-انا جاي اهنا يابو حمد وعندي حگ عدكم ولو ما معزت حمد عندي الة اسويهة طلابة چبيرة عبن ابنكم تعدة علينة و ايريد طلايب .
- عزام : افة شيخ احنة اهل وانحلهة بينة موش هيچ بوية حمد.
- حمد : اكيد بوية احنة اهل وجورة بس هم من حگنة نعرف شني الي صار عمي حاتم وين ابنك اشو ما اجة ؟!
- حاتم : بوية صيحو اخوكم . چان يحچي وية ولدة.
- حمد : سولف يا شيخ شني الي صار.
- الشيخ : انت تعرف گيعانة جار گيعان ابو سعدون وابنكم سعدون تعدة على الماي مالتنة وحولهة على گاعكم وديت ابني ونبهة مرة مرتين ما رد اخر شي گالة اذا ما تفك من هل سالفة راح نشكيك للشيخ بعده ابنكم دفع ولدنة وسوة مشكلة .. ترضاهة ياشيخ انا ما سويت بينة سور عبن احنة اهل لچن سعدون اتعدة على ارضنة واكثر من مرة ازلامي يشتكون من طم المسگة وطلع هم اهو الي يطم بالليل وگظو وكتو البارحة لان اتعدة علينة.
- عزام : هذا الحچي صحيح يا سعدون؟
- سعدون بعد ما جابو اخوانة: شيخ انة طميت المسگة الة لان همة التمو علية وكتلوني لان اخذت منهم ماي.
- حمد : وعليش تاخذ منهم ماي ما عندكم مسگة؟
- سعدون : مابيهة ماي ولازم اسگي والة مات الزرع.
- حمد : انت رحت وطلب منهم ماي وما انطوك لو تصرفت من كيفك ؟
- سعدون : ولعيش اطلب هو ماي من نهر الله.
- حمد : هو صح من نهر الله بس المسگة الوادم امسويتة والي ايسوي ايملكة وانت ما سويتلك واحد عبنك تعاجزت شتگول عمي ابو سعدون وية منو الحگ ؟
- حاتم : اعذرنة شيخ گوم اعتذر من عمك ولك چا سويت بينة مشكلة واحنة اهل طيح الله حضك .
گام سعدون وباس راس الشيخ واستسمحة
- حاتم : اعذرنة يا شيخ انة ما وصلني الامر هيچ.
- الشيخ : معذور هذول شباب متهورة وطايشة وما توعى بالمشاكل وطلايب وانة گلت احنة اهل وعشرت عمر.
- عزام : وانعم منكم انشالله دوم احنة اهل .
- الشيخ : نترخص احنة ..
- عزام: وين طالعين ما ايجوز ابقو على العشة.
- الشيخ : واصل يا ابو حمد لچن عدنة سفر وانريد نتوكل .
- عزام : ما دام هيچ مرخوصين .
طلعو وعمي حاتم نزل على ابنة رزايل واغلط لان فشلة باوعت على ابوي الي علامات الفخر واضحة على وجهة ومنصور اخوي گاعد نضرات الحقد واضحة من عيونة الي ما استغرب هل الشي متوارث بالعائلة الغدر بين الاخوة فحمحمت وجليت صوتي تمهيد للي راح اگولة الكل دار علي
- حمد : بوية انة خطبت بنت عمي سلطان واريدك تجي وياي للبصرة ...
- حاتم : انت اجاي اتمولي ؟ شني تخطب بت سلطان شني تاخذ ابوك هو ابكيفك ؟
- حمد : عمي الشرع حلل اربعة وانة رجال مجاي اخالف الشرع واعتقد تعرف انت بقصور بتك ما يحتاج اعلمك بيهن .
- حاتم : چا انت ما لگيت الة بت سلطان تاخذهة ضرة على بتي اسمع يا حمد و روح ابوي اذا تاخذ بت سلطان اليكون نتخارب بكل العشيرة تهي بهي .
- عزام : حمد بوية انت تقشمر تحچي الصدگ؟
- حمد : بوية انة جاي انطيكم خبر مو جاي استشير انت تعرفني عدل ما اتقشمر بهيچ مواضيع.
YOU ARE READING
أنت إم الماضي
General Fictionمازال في قلبي رحيقُ لقائنا من ذاق طعمَ الحب..لا ينساه.. ماعاد يحملني حنيني للهوى لكنني أحيا..على ذكراهُ قلبي يعود إلي الطريق ولا يرى في العمر شيئاً..غير طيف صبانا أيام كان الدربُ مثل قلوبنا.. نمضى عليه..فلا يملُ خطانا ..
