Би уйлж байлаа. Түүнийг алдсандаа, өөрийнхөө амийг дүүгийнхээ амиар сольсондоо багтарч байлаа.
Түүнийг санаж дахин амьдруулахын тулд юу ч хийхэд бэлэн байгаагаа мэдэж байна.
Гэтэл өөдөөс нүүр дүүрэн инээмсэглэсэн Жонгүг алхаж явна. Тэр жаргалтай харагдаж байна. Урьд өмнө нь хэзээ ч байгаагүйгээрээ.
Жонгүг хажууд минь ирэн "Эгчээ, намайг санасан уу?"
Би нулимстай нүдээ нэг шудраад "Ж-Жонгүг? Чи амьд байна! Жонгүг аа"
Жонгүг дахиад л инээмсэглэн "Эгчээ, та битгий уйл. Би таныг уйлахад дургүй. Би энд байна шүү дээ. Таны хажууд байхад яагаад уйлаад байгаа юм?"
Нүднээс нулимс урссан ч инээмсэглэн "Чи амьд байна. . . Тэгэхээр эмгэнэлт болсон бүх зүйл худлаа байжээ? Чи амьд байна!"
Жонгүг "Эгчээ, надад хугацаа бага байна. Би удахгүй явна. Намайг байхгүйд битгий уйлаарай. Би үхсэн ч таны дотор амьдарсаар л байх болно. Та битгий уйл. Би ирж байх болно оо"
Би "Жонгүг? Би чамайг явуулахгүй! Яасан ч дахиж явуулахгүй! Гуйж байна. Үлд л дээ"
Би урагш нэг алхан бяцхан дүүгээ тэврэх гэж оролдлоо. Гэвч болохгүй нь. Би эсвэл тэр зүгээр л хий зүйл болчихсон мэт.
Жонгүг "Харж байна уу? Ийм болохоор би тантай хамт байнга байхгүй. Би ирж байх хэдий ч хэзээ гэдэг нь мэдэгдэхгүй. Эгчээ, би энэ ертөнцөөс явсан ч таны дотор амьдарсаар л байгаа юм шүү. Хайртай шүү эгчээ"
Би "Жонгүг? Үгүй ээ! Битгий яв! Би чамгүй байж чадахгүй! Би чамгүй бол хэн ч биш! Би чадахгүй шүү дээ"
Жонгүг "Эгчээ, та ганцаараа биш шүү"
Тэрээр ийн хэлээд надаас холдон бага багаар замхрав. Хэчнээн гүйсэн ер ойртож чадахгүй тийм л хол. Яг л хэзээ ч хүрч чадахгүй оргил шиг. Тэр минь ч миний хүрч үл болох ноён оргил болж.
Би "ЖОНГҮГ!"
Давхийтэл цочин сэрэхэд энэ зүүд гэдгийг мэдлээ. Зүгээр л зүүд байж. Зүгээр л зүүд.
Түүнийгээ тэнгэрийн орон руу явуулаад яг нэг сар болчихож. Ийм эрт хагацана гэж санаагүй байсан болохоор. . .бяцхан дүүгээ хангалттай хайрлаж халамжилж чадаагүй болохоор өөртөө дургүй хүрч байна. Эцсийн эцэст би л байгаагүй бол тэр минь хөгжмийн нэвтрүүлэгтээ ороод юу ч бодолгүй инээж байх байсан шүү дээ. . . Би л оронд нь явчихсан бол би шаналахгүй, харин ч баярлах байсан. Эцсийн мөч хүртлээ намайг хамгаалсан дүүгээ санаж байна.
![](https://img.wattpad.com/cover/219722571-288-k346724.jpg)
YOU ARE READING
Love and Sorrow | Kth END
RomanceАриун цагаан хайраар эхэлсэн атал үзэн ядалт харууслаар төгсөх юм гэж хэн санах билээ? Учрах ёсгүй тавилан учирсан юм болов уу? Уулзах ёсгүй чи бид хоёр уулзсан юм болов уу?