بلقيس: رجعت وية بابة لبيت واستمرت حياتي بشكل روتيني الصبح نطلع كلنة انة اروح للمدرسة ووسام وحسام وانسام هم يرحون للدوام وبابة ايروح للشغل ونلتقي كلنة بالغدة انسد موضوع عزام وكانو شي ما صار بعد مرور شهر تقريباً
چنة مجمعين على الغدة وبابة جاي ايسولوف وية اخواني
- بابة: وسام بوية اذا تگدر باجر تجي من الصبح انت واخوك عدنة بضاعة جديدة من الطحين والشكر اريدكم اجردوهة الي .
- وسام: تحت امرك بوية تدلل .
- حسام: يابة ما اگدر اغيب باجر عندي امتحان .
- وسام: دومك هيچ ضد التيار .. بوية ما احتجة خلي ايروح للامتحان وانة ومجيد انكمل كلشي .
- بابة: اي مجيد خوش ولد بس ما اوصيكم الدقة بالشغل هذيچ الفترة احس بوگ جاي ايصر .
- وسام: افة منو ايبوگك وانت عندك اثنين ازلام لا اشوفة فاهي ترة بالعركة محد ايلحكة .
بلقيس: هههههههه ماكو مثلك للعركة تشتريهة بفلوس.
حسام: حتة وية الناس الي بالشارع ايهد ما سولفتكم اسوة وسام وحنة راجعين من المدرسة گال عندي كم شغلة اريد اشتريهم من العشار واهنك انشوف واحد دايرين علية مجموعة شباب وايكتلو ليش ما الاخ شمر جنطة وطفر بالنص دون تفهام واستلملك الوادم رگع ايگولون بقة واحد بيهم صاحي وصارتك طشار ..وگوم الولد وشربة ماي واخذ جنطة مني ورجعنة وكانو شي ما صار ولا طاب بمعركة قبل اشوي.
- وسام: بوية كسر گلبي وحيد وهادين علية مرعدتهم اتمرعد وداعتك .
- سلطان: ولك وسام انت ما اتوب من اسولفك العوج ميت مرة گايلك بطل مشاكل وية الناس ليش تدخل بشي ما ايخصك بوية افهم احنة ما عندنة احد بضهرنة يعني اذا صارت اطلابة هم اروح اجيب عزام اطلعون من البيت .
بلقيس : من سمعت بطاري عزام الگمة احشرت بلعومي وانشحطت
- فاتن : اسم الله اشبيچ هاچ ماي.
- بلقيس: بابة سد طاري عزام الله ايخلك واكره سيرتة .
- حسام: استغفر الله اسمة ايجب الغثة ويسد النفس
.
- وسام: اول مرة تحچي شي براسة خير.
- سلطان: بوية ذول عمامكم انة من ما اريد ادخلة لان بينة خلاف بس انتو ما الكم دخل بالنص مفهوم لو اعيد.
- حسام: بوية الي ايعادي ابونة ما انريدة ولا انطيق طاري .
- بلقيس: سدو هذا الطاري .. بابة صديقتي عرس اختهة الجمعة بقاعة الله ايخليك خليني اروح .
- سلطان: لا ما ترحين .
- حسام: شعندچ رايحة ولد وبنات وجايبين مطرب علمود اضلين تتمرگصين انتي وشلتچ التعبانة.
- بلقيس: انت سد حلگك بوية الله ايخلك اخذ وياي وسام خليني اروح.
- وسام: شني چاهل تاخذيني ما اريد اروح.
YOU ARE READING
أنت إم الماضي
General Fictionمازال في قلبي رحيقُ لقائنا من ذاق طعمَ الحب..لا ينساه.. ماعاد يحملني حنيني للهوى لكنني أحيا..على ذكراهُ قلبي يعود إلي الطريق ولا يرى في العمر شيئاً..غير طيف صبانا أيام كان الدربُ مثل قلوبنا.. نمضى عليه..فلا يملُ خطانا ..
