أنت إم الماضي

45

مرت الايام واحنه بيت عمي محسن چانت اللمة ونسة وتغير جو حقيقة لان كلنه سوة اخواني يروحون للبصرة وية ابوي ايجيكون المخازن ويرجعون وهنا امي اتضل تلوب عليهم لحد ما يرجعون هديل ورجلهة وياهم حميد وخالتي يبقون يمنه بس خليلك بطن تگدر اتقاوم وياهم من الضحك ما چنه متهجولين وحالتنه حالة ..
انسام تقبلت فكرة زواج ناصر اصلاً صار عدهة عادي ..
بيوم گاعدين على الاخبار بعد ما اشدت الحرب گالو انسحب الجيش العراقي من الكويت و تقريباً هدت الاوضاع وبعد ماكو قصف هنا كلش فرحت يعني راح نرجع لبيتنه وامي اكثر وحدة فرحت لان ما اتاقلمت ابد وية اجواء الريف
چنه انلم بغراضنه علمود نرجع وانه اروح منا واجي منا رحت للمطبخ اشرب مي اجاني علاوي بن عمي محسن گالي هاي الورقة امانه وعذريني يا بنت عمي بس والله حلفي شيخ حمد انطيهة الج بدون علم احد .
چنت اشرب مي من سمعت اسمه غصيت اخذت الورقة وگعدت برة اقرة بيهة مكتوب

( سلام عليكم
الى روحي و وشهگت هواي وضحكتي وراحتي ... ادري بيچ ما تهوين شوفتي وادري بيج كارهتني وما ترديني بس اتمنة اشوفچ اخر مرة قبل لا ترحين واوعدچ وعد شرف من بعدهة انتي تحددين وشنو الي تردي يجرالج ..بلقيس انتضرچ بنهاية بستان عمي محسن ..لخاطر كل يوم حلو گظينا سوة لخاطرة كل ضحكة وسالفة بينه لخاطر العشگ الچان بينه لخاطر العشرة تعالي ..)

سحبت نفس وبقيت بحيرة من اقرة بالرسالة احسة بصفي هوة يحجيهة من كاتب ادري بيج ما تهوين شوفتي وادري بيج كارهتني وادري ما ترديني .. دمعت عيوني وانه اخاف اشوفه اخاف شوگي يفضحني اخاف احجي ويا اخاف يقنعني بالرجع اخاف اشوفة وانسة كلشي گاعدة وحايرة حسيت على حركة وراي درت وشفتهة امي گمزت

- اسم الله شبيج ليش گاعدة هنا وشنو هاي بيدچ؟
- هاج اقري.

امي قرتهة وطبگته وانطتهة الي.

- شراح اسوين ؟
- ما اعرف حايرة.
- روحي احسن واجهي شوفي نفسج گد الطلاگ اذا گدة طلبي منه .
- الله كريم .
- اياج اظعفين يا بلقيس تروح كرامتج العمر كلة .. ادري بيج تحبي بس اهله ما يردوج مثل ما رادوني من قبل وراح يحاربوج العمر كله .. ايگول ابو المثل اهجر بيتك سنه وعمر ابيتك دوم.
- خل اصيح لعلي ياخذني واذا سأل ابوي گليلة ظاجت واخذهة علي بالبستان
- تمام.

صحت لعلي واجة اخذني گتله وين نهاية بستان عمي وديني واخذني گال يم ذيج الگنطرة النهاية چنة نمشي وسمعت صوته اعرفة من ايغني چان موال
صوت الحزن يبجي الصخر

يحادي لوين مسراكم وناوين
بجفاكم يفرح الشامت وانا اون
يخالي البال وين انت وانا وين
فرق بين السما وبين الوطية

صح مشتاقتلة بس من شفته اكو شي بداخلي بعدة حاقد علي
گلي علي خوية انه انتضرج هنا انتي روحي بس لا تتاخرين

چنت امشي بتجاهة گاعد جوة نخلة يم الگنطرة من اتقربت سمع صوت رجلي دار شافني
گام جسمة ذابل عبالك مثل شايب ولحيته طولانه للحظة شكيت بي مو هوة بس الصوت نفسة صوت حمد من گال