သန်းခေါင်ယံချစ်သူ
Season _ 2, အပိုင်း (37)
နွေဦးသည် အကိုသူရထံမှ စွမ်းအင်လွှဲပြောင်းယူပြီးနောက် တကိုယ်လုံးပေါ့ပါးကာ လေပေါ်ပျံဝဲမတတ် ခံစား လိုက်ရသည်။ ဒါကြောင့် မှော်ပညာကို လူတိုင်း အရူးမူးတတ်ချင်ပါလားဆိုတာကို နွေဦး လက်တွေ့သိရှိသွားသည်။ မိမိသာ မှော်ပညာတတ်လျှင် ကဝေကြီးကို ကူညီပေးနိုင်မည်ကို တွေးမိတော့ နွေဦး ဒီမှော်ပညာကို တတ်ချင်သည့် စိတ်လေးပေါ်လာတော့သည်။ ဒါပေမယ့် ဒီအကြောင်းကို အကိုသူရသိအောင် တစွန်းတစမျှ ထုတ်မပြ၀ံ့ပါ။ ဘာကြောင့်လဲဆိုတော့ မိမိသာ ပြောလိုက်မည်ဆိုလျှင် အကိုသူရ ချက်ချင်းလုပ်ပေးမှာကို သိနေသောကြောင့်ဖြစ်သည်။
အကိုသူရလုပ်ပေးတာကို မလိုချင်ပါ။ နွေဦး လိုချင်တာက ကဝေကြီး မိ်ိမိ ချစ်သူကိုယ်တိုင် သင်ကြားပေးတာကိုပဲ ခံယူချင်မိသည်။ မိမိနှင့် အကိုသူရက ဘာမှ မသတ်ဆိုင်တော့သည့် သူစ်ိမ်းတွေဖြစ်လို့ အခုလို ကဝေကြီးကို ကယ်တင်ဖို့ အကူညီတောင်းရတာတောင် နွေဦး မျက်နှာပူလှပြီ။ ဒါကို ဘယ်လို မျက်နှာဖြင့် အကိုသူရကို မှော်ပညာသင်ချင်ကြောင်းပြောဝံ့ပါ့မလဲ။
လူဆိုတာ တဖက်က ပေးချင်တာကို သိပေမယ့် အကူညီကို လက်တစ်ဆုံး မယူသင့်ဟု ဖေဖေဆုံးမထားကို နှလုံးသားထဲထိ မှတ်မိနေသော နွေဦးအတွက် ဒီလို အကူညီကို ဘယ်တော့မှ တောင်းဖြစ်မည် မဟုတ်ပေ။ ပြီးတော့ လောကမှာ အလကားရသည့် အကူညီရယ်လို့ ဘာမှမရှိပေ။ တစ်ခုလိုချင်လျှင် တစ်ခုပြန်ပေးဆပ်ရသည်။ နွေဦးမှာ မိမ်ိချစ်သူကလွဲရင် ဘယ်သူ့ကိုမှ ပေးစရာ မရှိပါ။ စိတ်နှင့် ကိုယ်ကို ကဝေကြီးကို အပိုင်ပေးထားပြီးနောက် ကဝေကြီးကလွဲပြီး ဘယ်သူ့ကိုမှ ဘာမှ ထပ်မပေးနိုင်တော့ပါ။
ဒီလိုစိတ်ပိုင်းဖြတ်တာက မိမိအတွက်တင်မက တဖက်လူအတွက်လည်း စဉ်းစားပေးရာကျသည်။ တကယ်လို့ မိမိသာ အကိုသူရကို ထပ်မံတွယ်ကပ်ပြီး အကူညီတောင်းလိုက်မည်ဆိုလျှင် အကိုသူရ၏ မျှော်လင့်ချက်ကို ဆီလောင်းလိုက်သလိုဖြစ်ပြီး ပြတ်တောက်သွားသည့် သံယောဇဉ်ကို မိမ်ိက ထပ်ဆက်ချင်သည်ဟု သူထင်သွားလျှင် မခက်ပါလား။ မချစ်နိုင်သောသူကို အကျိုးအမြတ်တစ်စုံတစ်ရာကြောင့် နွေဦး အသုံးမချချင်ပါ။ ဒါက နွေဦး၏ ရိုးသားမှုပင်ဖြစ်သည်။
နွေဦးသည် အကိုသူရနှင့်အတူ တောင်ပိုင်းပင်လယ်ကို ရုပ်ရွှေ့ပြောင်းရောက်ရှိခဲ့သည်။ နွေဦး၏ မျက်ဝန်းထဲ အစ်ိမ်းရောင်နန်းတော်တစ်ခု၏ မုခ်ပေါက်ဝကို လှမ်းမြင်လိုက်ရသောအခါ တောင်ပိုင်းပင်လယ်သခင်မ၏ နန်းတော်ဆိုတာ သိလိုက်ရလို့ ရင်ခုန်သွားသည်။ ကဝေကြီးနှင့် တွေ့ရတော့မည်။ အကိုသူရက နွေဦးကို အခွင့်ရေးမရလျှင်နောက်ပြန်ဆုတ်ဖို့ အထပ်ထပ် သတိပေးကာ အနီးနားမှာ စောင့်နေမည်ဟု ပြောပြီး ပျောက်ကွယ်သွားတော့သည်။
နွေဦးတစ်ယောက်တည်း ရေညှိစိမ်းရောင် နန်းတော်မုခ်ဝကို လျှောက်လာစဉ် ပင်လည်စစ်သည်တော်များ၏ တားဆီးခြင်းကို ခံလိုက်ရသည်။ ပင်လယ်စစ်သည်တော်များက နွေဦးကို မြင်သည်နှင့် လူစိမ်းမှန်းသိလိုက်ပြီး လက်နက်ဖြင့် ချိန်ရွယ်ကာ ဖမ်းဆီးရန်ပြင်စဉ် ခန့်ညားသည့် လူရွယ်တစ်ဦး မုခ်ဝမှ ဖြတ်သန်းလာသည်နှင့် ကြုံသောကြောင့် အစောင့်များကို တားဆီးကာ နွေဦး ဒီနန်းတော်ပတ်လည် တမိုင်အကွာက ချထားသည့် အကာရံကို ဘယ်လိုဖောက်ထွင်းလာသည်ကို ချေချေငံငံမေးလိုက်သည်။
နွေဦးသည် ကဝေကြီးနှင့် တွေ့ဆုံရန်စိတ်လောနေသဖြင့် ထိုလူရွယ်ကို မိမ်ိအမည်ကိုပြောလိုက်ပြီး ကဝေကြီးနှင့် တွေ့ချင်ကြောင်းပြောလိုက်သည်နှင့် ပင်လယ်စစ်သည်များနှင့် လူရွယ်က ချက်ချင်း မျက်နှာ အမူယာပြောင်းကာ နွေဦးကို အရိုသေပေးပြီး နန်းတော်ထဲကို ချက်ချင်းခေါ်ဆောင်လာတော့သည်။
မိမ်ိလာမည်ကို သိလို့ ကဝေကြီး ကြိုတင်မှာကြားထားတာဖြစ်မည်ကို တွေးမိသော် နွေဦး စိတ်ထဲ ကျေနပ်သွားတော့သည်။ မိမိအတွက် ကြိုတင်စီစဉ်ပေးထားသည်ကို ကျေနပ်ရင်း ဘာကြောင့် မိမိကို သူကိုယ်တိုင် လာမခေါ်ရသည်ကို တိတ်တိတ်လေး တွေးရင်း သက်ပြင်းချမိသည်။ သူ အရမ်း အလုပ်များနေတာ ဖြစ်ပါလိမ့်မည်ဟု ကိုယ့်ဖာသာ ဖြေတွေးပြီး နန်းတော်အတွင်းပိုင်းကို အကဲခတ်ရင်း နောက်မှ အသာတကြည်လိုက်လာခဲ့သည်။
မကြာခင် သီးသန့်နန်းဆောင်တစ်ခုကို ရောက်လာတော့သည်။ နန်းဆောင်တစ်ခုလုံး လှပသည့် အခြွေရံမိန်းမပျိုလေးများနှင့် ပြည့်နေသောကြောင့် ဒီနန်းဆောင်က ပင်လယ်သခင်မ နန်းဆောင်များ ဖြစ်နေမလားဟု နွေဦး တွေးနေမိစဉ် ကဝေကြီးနှင့် လှပသည့် မိန်းမပျိုတစ်ဦးကို ဥယျာဉ်ထဲက နားနေဆောင်တွင် အတူ ခေါင်းချင်းဆိုင်တွတ်ထိုးနေသည်ကို ရုတ်တရက်တွေ့လိုက်ရသောကြောင့် နွေဦးရင်ထဲ မုန်တိုင်းနှင့် လေပြေ တစ်ခါတည်း ရောက်လာသလို ခံစားလိုက်ရပြီး ရင်ထဲ အောင့်သွားသည်။
သူ့ကိုတွေ့လို့ ၀မ်းသာသွားသည့်စိတ်နှင့် အခြားမိန်းမပျိုတစ်ဦးနှင့် အရမ်းနီးကပ်နေသည့် သူ့ကို တွေ့လို့ ၀မ်းနည်းသွားခြင်းတို့ လွန်ဆွဲနေရင်း နောက်ဆုံး နွေဦး သူ့ကို လှမ်းခေါ်လိုက်တော့သည်။ မိမ်ိအသံကို ကြားလိုက်သည်နှင့် ကဝေကြီးက ချက်ချင်းလှည့်ကြည့်လာပြီး ပြုံးရွှင်စွာနှင့် မိမ်ိထံကို အပြေးတပိုင်းလာသည်ကို တွေ့သော် နွေဦးရင်ထဲက မကျေနပ်စိတ်တို့ ချက်ချင်း လွင့်ပြယ်သွားတော့သည်။ မိမိချစ်သူက မိမိကို အချစ်ဆုံးဆိုသည့် အချက်က နွေဦး၏ စိတ်ကို လုံခြုံသွားစေတော့သည်။
"နွေဦး... နွေဦး... မင်း ဒီကို ဘယ်လို ရောက်လာတာလဲ..."
"ကဝေကြီး...ခင်ဗျားကို မဟာမြိုင်က ၀ိုင်းတိုက်ခိုက်ကြတော့မယ် ကြားရလို့ ကျွန်တော် လာခဲ့တာ... ခင်ဗျား ဘယ်နေရာရောက်နေ ရောက်နေ ကျွန်တော် ခင်ဗျား ရှိတဲ့နေရာကို အရောက်လာမှာ..."
နွေဦးသည် မိမိချစ်သူ၏ လက်ကို တင်းကျပ်စွာ ဆုပ်ကိုင်ကာ ပြောလိုက်သည်။ သူ့မျက်နှာကိုတွေ့လိုက်သည်နှင့် မိမိ ကြိုးစားသမျှ မမှားဘူးဆိုတာ နွေဦးယုံကြည်သွားသည်။ ကဝေကြီး... မိမိ၏ တစ်ဦးတည်းသော ချစ်သူ.... မိမိကို ချစ်တတ်လာအောင် ညှို့ငင်နိုင်သော တစ်ဦးတည်းသော မှော်ဆရာကြီး။
"နွေဦးလေး... ကိုယ် မင်းကို စိုးရိမ်နေတာ... မင်း ဒီကို ဘယ်လို လိုက်လာတာလဲ... မင်းကို ဘယ်သူ လိုက်ပို့ပေးတာလဲ..."
မင်းသတိုးက နွေဦးကို ၀မ်းသာစွာထွေးပွေ့ထားပြီး မေးလိုက်သည်။ နွေဦးနောက်မှ ဘယ်သူများ ပါလာသေးသလဲဆိုတာ အကဲခတ်လိုက်သည်။ မောင်ရှင် တစ်ယောက်ပဲ တွေ့သဖြင့် ဖွင့်မေးလိုက်သည်။ မိမ်ိ၏ အစွမ်းထက်သည့် အကာရံ အတားဆီးကို ကျော်လွှားနိုင်သည့် အစွမ်း နွေဦးထံတွင် မရှိတာ သေချာသည်။ ဒါဆို မိမိထက် အင်အားကြီးသည့် တစ်စုံတစ်ယောက်က နွေဦးကို ဒီကိုလိုက် ပို့တာဖြစ်နိုင်သည်။
"အကို သူရကို အကူညီတောင်းပြီး လာခဲ့တာပါ။ ခင်ဗျား ဘာကြောင့် ကျွန်တော့်ကို လာမတွေ့တာလဲ... ဘာကြောင့် သူစိမ်းတွေ အလည်မှာ ကျွန်တော့်ကို ထားခဲ့ရတာလဲ.... "
နွေဦးသည် ကဝေကြီး၏ ရင်ခွင်ထဲ တိုးဝင်နေသဖြင့် သူ့မျက်နှာ အပြောင်းလဲကို သတိမထားလိုက်မိပေ။ ဒါကြောင့် သူ့ကို ရင်ထဲ သိမ်းဆည်းထားသည့် အချက်ကို ဖွင့်မေးလိုက်သည်။
"နွေဦးလေး.... မင်း အဲ့ဒီမှာ ဘေးကင်းတယ်ဆိုတာ ကို်ယ်သိလို့... မင်းကို စောင့်ရှောက်နေတဲ့သူလည်းရှိလို့ ကိုယ် လုပ်စရာရှိတာကို ဆက်လုပ်နေတာပါ..."
"ခင်ဗျား.... ဘာကြောင့် ဒီလို ပြောရတာလဲ.... ဘယ်သူရှိရှိ ခင်ဗျားရှိတာနဲ့ တူနိုင်ပါ့မလား...ကျွန်တော့်ကို အရင်လို အလေးမထားတော့ဘူးလား.... ခင်ဗျား အသစ်တွေ့နေလို့လားဟင်.."
မင်းသတိုးသည် နွေဦးလေး ဘာမှ မသိသဖြင့် ဒီလိုပြောသည်ကို နားလည်သောကြောင့် စိတ်ကိုလျှော့ကာ သူ့ကျောပြင်လေးကို အသာယာပုတ်ကာ ပြောလိုက်သည်။
နွေဦးက မင်းသတိုးပြောလိုက်သည့် စကားကြောင့်ဝမ်းနည်းသွားပြီး သူ့ကို မော့ကြည့်ကာ မေးလိုက်သည်။ မိမိလာသည်ကို သူ မကြိုက်လေရော့လားဟု တွေးကာ ရင်ထဲ မကောင်းဖြစ်သွားသည်။ ဒါမှမဟုတ်... မိမိထက် ပို အလေးထားရသည့် လူရှိနေရော့လားဆိုသည့် အတွေးတစ်စက ရင်ကို ပူလောင်လာစေသည်။
"မဟုတ်ဘူး နွေဦး။ မင်းကလွဲပြီး ကိုယ့်မှာ အလေးထားစရာ ဘယ်သူမှမရှိဘူး..."
"ဒါဆို ဘာကြောင့် လာမတွေ့တာလဲ..."
နွေဦးသည် မင်းသတိုး၏ အဖြေကြောင့် အနည်းငယ်ကျေနပ်သွားပြီး သူ့ကို ဆက်မေးလိုက်သည်။ တကယ်လည်း ဘာကြောင့် မိမ်ိကို လာမတွေ့သည်ကို နွေဦး သိချင်နေသည်။ သူ...ခါတိုင်းလို မဟုတ်တော့ပါလား....။
"မင်း လာတွေ့မယ်ဆိုတာ ကိုယ်သိနေလို့..."
ကဝေကြီးက နွေဦး၏ ပါးပြင်လေးကို ညင်ညင်သာသာပွတ်သပ်ကာ တီးတိုးပြောလိုက်သည်။ ဒါပေမယ့် ကဝေကြီး ပြောလိုက်သည့် စကားနှင့် လေသံကို နွေဦး မကြိုက်ပေ။ သူ တစ်ခုခု အထင်လွဲနေပုံရသည်ဟု ထင်ကာ သေချာအောင် မေးလိုက်သည်။
"ဘယ်လို... ဘာကြောင့် ကျွန်တော် လာတွေ့မယ်လို့ ခင်ဗျား ထင်ရတာလဲ..."
"မင်း ဒီကို လာအောင် သူရ လိုက်ပို့တာ မဟုတ်လား။"
မင်းသတိုး၏ နူတ်မှ အကို့စကားကို ကြားလိုက်ရစဉ် နွေဦး ထူပူသွားသည်။ သူ့သံသယကို နွေဦးချက်ချင်း သိသွားပြီး စိတ်မကောင်းဖြစ်သွားသည်။ ကြာလှပြီဖြစ်သော သံယောဇဉ်ကို သူ ဘာကြောင့် သံသယ၀င်တာပါလိမ့်။ မိမိကို သူ မယုံကြည်လို့ ဒီလိုတွေးတာလား ဆိုသည့်အတွေးက နွေဦး၏ ရင်ကို ခါးသက်သည့် ခံစားချက်ဖြစ်ပေါ်စေသည်။ ဒါကြောင့်သူ့ကို လေသံမာမာနှင့် ပြောလိုက်မိသည်။
"ဘယ်သူ လိုက်ပို့ပို့ ဘာထူးလို့လဲ။ အဓိက ကျွန်တော် ခင်ဗျားကို တွေ့နိုင်ဖို့ပဲ လိုတာ မဟုတ်ဘူး"
မင်းသတိုးသည် နွေဦး၏ စကားကြောင့် ချုပ်တည်းထားတာတွေ လွတ်ထွက်သွားတော့သည်။ နွေဦးက ဘာကြောင့် သူရ နာမည်ကို ထုတ်ပြောလိုက်သည်နှင့် အနာပေါ် ဒုတ်ကျသလို ဆတ်ဆတ်ခါသွားရသလဲဆိုတာ မင်းသတိုး တကယ်သိချင်မိသည်။ ရိုးသားတယ်ဆိုလျှင် ဘာကြောင် မိမိမေးသည်ကို ရိုးရိုးသားသား ပြန်မဖြေပဲ ပုံမှန်ထက် အကဲဆတ်ရပါသလဲ။ ဒါက မရိုးသားခြင်းရဲ့ ပြယုသ်ဆိုတာ ဆရာဝန်လေး မသိလေရော့သလား။
"ထူးတယ်... အခြားလူလိုက်ပို့တာနဲ့..သူရ လိုက်ပို့တာရဲ့ကြားက ကွာခြားမှုကို မင်း မမြင်တာလား။ တမင် မမြင်ချင်ယောင်ဆောင်နေတာလား..."
"မမြင်ချင်ယောင်ဆောင်နေတယ် ဟုတ်လား... အကို သူရက ဘာဖြစ်နေလို့လဲ.... ခင်ဗျား ဘာလို့ ဒီလိုတွေပြောနေတာလဲ ကဝေကြီး။ ခင်ဗျား ကျွန်တော့်ကို သံသယ၀င်တာလား..."
ကဝေကြီး၏ စကားကိုကြားသော် နွေဦး ဘယ်လိုမှ သည်းမခံနိုင်တော့ပေ။ အကိုသူရက မိမိကို အဖြူစင်ဆုံး ကူညီပေးနေတာတောင်...သူက မိမိတို့ကို သံသယ၀င်ရက်သည်။ မဟာမြိုင်က လုံခြုံသည်ဆိုသည့် အကြောင်းပြချက်ဖြင့် သူ ထားရစ်ခဲ့သည်။ မဟာမြိုင်မှာ မိမိအရှက်တကွဲနှင့် အသတ်ခံရတော့မည်ကို သူ သိပါလေစ။ အဲ့အချိန် သူ ဘာလုပ်နေသလဲ။ မိမိကို အကိုသူရ ကယ်တင်ထားလို့သာ သူ မိမိကို အကောင်းတိုင်း တွေ့ခွင့်ရသည်ကို ဘာမှ မသိပါပဲ... တွေ့တွေ့ခြင်း ဆောက်နှင့်ထွင်းသလို ဆီးပြီး သမုတ်လိုက်သည်။ သူ့စိတ်တွေ ဘယ်လောက်တောင် ရိုင်းစိုင်းကြမ်းတမ်းနေပြီလဲ။
"မင်းကို သံသယ မ၀င်ပါဘူး။ ဒါပေမယ့် ကိုယ့်ဆီကို လာဖို့ ရည်းစားဟောင်းကို အကူညီတောင်းတာကို နားမလည်နိုင်လို့ မေးတာပါ..."
"ဒါတွေက ကြာခဲ့ပါပြီ။ ဘာကြောင့် သူ့ကို သာမန် မိတ်ဆွေတစ်ယောက်လို သဘောမထားနိုင်ရတာလဲ.... ခင်ဗျား ကျွန်တော့် ကိုယ်ကျင့်တရားကို စော်ကားလိုက်တာပဲ ကဝေကြီး။"
နွေဦး သူ့စကားကို မခံနိုင်သောကြောင့် အေးစက်စက်ကြည့်ကာ မေးလိုက်သည်။ သူ တကယ် ပြောင်းလဲသွားလေပြီ။ သူက မိမိကို အရိပ်တကြည့်ကြည့်နှင့် ချစ်ခဲ့သည့် ကဝေကြီး မင်းသတိုး မဟုတ်တော့ပေ။ သူက မဟာမြိုင်က မှော်ဆရာတွေ ပြောသလို မှော်နက်စွမ်းအင် ချုပ်ထိန်းခံလိုက်ရပြီလား။
"သူရက မင်းကို ဒီလို ပြောဖို့အပြင် အခြား ဘာတွေသင်ပေးလိုက်သေးလဲ... "
မင်းသတိုးသည် မိမိမေးသည်ကို မဖြေပဲ ကွေ့ဝိုက်ပြောနေသည့် နွေဦး၏ စကားကိုကြားသော် သူ့ကို လေသံ ခပ်ဆတ်ဆတ်ဖြင့် မေးလိုက်သည်။
မင်းသတိုး၏ စကားကိုကြားသော် နွေဦး၏ သည်းခံနိုင်စွမ်းတို့ ကုန်ဆုံးသွားလေပြီ။ သူ့ကို စေ့စေ့ကြည့်ကာ ဗြောင်မေးလိုက်တော့သည်။
"ခင်ဗျား.... ကျွန်တော်တို့ နှစ်ယောက်ကို သမုတ်တာလား။ အကိုသူရက ကျွန်တော် တောင်းဆိုလို့ မဟာမြိုင်အကြီးကဲတွေရဲ့ အမိန့်ကို ဆန့်ကျင်ပြီး လိုက်ပို့ခဲ့တာ... ဘာကြောင့် ကျွန်တော်ရောက်လာတာကို ၀မ်းမသာပဲ လိုက်ပို့တဲ့ လူကို ရမယ်ရှာပြီး ဒီလို ရန်လုပ်ရတာလဲ... ခင်ဗျား အရမ်းပြောင်းလဲသွားတယ် ကဝေကြီး...ခင်ဗျား ကျွန်တော့်ကို မယုံဘူးဆိုရင် ဒီမှာ နေလည်း ဘာမှမထားဘူး။ ကျွန်တော် ပြန်တော့မယ်..."
"နေဦး နွေဦး။ မင်းကို ပြန်မလွှတ်နိုင်ဘူး။ မင်း ပြန်သွားရင် သူတို့က မင်းကို တခုခုလုပ်လ်ိမ့်မယ်။ အထူးသဖြင့် သူရက မင်းကို အလွတ်ပေးမှာ မဟုတ်ဘူး"
မင်းသတိုးသည် နွေဦး၏ ဒေါသတကြီးစကားကို ကြားသော် ချက်ချင်း တားလိုက်သည်။ နွေဦးက ရိုးသားသည်။ သူ့ ဆေးကုသည့် အလုပ်လိုပဲ ဖြူစင်လွန်းသည်။ သူက သူတပါးကို အကောက်မကြံဖူးသလို သူ့ကို သူများလည်း အကောက်မကြံဘူးဟု ယုံကြည်ထားသူဖြစ်သည်။ အခု သူ လေးစားရသော သူရဆိုသည့် လူက သူ့ကို လှည့်စားချင်တိုင်းလှည့်စားနေသည်ကို မိမိ ဘယ်လိုနည်းနှုင့်မှ ကြည့်မနေနိုင်ပါ။
"ကဝေကြီး...ခင်ဗျား စော်ကားလွန်းနေပြီနော်.... အကိုသူရက ကျွန်တော့်အပေါ် အဲ့ဒီလို မရိုးသားတဲ့ စိတ်မရှိဘူး..."
"ဒါဆိုရင် မင်းကိုယ်ထဲမှာ ဘာကြောင့် သူ့စွမ်းအင်ကို အာရုံခံမိနေတာလဲ။ မင်းကိုယ်ထဲ သူ့စွမ်းအင်ရောက်ဖို့ တနည်းပဲရှိတယ်။ အဲ့ဒါ လိင်ဆက်ဆံတာပဲ... မင်း သူနဲ့ ဖောက်ပြန်နေတာလား။ ကျုပ်မရှိတာနဲ့ သူ့ကို လက်ခံလိုက်တာလား..."
မိမိ၏ စေတနာကို မမြင်ပဲ လေသံနှင့် အ သုံးနှုန်းကြမ်းတမ်းလာသော နွေဦးကြောင့် မင်းသတိုး သူ့ကို စေ့စေ့ကြည့်ကာ မေးလိုက်တော့သည်။ သူ့ကိုယ်ထဲ ရောက်နေသည့် လစွမ်းအင်ကို သူရ ဘယ်လိုနည်းနှင့် ကူးပြောင်းပေးသည်ကို မင်းသတိုး တကယ်ပဲ သိချင်မိသည်။ သေချာတာကတော့ သူရ အသားယူလိုက်မှာပင်။ ဒါဆိုတောင် မသိ မမြင်ရလေအောင် နွေဦး သူရအပေါ် ယုံကြည်ချက် လွန်ကဲနေသည်လား။
"ခင်ဗျား... ခင်ဗျား... ဘာကြောင့် ဒီလောက် မိုက်ရိုင်းတဲ့ အတွေးတွေဝင်နေရတာလဲ... ကျွန်တော်က ခင်ဗျား ရှေ့မှာရော ကွယ်ရာမှာရော ဘယ်သူနဲ့မှ မဖောက်ပြန်ဖူးဘူး။ ကိုယ်နဲ့မပြောနဲ့ စိတ်နဲ့တောင် တဖက်သားကို မပြစ်မှားဖူးဘူး။ "
"မင်းက မဖောက်ပြန်ဘူးဆိုရင်တောင် သူရက မင်းအပေါ် ဖောက်ပြန်နေတယ်ဆိုတာ မင်းသိတယ် မဟုတ်လား."
မင်းသတိုးသည် နွေဦးစိတ်ကို ဆွသည့်အနေဖြင့် တမင်ပြောလိုက်သည်။ နွေဦးကို ရိုးရိုးသားသားမေးလျှင် သူ ဖြေမည်မဟုတ်လို့ မခံချင်အောင် တမင်မေးလိုက်ခြင်းဖြစ်သည်။ ဒီလိုမေးလိုက်ခြင်းက နွေဦး၏ရင်ကို ဆားပက်သလိုဖြစ်သွားသည်ကိုတော့ မင်းသတိုး မသိလိုက်ပါ။
"သူ အဲ့လို မဟုတ်ဘူး။ ခင်ဗျား မစွပ်စွဲနဲ့..."
နွေဦး တုန်တုန်ယင်ယင်နှင့် ပြောလိုက်သည်။ မိမ်ိချစ်သော ကဝေကြီးကိုေ၀၀ါးစွာကြည့်ကာ ပြောလိုက်သည်။
"ဘာလဲ ကိုယ်ပြောတာ မှားသွားလို့လား...."
"သူ့ဖာသာ ဘာဖြစ်ဖြစ် ကျွန်တော် ခင်ဗျား တစ်ယောက်တည်းကိုပဲ ချစ်တယ်။ သူ့ကို ဘာကြောင့် အကူညီတောင်းတယ်ဆိုတာ ခင်ဗျားသိသိကြီးနဲ့ ဘာကြောင့် ကျွန်တော့်ကို အပြစ်တင်နေရတာလဲ...ဘာလဲ။ ခင်ဗျားက အသစ်တွေ့ပြီး ကျွန်တော့်ကို စွန့်ပြစ်ချင်နေတာလား"
နွေဦး ဆက်လက်သည်းမခံနိုင်တော့ပါ။ သူနှင့် ဝေးဝေးခွာပြီး နာကျင်စွာမေးလိုက်သည်။ သူ တကယ်ပဲ အခြားမိန်းမကို တွေ့လို့ မိမိကို စွန့်ပစ်ချင်လို့ အပြစ်ရှာနေသလားဆိုသည့် အတွေးက နွေဦး၏ ရူးမလိုဖြစ်လာစေသည်။
"မင်း ဘာကြောင့် ဒီလိုတွေတွေးနေတာလဲ။ ကိုယ်က အပျော်ခရီးထွက်လာတာ မဟုတ်ဘူး။ ဘယ်မိန်းမနဲ့မှ ပျော်ပါးစရာလည်း မရှိဘူး"
"ကျွန်တော့် မျက်စိနဲ့တပ်အပ်တွေ့တောတောင် ခင်ဗျားက ငြင်းချင်နေသေးတယ်။ ခင်ဗျားနဲ့ ပင်လယ်သခင်မတို့ ဘယ်လို ပတ်သတ်တယ်ဆိုတာ ကျွန်တော် မြင်ပြီးပြီ"
နွေဦးသည် မင်းသတိုးကို နာကျင်စွာစိုက်ကြည့်ပြီး တည်ငြိမ်စွာပြောလိုက်သည်။ ခုနက မြင်ကွင်းက မိမိမျက်ဝန်းထဲ ကွင်းကွင်းကွက်ကွက်ပေါ်လာစေပြီး ဒေါသတို့ အလှိမ့်လိုက်ထွက်လာစေသည်။
"မင်းမြင်သလိုမဟုတ်ဘူး။ ပြီးတော့ မင်း ဘာကြောင့် ကိုယ့်အချစ်ကို လွယ်လွယ်နဲ့ ဒီလို ထင်ရတာလဲ။ မင်းကို အသက်နဲ့လဲပြီး ချစ်တယ်ဆိုတာ သက်သေပြပြီးသား မဟုတ်လား"
"ဟင့်အင်း... လူဆိုတာ အချိန်နဲ့အမျှပြောင်းလဲတတ်တယ်။ ခင်ဗျားလည်း ပြောင်းလဲနေပြီ၊ ခင်ဗျား ကျွန်တော့်ကို အရင်လို မချစ်တော့ဘူး။ ကျွန်တော့်ကို အကြာကြီးပြစ်ထားတယ်။ မဆက်သွယ်ဘူး။ အရင်တုန်းကဆိုရင် ခင်ဗျားကျွန်တော့်ကို တစ်နေ့မတွေ့ရရင်တောင် သေမလို ဖြစ်နေတာ။ အခု အရမ်းသွေးအေးသွားပြီ။"
မိမိကို မဟာမြိုင်တွင် ပစ်ထားသည့် အဖြစ်များ၊ စော်ကားခံရလုဆဲဆဲဖြစ်သွားသည့် ဖြစ်ရပ်များ၊ အထင်မြင်သေးသည့် အကြည့်များကို ပြန်မြင်ယောင်လာပြီး နွေဦး သူ့ကို အေးစက်စက် ပြောလိုက်သည်။
"ကလေး...နွေဦး... ကိုယ်အခု ၀ရမ်းပြေးဖြစ်နေတယ်လေ။ ကိုယ် မှော်နက်အစွမ်းနှိပ်စက်လို့ အသိစိတ်လွတ်တချက်၊ ပြန်ရတစ်ချက်ဖြစ်နေတယ်လေ... ဘယ်လိုလုပ် မင်းဆီကို အရင်လို လာလို့ရမှာတဲ့လဲ။ ပုလဲဒေ၀ီက ကိုယ့်ကို ကူညီပေးနေတာပါ။ မင်း သူ့ကို အထင်မလွဲပါနဲ့"
မင်းသတိုးသည် နွေဦး၏ နာကျင်လွန်းသည့် အကြည့်ကို သတိထားမိကာ လေသံကိုလျှော့ပြီးတောင်းပန်လိုက်သည်။
"ဟက်.... ကူညီတာက ခင်ဗျား ရင်ခွင်ထဲ ၀င်ပြီး ကလူကျီစယ်တာမျိုးကို ပြောတာလား.... ကျွန်တော် အကန်းမဟုတ်ဘူး။ အအ မဟုတ်ဘူး။ ခင်ဗျားတို့ကို တချက်ကြည့်တာနဲ့ ဘာဆိုတာ သိတယ်..."
"မဟုတ်ဘူး... မင်းထင်သလို မဟုတ်ဘူး။ ကိုယ်နဲ့ ပုလဲက မင်းနဲ့ သူရလောက်တောင် ပတ်သတ်မှုမရှိဘူး။ သူက ကိုယ့် နောက်လိုက်သတ်သတ်ပဲ။ ဒါပေမယ့် ကိုယ့်နောက်လိုက် တစ်ခုခု အခက်ခဲကြုံနေချိန်၊ ၀မ်းနည်းနေချိန်ဆိုရင် ကိုယ် နှစ်သိမ့်ပေးရတာ သဘာဝပဲ။ ကိုယ်တို့က မောင်နှမလို ဖြူစင်တဲ့ သံယောဇဉ်ပဲ ရှိတာပါ.."
မင်းသတိုးသည် နွေဦး အထင်လွဲနေသည်ကို နားလည်ကာ သေချာရှင်းပြလိုက်သည်။ မှော်နက်အစွမ်းကို နှိမ်နှင်းဖို့ ဘယ်လောက်ခက်သည်။ ဘယ်လောက်နာကျင်ရသည်ကို နွေဦးသိအောင် ပြန်မပြောပြချင် သောကြောင့် ကူညီပေးသည်ဟုသာ ပြောလိုက်သည်။ ဒီလိုအပြောက ပေါ့တန်ကာ အကြောင်းပြချ က် ပေးသည်ဟု နွေဦးပိုပြီး အထင်လွဲသွားလေသည်။
"ဟုတ်ပါပြီ။ ခင်ဗျား အလှည့်ကျ ဖြူစင်တဲ့ သံယောဇဉ်၊ ကျွန်တော်နဲ့ အကိုသူရကိုတော့ ခင်ဗျားက သမုတ်တယ်။ ကျွန်တော် ခင်ဗျားတစ်ယောက်တည်းကိုပဲ ချစ်ပါတယ်လို့ ပြောနေတာတောင်မှ.... ခင်ဗျား......"
နွေဦး စကားကို ဘယ်လိုမှ ရှေ့မဆက်နိုင်တော့ပဲ မျက်ရည်စီးကျလာတော့သည်။ ဒါပေမယ့် နွေဦး ဒီမျက်ရည်ကို ခပ်ကြမ်းကြမ်းသုတ်ပစ်ကာ ငိုချင်စိတ်ကို အတင်းအောင့်ထားတော့သည်။
"နွေဦးလေး.... မငိုပါနဲ့ကွာ။ ကိုယ်တောင်းပန်ပန်တယ်။ အချိန်ခဏလေး စောင့်ပေးပါ။ ကိုယ် အားလုံးရှင်းသွားပြီးရင် ကလေးကို ရှင်းပြပါ့မယ်..."
"ခင်ဗျား အခုရှင်းရင်ရှင်း၊ မရှင်းရင် နောက်ထပ် ရှင်းဖို့ မလိုတော့ဘူး။ "
နွေဦးသည် အခုထိ အမှန်မပြောသေးပဲ လှည့်ပတ်ပြောနေသော သူ့ကိုကြည့်ကာ စိတ်ပိုင်းဖြတ်ဟန်ဖြင့် ပြောလိုက်သည်။
"နွေဦးလေး...အခုတော့ ကိုယ် ဘယ်လိုမှ ရှင်းပြလို့မဖြစ်သေးဘူး။ ကိုယ့်ကို နားလည်ပေးပါ... "
"ကောင်းတယ်...ကောင်းတယ်... မထင်ထားမိဘူး။ ခင်ဗျားက ကျွန်တော်ထက် အခြားလူကို ရွေးလိုက်မယ်လို့ ကျွန်တော် ဘယ်တုန်းကမှ ထင်မထားဘူး။ ဒါကျွန်တော့် ကံလို့ပဲ မှတ်ယူလိုက်ပါ့မယ်"
နွေဦး ခပ်အက်အက်ရယ်မောကာ သူ့ကို ပြောလိုက်သည်။ ခိုင်မြဲမည်ဟု ထင်ထားသည့် သံယောဇဉ်ကြိုးက နောက်ဆုံး ပျက်ပြယ်သွားလေပြီ။ ဒါကြောင့် မိမိကို မချစ်တော့သည့် ကဝေကြီးကို ဆက်လက်ဖက်တွယ်ထားဖို့ နွေဦး မစဉ်းစားတော့ပါ။
မင်းသတိုးသည် နွေဦး အထင်လွဲသွားသည်ကို သိသဖြင့် သူ့လက်ကို ဆွဲကိုင်ကာ တောင်းပန်လိုက်သည်။
"နွေဦး... မင်း ကိုယ့်နားမှာပဲနေပါ။ ကိုယ်တောင်းပန်ပါတယ်"
"ဟင့်အင်း...မဖြစ်နိုင်ဘူး။ ခင်ဗျားနားမှာ ကျွန်တော် ဘယ်လိုမှ ဆက်မနေနိုင်ဘူး...ကျွန်တော် ပြန်တော့မယ်..."
နွေဦး သူ့လက်ကို တင်းမာစွာ ပုတ်ထုတ်ကာ ခပ်တင်းတင်းပြောလိုက်သည်။ နာကျင်လွန်းသည့် နှလုံးသားက ကွဲကြေလုနေပြီ။ နှလုံးသားထဲ သွေးစိမ်းရှင်ရှင်ထွက်သည် ဆိုသည့် စကားကို နွေဦး အခု နားလည်သွားလေပြီ။ သူ့ရှေ့မှာ နွေဦး တစ်မိနစ်မှ ဆက်မနေချင်တော့ပါ.
"မပြန်ရဘူး...နွေဦး... မင်း ကိုယ့်ဘေးကနေ ဘယ်မှ မသွားရဘူး..."
မင်းသတိုးသည် မီးစွမ်းအင်ကို ထုတ်ကာ နွေဦးကို တုတ်နှောင်လိုက်စဉ် နွေဦးကိုယ်ထဲက အဖြူရောင် အလင်းများ ထွက်လာပြီး မီးစွမ်းအင်ကို ဖြတ်တောက်ပြစ်လိုက်ပြီး ထိုအလင်းက ချက်ချင်း သူရ၏ ပုံဖြစ်သွားတော့သည်။ နွေဦးက ရုတ်တရက် ဘာဖြစ်သွားသည်ကို မသိလိုက်ပဲ မိမိရှေ့ အကိုသူရရောက်လာပြီး ကဝေကြီး၏ မီးကျော့ကွင်းကို ဖြတ်လိုက်သည်ကိုသာ မြင်လိုက်ရသည်။
"၀ုန်း.... "
"သူ မနေချင်ဘူးဆိုရင် ခင်ဗျား အတင်းအကြပ်လုပ်စရာ မလိုဘူး မင်းသတိုး။ နွေဦးလေး...လာ...ကိုယ် မင်းကို ပြန်လာခေါ်တာ..."
သူရက နွေဦးကို မိမ်ိဘက်ကို ဆွဲခေါ်ကာ မင်းသတိုးကို သတိပေးဟန်ဖြင့် ပြောလိုက်သည်။
"အကို....ကျွန်တော့်ကို ဒီနေရာကနေ ခေါ်ထုတ်သွားပေးပါ..."
"ကောင်းပြီ... နွေဦး သွားချင်တဲ့နေရာ အကို လိုက်ပို့ပေးမယ်"
နွေဦးသည် ကဝေကြီး မိမ်ိအပေါ် မှော်စွမ်းအင် သုံးလိုက်သည်ကို တွေ့သော် ရင်ထဲ မခံနိုင် အောင်နာ ကျင်လာပြန်သည်။ ဒါကြောင့် အကိုသူရကို သူနှင့်ဝေးရာကို ခေါ်သွားပေးရန် တောင်းဆိုလိုက်သည်။
မင်းသတိုးသည် လှည့်စားခံနေရသည့် ချစ်သူလေးကို အပြစ်မတင်ရက်ပဲ သူရကိုသာ စိုက်ကြည့်ကာ ပြောလိုက်သည်။ အခုချက်ချင်း သူရကို ဖမ်းကာ သတ်ပြစ်ချင်သည်အထိ မုန်းတီးစိတ်တို့ ၀င်လာသည်။ သူရဆိုသည့် ကြောင်သူတော် ကြွက်သူခိုးကောင်ကို နွေဦးက သူတော်ကောင်းထင်နေတာ ဘယ်လောက် ခံပြင်းစရာကောင်းလိုက်သလဲ။
"သူရ... မင်း ငါ့ ချစ်သူနဲ့ ဝေးဝေးနေစမ်း.... မင်းလို အရေခြုံကောင်ရဲ့ ဇစ်မြစ်ကို နွေဦး မသိလို့ မင်းကို ယုံကြည်နေတာ။ "
"ဟား...ဟား...ဟား... ခင်ဗျားက ပြောင်းပြန်ပြောရသေးတယ် မင်းသတိုးရာ.... မင်းသာ နွေဦးကို စိတ်ဆင်းရဲအောင်လုပ်လို့ နွေဦးက ခင်ဗျားအနားကနေ ထွက်သွားချင်တာ...ကျုပ်နဲ့ ဘာမှ မဆိုင်ဘူး။ အေး...ကျုပ်ကို ကြိုက်သလို စွပ်စွဲရတယ်။ ကျုပ်က နွေဦး စိတ်ချမ်းသာမှုတစ်ခုကိုပဲ ကြည့်တယ်။ လာ..နွေဦးလေး...သွားကြစို့..."
သူရက အနိုင်ရလိုက်သည်ကို သိသဖြင့် ကျေနပ်စွာရယ်မောကာ နွေဦးကို ခေါ်ပြီး ထွက်ခွာရန်လုပ်လိုက်သည်။
"ဒီလိုလွယ်လွယ်နဲ့သွားလို့ရမလား....တောက်လောင်စမ်း..."
"ဒီလောက် ပညာနဲ့ ကျုပ်ကို တားဖို့ ခင်ဗျား မစဉ်းစားနဲ့..."
မင်းသတိုးက မီးဌက်ကို ဆင့်ခေါ်ကာ သူရကို မီးနှင့်မှုတ်စေသော်လည်း ငွေရောင် အလွာပါးတစ်ခုက တောက်ပစွာပေါ်လာပြီး မီးလျှံကြားက အလွယ်တကူ ဖောက်ထွက်သွားတော့သည်။
"နွေဦး...ပြန်လာပါ...နွေဦး..."
မင်းသတိုးသည် သူရ၏ ရင်ခွင်ထဲ ပါသွားသည့် နွေဦးကို စိုက်ကြည့်ကာ ရင်ကွဲမတတ် အော်ခေါ်လိုက်တော့သည်။ နွေဦးက ဝေးကွာသွားသည့် ကဝေကြီးကို ကြည့်ကာ တီးတိုး နူတ်ဆက်လိုက်သည်။
"နူတ်ဆက်လိုက်ပါတယ် ကဝေကြီး..."
======================
Unicode
YOU ARE READING
သန်းခေါင်ယံချစ်သူSeason-2 (zawgyi+unicode)
Mystery / ThrillerWritten By - May King မှော်လောကရဲ့ အကြီးအကဲ မင်းသတိုးက ပြသနာတွေကိုဖြေရှင်းနေတုန်း လူသားလောကမှာကျန်ခဲ့တဲ့ ဒေါက်တာနွေဦးကို ဘယ်သူက အသုံးချမှာလဲ။ မင်းသတိုးကို နွေဦးက ဘာကြောင့်မုန်းသွားမှာလဲ။ စစ်မှန်တဲ့မင်းသတိုးအချစ်က အမုန်းတွေကို ပယ်ဖျက်နိုင်မလား။ ချစ...
