عافتني امي وطلعت ضايجة وياهة خالتي .
واشوي وراحت هديل انسام گعدت يم رجلي وضلت تبچي
- بلقيس اشلون اتحمل اتروحين واتعوفيني ؟
- تتعودين صدگيني اصلاً تنسيني .
- لا اتگولين هيچ انة متعودة عليچ اكثر من امي .
- اي وحتة اخوانچ هم چانو ايگولن انتي مثل امنة وبعدهة طلعت امهم وحدة مو زينة وما عدهة شرف .
- والله ما يقصد بس ...
- لا اتبررين لواحد لان حجاهة حجاية واضحة ما يحتاج واحد ايبرر الهة واكثر من مرة چان ايگلي شنو سبب رفضچ للزواج الى ان گال انتي مصاحبة واخو حتة ما گلة ولك اسكت عيب اختك الچبيرة اكتفة بالسكوت هوة وامي .
- انتي الچبيرة وتتحملين ميخالف.
- انسام ناوشيني الذهب بالكنتور .
انطتني اسواراتي جاي البس بيهم ودگ الباب وسام وامبين حسام ورى لان منتجي على الحايط واكيد ساحلة وسام غصب
- وسام : بلقيس والله انتي فهمة الموضوع غلط ...
- بلقيس : وسام روح منا ارد اعدل شكلي خاف يجون الناس وما اعجبهم وانوب ما ايقبلون بية واتگولون اتعمدت اسوي هيچ علمود حبيبهة .
- وسام. : ايخسة الي يحچي عليچ ..
- بلقيس: لو سمحت ما اريد اشوفكم انتة واخوك اعتبروني اي شي بالبيت مزهرية ثلاجة حايط من تمشون من يمي لا تسلمون وانة هم نفس الشي راح اسوي وياكم .
- وسام : ايهون عليچ ما اتسلمين علية وما تحچين وياي؟
- بلقيس : اي ايهون يلة وخرمن وجهي لا انزل لبوي اگولوة عليكم .
- وسام : بلقيس...
گمت وسديت الباب بوجهة ورجعت حطيت مكياج خفيف نزلت انسام وانة نزلت وراهة حضرنة الغدة وصبينة غدة چنت اجنب الحچي وية امي وية اخواني بسرعة خلص الغدة وبخرنة البيت اندگ الباب ودخلو الزلم والنسوان صعدت بدلت بس اهدومي وحطيت ريحة نزلت اسلم جايات تقريباً ١٠ نسوان ام حمد الي لامة وجهة علية من نزلت اشرت علي ابتسمت بوجهة ورحت سلمت عليهة اول وحدة
- حمد لله على سلامتكم خالة اشلونچ اشون صحتچ؟
- ام حمد : الله ايسلمچ الحمد لله بخير .
سلمت على البقية الكل ايباوعلي بحقد وكأنو كاتلتهم بس وحدة امبينة اصغيرة اتباوعلي وتبتسم هم بادلتهة الابتسامة من سلمت عليهة گالت
- انة فاطمة اخت حمد الصغيرة.
- اهلاً واسهلاً اشرفت بمعرفتچ .
- عين الباردة صدگ گمر مثل ما گال حمد .
- هههههه انتي الگمر والله.. حمزة ما اجة ؟
- اهوو حمزة اموتنة بيچ خالة بلقيس وخالة بلقيس اضن حمزة فرحان ابو راح يتزوج على امة وانتي السبب .
وحدة من النسوان : اي نسوان اخر وكت يلتفن على الزلم وايخذنهم من نسوانهم .
- بلقيس: والله يا خالة ما التفيت على احد واعتقد خالة ام حمد چانت موجودة ولة شتگولون؟
- ام حمد : اسكتي ية فتنة ما اريد حچي زايد .
فتنة اخت حمد الچبيرة هية مو كلش چبيرة بس لبسهة امكبرهة امبينة شرانية .
فاطمة : لا اتغثچ فتنة حقهة ما تعرف حمد صاير مثل المهبول بعشگچ الصدگ چنت الومة لچن هسة من شفتچ اگول معذور يا خوي ما اشاء الله اخلاق وجمال .
YOU ARE READING
أنت إم الماضي
Generel Fiktionمازال في قلبي رحيقُ لقائنا من ذاق طعمَ الحب..لا ينساه.. ماعاد يحملني حنيني للهوى لكنني أحيا..على ذكراهُ قلبي يعود إلي الطريق ولا يرى في العمر شيئاً..غير طيف صبانا أيام كان الدربُ مثل قلوبنا.. نمضى عليه..فلا يملُ خطانا ..
