حمد : عفتهم يحچون ورحت جبت الدواشگ ٣ ولو على عمة گلبي اخليهة اتنام يم اخونهة وانة گلبي مفرفح على حضنهة بس ميخاف هية تعيبانة وبالكي اخوتهة يطيبون خاطرهة.
ذبيت الفراشات اباوع عليهة اشلون منطلقة وية اخواتهة صح فرحتلهة بس هم غرت چا يمي ليش بس ساكتة وما تحچي اوووف يا گلبك يا حميد ليمتة تطفة نارة وتحس بيك معشوگتك...
-حسام: عنك ابو حمزة انة افرش استرح.
حمد: لا خوية گلي روح نام تعيبان من غبشة گاعد.
-حسام: الله يساعدك.
بلقيس : دخل حمد وانة عيني ورى صدگ شكلة تعبان احس شكل حمد جاي يتغير شنو حليان لو يتراوالي...
-وسام: اذا تردين رجلچ ذاك روحيلة انعوجت رگبتچ ورى.
-بلقيس: وجع اشبيك ما منتبهة.
-حسام: شنو انسمي هذاي النظرات حب اعجاب عطف؟
- بلقيس: سميهة صفنة يالفيلسوف 😒.
-وسام: عوفهة ما تعرفهة عدهة استعداد اتكابر العمر كلة وما اتغير رايهة.
- حسام: هههههههههههه.
-بلقيس: 😒.
-وسام: لا اتباوعين هيج هذا الصدگ.
-حسام : شلونة حمد وياج اهلة شلونهم؟
- بلقيس: حمد وياي كلش زين على رغم اختلاف العيشة هنا وبالبصرة بس حمد يبسط الامور وياي دائماً عكس اهلة المواضيع عدهم كلهة صعبة وما اصير امة احسهة اضوج مني ومرات احسهة تكرهني بس مالت الله ما تأذيني بحچاية وخاصة من حبلت.. امة خواتة فكلهم يكرهوني عدا فاطمة كلش حبابة وياي واخوانة منصور حسبالك كاتلة ابو سلام ما ايسلم وكل ما اعبر من يمة يستغفر طلعت روحي منة
-وسام: شبي هذا انة اعلمة الحيوان هذا...
-بلقيس:وسام انة لو ايريد مشاكل چا گلت لحمد وهوة ايردة بس انة مالخلگ مشاكل.
حسام: خوية ما ايصير هيج ترة منصور من ايشوفچ هيج انوب يزيد خلينة انأدبة احنة محمل گلبنة علية اخ لو بس اگضه..
-بلقيس: حسام لخاطري لا اسون مشاكل صوچي حجيت وياكم بعد ما احچي اي شي.
- وسام: يعني انخلي ترضيهة!؟
- بلقيس: اي انة جاي افضفض الكم علمود ارتاح مو علمود ازودون الطين بلة انو ما اشوفون اشلون ايعاملوني كانو من كوكب المريخ وين ما اروح هاي مرت الشيخ بلة خل انشوفهة وكلهة اصفن بوجهي كرهت هذا الشي.
- حسام: كلة مني انة سبب عذابج بلقيس ماتدرين اشگدر الوم روحي من اشوفچ تتعذبين.
-بلقيس: انت شلك غرض.
- حسام : لو ما مسوي مشاكل وياج ما چان وافقتي.
- بلقيس: هذا الحجي ما ايفيد بعد الي راد ايصير صار وانة بديت اتعود على هاي الحياة حتة حمد بديت اتقبلةمو مثل اول زواجنة... مشكلتي مو حمد مشكلتي اهلة...
-وسام :احجي وية رجلچ وفهمي گليلة على كلشي.
-بلقيس: انشالله.. انتم شخباركم ماكو شي منا منا؟
- حسام: انة على حطت ايدج بس اخوچ صاير أمرو القيس.
- وسام : انجب وسد حلگك.
- بلقيس : ها ولك ومن وراي وما اتگلي منو هاي سعيدت الحظ؟
- وسام : وياي بالجامعة اتعرفت عليهة حبيتهة.
- بلقيس : زعلت عليك هاي عود انة اقرب واحدة الك وما تگلي.
- وسام : ياريتچ ما دارية احسن هوة انتي ناقصة هم.
- بلقيس: اسم الله عليك من الهم.. شكو شصار؟
- حسام : يامحفوضة السلامة الاخ راح لبوي علمود يخطبهة اله.
-بلقيس: اي!
- حسام : ابوچ رفض الموضوع رفض تام واتعارك هوة وسام.
-بلقيس : ليش رفض اكو شي بالبنية خلة ابوك ما ايريدهة؟
- وسام: سدو الموضوع ايولي.
- بلقيس : شنو اسد الموضوع صاير اضم علي لو مو من مستواكم وتحچولي.
- وسام : شحچيلچ على ابوچ الي كسر گلبي بدون سبب رحتلة وگتلة بوية انة رايد بنية ويانة بالكلية خوش بنية . بعدني ما مكمل گال هاي الفكرة اشيلهة من راسك وحدة من الكلية ما تزوج الة على موتي.
- بلقيس: صدگ!!؟
- وسام: حتة ما قبل يسمع اي شي عنهة.
- حسام:مو بس هيچ وهدد وسام وگلة اذا سمعتك تمشي لو تحچي وياهة ليكون افضحهة عند اهلة وسام من ذاك وكت وليهة بينة وبين ابوي بس سلام.
-بليقس: وامكم شنو دورهة لو مثل كل مرة وجودهة مثل عدمة؟
- حسام : امي ما رضت على ابوي وعلى تصرفة وجت حچت وية وسام وفهمت منة كل الموضوع وگالتهة بس تجي بلقيس انة وياهة نفتح الموض ع وية ابوك ونقنعة مو بكيفة.
- بلقيس: اشوة اتحرك ابو الهول.
- حسام : بلقيس ترة انتي ضالمة امي خطية تدرين بيهة مريضة من يوم الي زوجتي واليهسة واتكابر لو تدرين اشگد اتلوم روحهة من رجعنة من العرس اتخربطت اتگولو انة السبب ما عرفت اتصرف اشلون اشمر بنتي هيج ما چانت متوقعة هيج راح من چنة نجي ما تقبل تجي احسهة اتحمل نفسه المسؤولية وما تگدر اتشوفچ بالوضع الي انتي بي و من غير المشاكل هية وابوچ بين قوسين بيتنة صاير مثل جهنم ما ينچهب.
- بلقيس: حسام انة ما اريد من اي شخص ايحبني بداخلة تمام اذا ما اتبينلي حبك واهتمامك ميخالف بس لا اصير مصدر للازعاج والهم طلعتة من حياتي هواي احسن.
- وسام: انة افهمچ بلقيس وحچيچ گلتة قبل فترة لحسام و بالنسبة للي احبهة ازوجهة برضات ابوي او بعدم رضاتة خاف نسة هوة اشلون ازوج امي!
- بلقيس: لا وسام ما اقبلهة ترة ابوك ضوفة تختلف بوقتهة ايجوز انت ما عرفت اتفهمة الموضوع اذا اصالحنة انة احجي ويا واذا ماكو مجاي اندخل حمد يعرف اشلون ايفر راس ابوي.
- حسام: هلة والله حمد اشلون اتگولهة.
-بلقيس: وعمة مو صوجكم.
-وسام: ههههههههههه اگلج انتي اشعندج نايمة يمنة ما ترحين يم رجلج صارلة اسبوع مسافر وجاي بايت عشتو يمج علمود اتنامين يم اخوانچ
-حسام:ولك من مساع ردت احچيهة بس استحيت همزين طلعت منك هسة تلگا بالغرفة يسب بينة.
- بلقيس : انتو مو صوجكم صوچي انة الي جاية يمكم ما تستحون اصلاََ حمد نايم وتفكير مو مثل تفكيركم قذر تفو عليكم اروح يمة هواي احسن منكم...
أنت تقرأ
أنت إم الماضي
General Fictionمازال في قلبي رحيقُ لقائنا من ذاق طعمَ الحب..لا ينساه.. ماعاد يحملني حنيني للهوى لكنني أحيا..على ذكراهُ قلبي يعود إلي الطريق ولا يرى في العمر شيئاً..غير طيف صبانا أيام كان الدربُ مثل قلوبنا.. نمضى عليه..فلا يملُ خطانا ..
