When Brats Meets The Badass

Chapter 34

Rainne's Point of View.

Two days had passed at okay na ang mga papel para makalipat ako ng section. Nakapag-alam na rin ako kina Winter, even Thunder and Philippe. At si Derek? Hindi pa rin siya nakikipag-usap. Hinayaan ko na lang din siya. Hindi ko siya pipilitin kung ayaw niya.

I already told them what happened. Na may nakakita sa ginawa namin at kailangan kong gawin 'to to save them and of course Carla. Syempre ayaw nilang pumayag sa naging desisyon ko pero wala na silang magagawa. They were shocked. They even blamed themselves. Sana raw ay hindi na lang kami gumanti.

Gan'un talaga, laging nasa huli ang pagsisisi. Pero sa kabilang banda. Okay din naman na ginawa namin ang bagay na 'yon. It will serves as lesson para sa mga Queen na 'yon. Na hindi lahat ay matatakot sa kanila. We're exemption.

Ngayon ay nasa harapan na ako ng pintuan ng room nina Drei. Gusto pa sana akong ihatid ng tatlo but I refused. Alam kong nalulungkot sila at kung pasasamahin ko pa sila ngayon, may posibilidad na mag-iyak pa sila rito. Ayaw kong makita sila ng mga tao rito na nasa gan'ung sitwasyon.

Rinig na rinig ko ang mga ingay nila mula sa loob ng room. Kahit hindi ko sila nakikita ay masasabi kong napakagulo nila. Parang may fiestang nagaganap.

Hindi na ako nag-intindi pang kumatok. Tuluyan ko nang binuksan ang pintuan. Kasabay ng pagpasok ko ay ang pagtahimik naman nila. Nang sandaling mapadako ang tingin ko sa kanila ay sa'kin na lahat nakabaling ang mga mata nila.

Okay, Rainne. Welcome to hell.

___

Winter's Point of View.

Hindi ko na alam kung ilang beses na akong humugot ng buntong hininga ngayong umaga habang paulit-ulit na nililingon ang upuan ni Rainne. Hoping na nag-cr lang siya at maya-maya'y nandiyan na para makipagkwentuhan at makipagtawanan ulit.

Nalulungkot ako. Kahit pa sabihin na nandiyan lang siya at nakakasama namin siya bahay. Iba pa rin 'yong lungkot dahil hindi naman namin makakausap. Hindi ako sanay na wala siya. Ngayon pa lang na hindi namin siya kasama ay sobrang laking kakulangan na sa'min.

Kaya pala iba ang mga kilos niya these past few days. Hindi ko siya makausap ng maayos. Kapag kinakausap ko siya madalas siyang tulala na parang ang dami niyang iniisip. Tinatanong ko naman siya pero wala naman siyang sinasabi. Ngiti lang ang sinasagot niya sa'kin.

Idagdag pa natin ang nangyari sa kanilang dalawa ni Derek. Kahit wala kaming alam sa nangyari. Alam namin na may problema silang dalawa. Hindi ko lang maintindihan kung bakit ayaw niyang sabihin sa'min. Pero naiintindihan naman namin siya. Siguro may malalim lang siyang dahilan kung bakit ayaw niyang ipaalam.

Tumayo na ako nang matapos ang second subject namin. Lumapit agad ako kina Aviana at Cloud na ngayon ay nag-aayos na rin ng gamit nila. Hindi ko naman sinasadya na mapatingin sa pwesto nina Thunder at Philippe, hindi nila kasama si Derek ngayon. Mukhang hindi na naman pumasok.

Bukod kay Derek na hindi ko alam kung bakit umiiwas sa'min simula nang matapos ang Acquaintance Party. Pati silang dalawa'y hindi na rin namin masyadong nakakasama.

Ano bang nangyayari sa'min? Bakit kami nagkakaganito?

Lalabas na sana kami ng room nang lapitan naman kami ni Carla, "I'm sorry for what happene--

Hindi ko na siya pinatapos pa sa sasabihin niya, "Again, Carla. Wala kang kasalanan, okay? This is for all of us kaya niya ginawa 'yon. Let's just hope na maging okay siya du'n."

Tumango lang siya.

"Anyway, mamayang 1pm na pala ang audition para sa Glee Club. Mr. Magyaya is expecting you and Philippe para magjudge at pumili sa mga mag-aaudition. So, good luck." Umalis na rin siya pagkatapos niyang sabihin 'yon.