أنت إم الماضي

20

حمد : الفرحة ما سايعتني مو لان بلقيس حامل ما انكر فرحت لجن فرحتي بتغيير بلقيس من اتسولف وياي احسهة صدگ مرتي نضراتهة الباردة الي ما راحت كلش بس اكو بعيونهة شي يختلف هية بصفي بالسيارة اتباوع علي الي داير مادايرهة وشكلهة متونسة وانة فرحان على فرحهة وصلنة لشط صعدتهة بلم گعدت اگبالهة صافن اتمعن بوجهة الي سبحان رب الخالقهة بعيوني احلة من نسوان الدنية هية

- حمد غنيلي انت صوتك حلو.
- انتي تامرين

بلقيس : اكو تضارب مشاعر بداخلي هيج جاي احس جزء مني ايريد حمد وجزء بعدة بشك وبريبة بس انة لازم اتغلب على هذا التفكير واتأقلم وية حمد  مستحيل الگة احد احن منة علية اصلاً من اباوعلة احس بالامان طول الوقت اعيونة علية حتة لو ااشرلة ما ايفيد  صعدنة بالشختورة اتخبل مي دجلة طلبت منة ايغني لان صوتة حلو غنالي

کون السلف ینشال شلته اعلی راسی
خذته العصر مشّای لام گلب جاسی

لا لا تسدّ الباب بوجوه الضیوف
اویاهم حبیب الروح للملگی ملهوف

بلچی اعلی خاطر گول یا بنیّة الناس
اسمع حرف ینگال حرزة اعلی وهواس

بید الزم الفانوس بید انثر الهیل
کل خطوة الشفّة اتصیح هلهولة لچحیل

بصوتة الريفي  اتخبل چان ايغني وايباوعلي حسيتة بسمار الي ههههههه اكثر كلمة سمعتهة بحياتي ام خشم اليابس ابوي گلي طالعة على امچ وامي اتگلي طالعة على ابوچ

-بلقيس وين سارحة؟
- حمد صدگ خشمي يابس؟
- مالت الله.. كلش حتة امي اسميچ ام خشم اليابس.
- ترة واضح على امك ما اطيقني هية واخوك منصور كلش مكشوفين.
- اشلون عرفتي؟
- عادي مو الة الشخص ايگلك انة اكرهك مرات التصرفات تقضح الشخص.
- مثلج يعني.
- انة ما جنت كارهتك چنت كارهة فكرة الزواج كلهة.
- وهسة؟
-يعني اشوي كارهتة واشوي جاي اتقبلهة.
- ربچ كريم اصبر شعندي.

شفنة ناس اتبيع سمچ حمد گال لبو البلم يطبگ يمهم اشترالة سمجة ضليت اباوعلة بستغراب ونزلنة قريب من مزرعة الناس عرفتة واتسلو بي يتغدة يمهم بس هوة رفض وگال انريد نشوي يم الشط خطية ما قصرو جابو  خبز وخضرة  و گعد حمد يشوي  نزع اعگالة والجفية وسرفن دشداشتة وانة بس اضحك على شكلة خلص شوي رتبت الاكل وگعدنة ناكل اول مرة اعيش هيج اجواء  كلش اتونست حمد اليمي يختلف عن حمد الشيخ  الي ايريد بس ضحكة مني خلصنة اكل..
غسلنة ادينة بالشط ورجعنة على گعدتنة اتمدد على رجلي فاجئتني حركتة  

-منعس ارد اغفة شوي.
- على راحتك.
- اخاف مأذيچ؟
- لا ما مأذيني

ضليت اللعب بشعرة هاي الحركة امي من چنت انام بحضنهة اتخليني بسرعة انام والواضح حمد مثلي غفة بسرعة بقيت اتأمل بي لحيتة طولانة وعيونة شكلهم تعبان بس الحق ينگال شكلة حلوة اكو شي مميز بي ملامح الرجولية طاغية علية....
ورة فترة شفت الشختورة الي جابتنة رجعت علينة 
لازم اگعدة