حمد: احس بلقيس مو على بعضهة هل فترة دوم دايخة وتعبانة حتة من گامت وكانو تنتضر الحجة مر شهرين على زواجنة والبرود اتجاهي نفسة ما تغير مرات احسهة مجبورة علي المشكلة ماعدخة اي تقصير وياي من عهد اخر مشكلة ما فد يوم عصت شي لو گالت مرات اتعجبني بتصرفاتهة وية امي اشگد تتحمل منهة ولا مرة اشتكت هذا الشي كبرهة بعيني اكثر.....
ااخ لو بس اعرف سبب صدهة الي
امي: ولك لطيم حميد مو احجي وياك خاب كون صخونة بعد روح ادخل وراهة.
-حمد: ها يمة شبيچ.!
-ولك ساعة اهذرم واتگلي شبيچ.
- اعذريني جنت صافن امري.
-مرتك ردت.
- وينهة.
- خاب كون الغسل اقصد على خولة.
- ومو ردهة؟!
-حمزة ابنك ردهة.
-ايصير خير انشاء الله.
-حميد صحيح انت تحب مرتك الصغيرة لجن خولة ام جهالك يعني من كل ولابد تعدل بينهن.
- الله كريم يمة مو وكت هذا الحچي.
-عزام:لا بوية وكتة هاي مريتك وذيج مريتك صيحيح البت غلطت لجن عرفت غلطهة وعصت اهلة وردتك لا تكسر بيهة يحمد.
- انشالله باجر يمهة.
- امي: لا مو باجر من اليوم يمهة صار شهرين من شبعت من البلحسة.
- حمد: يمة شمالچ تعيبين عليهة چا هية غير احلة من كل نسوان الديرة.
- عوفك منهة اليوم ليلتك يم خولة.
- خليهة على باجر...
-ولطم من اگلك احچاية تسمعهة روح فهم الغبرة مرتك ورد.
- چا اشلون اتنام وحدهة.
- اودي فاطمة تنام يمهة اذا اتخاف.
- هذا هوة اروح انطيهة خبر وانشالله نتلاگة بالعشة.
-خايب ياعشة تنطيهة خبر وتر حميد اعرفك مو تروح وتبرك يمهة.
-ههههههههههه كاشفتني.
- چا ماعرفك تربيتي.
دخت للبيت لگيتهة متمددة على جرباية وحاطة ايده على وجهة..
گعدت على الچرباية واباوعلهةرفعت ايدهة م
- ها حمد گول رايد شي؟
- اي والله رايد.
- گول.
رادت اتگون لزمت ايدهة
- رايد من اباوع بعيونچ ما اشوف هاي نضرت البرود رايد من شبگچ اتلميني بشوگ رايد اتگليلي احبك مثل مانة عاشگچ هم يجي يوم واتگليلي احبك
بلقيس: اول مرة حمد يحچي بهذا الموضوع اكيد ايحس لو شما اسويلة اذا هوة اينام وية جسد بلة روح.
- عندي موضوع وياچ.
-گول.
- خولة ردت.
- شفتهة مساع.
- يعني تعرفين ليش ما گلتيلي.
- جنة گاعدين برة ما صارت فرصة اگلك.
- يعني ما ضايجة منهة!؟
-لا ما ضايجة وليش اضوج احسن الهة رجعت خطية جهالة متهجولين.
- يعني ما اتضوجين اذا اروح يمهة ابات.
- لا هذا حقهة.
- بلقيس ليش ازوجتيني؟
سكتت ما جاوبتة
-احجي ليش ساكتة.؟
- يعني عادي كل الناس هيج تزوج وخاصة القرايب.
- بس مو كل الناس مثلنة ماعلينة اذا اتخافين اثيح لفاطمة تنام يمج.
- حمد عادي اروح لبيت عمو محسن؟
- ليش ترحين!؟
- لا ماكو شي وما اخاف ما يحتاج احد يبات يمي.
- على راحتچ من اترخص.
ČTEŠ
أنت إم الماضي
Beletrieمازال في قلبي رحيقُ لقائنا من ذاق طعمَ الحب..لا ينساه.. ماعاد يحملني حنيني للهوى لكنني أحيا..على ذكراهُ قلبي يعود إلي الطريق ولا يرى في العمر شيئاً..غير طيف صبانا أيام كان الدربُ مثل قلوبنا.. نمضى عليه..فلا يملُ خطانا ..
