طلع من الحمام
- اي والله مشتهي سياح حطيته ماعون گبالة وانه اكل بس بيضة واشوي خبز لان جوعانه كلش عود ارد اضعف روحي
باوعلي بستغراب
- ليش ما تاكلين وياي .
- ما اشتهي اكل شي دسم ؟
- ليش ؟
- ما اريد اسمن .
- بس انه ما احبج مصعلكة ( ضعيفة)
- حمد ارد احجي وياك بموضوع.
- گولي!!
- اتريگ وخلص ويعدهة احتجيك.
- لازم الموضوع چايد .
- لا مو جايد ولا شي .
جان ايحاول يسألني بس انه وجهي ثگيل الواضح عرف من شنو ضايجة منه لان حمد مو غبي گام ايغسل وانه واغسل الماعين اجة يمي
- اي بلقيس هسة حقج تحجين واطلعين الي بداخلج.
- يعني همزين تعرف اكو شي بداخلك من ناحيتك
- چا مطي ما اعرف گولي
- انه شنو بالنسبة الك ارد اسألك هذا السؤال وجاوبني بدون مجاملات.
- انتي هلي وربعي انتي عشگي انتي مالكة لگلبي انتي النفس انتي راحتي انتي مرتي انتي نضر عيني .
- انت صدگ تحبني حمد ؟
- ههههههههه ويلي ولج انتي اتسأليني هذا السؤال!!!
- اي انه ومن حقي اسأل لان انت ماشايف روحك صح چنت مو بيدك من اتصيح علي بذيج الفترة بس هسة شنو تفسر تصرفاتك وياي؟
- شسويت علمود فسر..
- شنو اسويت ليش من اتصير وياك مشكلة تشرد من هذا البيت اتحسسني انه سبب المشكلة انت تدري بية شكد قلقة عليك رايح گاعد بالديوان بدون حته ما تسأل عني اي طبعاً هاي بلقيس اخر همك بعد شنو اليجمعك بيه اشو لا ولد ولا تلد...
- كافي ضليتي اتخيطين واتخربطين ..
- شنو الكافي حمد بس الله يعلم بحالي بذيج فترة وانت بس تنتر بية گبال الرايح والجاي من غير الشمات والضحكة على وجوهم وانوب اتحمل تهميشك الي ..
- بلقيس اعصابي تعبانه تحمليني يعني احجي وية ابني اشكلة من امه ايگلي والله انه الي حطيت السحر بيت مرتك وانه الي ساندت امي شتريدني اسوي هجيت من البيت كلة تعرفين شگد تخبلو من ورة السحر اكو ناس ماتت انه حاضرطلايب بگد شعر راسي هلى السحر واعرف عواقبهة يعني انتي لوما گايلة لامي چا الله يعلم شصاير بية .
- إذا انت تعبان ليش ما تجي يمي ؟!
- ما ارد اكدر خاطرج واذيج اكثر ما كافي عليج الي سويته بيج .
- يعني حسبالك ريحتني من عفتني وهجيت بقيت بقلقل عليلك لليل وانت ماكو وانه دمي فاير.
- اعوضج وعيونج لمي غراضنه وزهبيلنه متاع باجر نطلع انه وياج للزيارة نغير جو
- عود اتراضيني ترة ما ارضه هيج ..وبعدين كل مرة تكلي هيج ما تاخذني.
- چا شسوي گليلي؟.. مو انتي تگليلي وديني لهلي ما ارد اروح هسة.
- لا خل انروح بس من نروح تحلفلي من اتصير مشكلة تجي تشكيلي وانه وياك ما اعوفك بساعته نتقاسم كل واحد جزء وتخف عليك .
- واذا ثگلن اهمومي خاف تمليني .
- املك !!! انت طردني وما عفتك من كل عقلك املك .
- اويلي بلقيس لج وحدة وياي العمر كلة ما انساهة .
- وانت الك وحدات وياي ما تنسي
- اروح اشرد منج لا ما اطلع منا ؟
- ولا تطلع ارتاح اشوي انت تعبان .
- اي والله تعبان .
- اسم الله عليك من التعب تريد ترتاح؟
- انه اريدج انتي مشتاقلج .
- انه كلني الك
YOU ARE READING
أنت إم الماضي
General Fictionمازال في قلبي رحيقُ لقائنا من ذاق طعمَ الحب..لا ينساه.. ماعاد يحملني حنيني للهوى لكنني أحيا..على ذكراهُ قلبي يعود إلي الطريق ولا يرى في العمر شيئاً..غير طيف صبانا أيام كان الدربُ مثل قلوبنا.. نمضى عليه..فلا يملُ خطانا ..
