Psycho next door

36 : The last straw

       "Pagkatapos ng lahat, wala na sigurong combat night ulit." Napatulala naman si Eva at kumislap ang kalungkutan sa kanyang mga mata. 

        Nang marinig ulit ang tungkol sa combat night, parang napatnig ang tenga ni Kleya. Napatulala siya nang bumalik sa isipan niya ang kagimbal-gimbal na alaala ng pagkamatay ni Baldiwn habang iisang salamin lamang ang naghihiwalay sa kanila. 

       "May combat night din pala kayo rito?" napapantaskuhang wika ni Nikel.

       Si Shawn ang tumango. "Yeah, but something really bad--"

       "'Wag na nating pag-usapan ang combat night." Maotoridad na putol ni Miller sa sinasabi ni Shawn. Bakas ang pait sa malamig niyang pananalita. Gaya ni Kleya apektado rin si Miller dulot ng alaalang iniwan ng pagkamatay ni Baldwin sa kanyang harapan.

       "But you guys know what we have to talk about?" wika ni Kleya dahilan para muli na namang mapatingin sa kanya ang lahat. "Cosima." pagpapatuloy niya gamit ang mahinang boses, sa pag-aalalang may ibang makakarinig sa kanya maliban sa mga ito.

       "What are you talking about, Kleya?" tanong ni Shawn.

       Bahagyang iniyuko ni Kleya ang ulo upang mas maitago sa iba ang pinag-uusapan. "Remember what they always said? Find Python but don't let Python found you! But guess who found who?" Paalala ni Kleya at hindi na niya napigilan ang panlilisik ng mga mata habang pilit na ipinupunto ang masamang kutob.

        Isang nakabibinging katahimikan ang naging tugon ng grupo kay Kleya. Wala sa kanila ang nakapagsalita agad, nagkatinginan lamang sila at nagpalitan ng mga tingin ng kalituhan.

       "Wait let me get this straight!" biglang umalingawngaw ang boses ni Tasha. "You had a hunch that we're in trouble since Python found us but instead of warning us about your hunch, you ran away and tried to leave us all behind?" may panunumbat at inis sa pananalita ni Tasha bagay na agad napansin ni Kleya.

        "And what's wrong about trying to save my ass?" Sarkastikong sambit ni Kleya sabay taas ng isang kilay.

        "You selfish bitch..." mahinang sambit ni Tasha habang may mapait na ngisi sa kanyang mukha.

        Imbes na mainis natawa na lamang si Kleya. "What's new?"

       Naikuyom ni Tasha ang kamao ngunit bago pa man siya makapagsalita, naramdaman niya ang mainit na palad ni Wolfgang na bumalot sa kanyang nanginginig na kamao. Napatingin si Tasha kay Wolfgang at tila ba unti-unting naupos ang nag-aapoy niyang galit nang makita ang mga mata nitong tila ba pinapahinahon siya.

      "Anyway, where was I..." wika muli ni Kleya. "So yeah, I don't think we can trust--"

      "Kleya, stop it." putol ni Shawn gamit ang maotoridad na tono ng pananalita. "We're saved. We're safe. We can trust them."

       Parang na-estatwa si Kleya sa mga sinabi ni Shawn. Ilang sandali siyang napatitig sa binata, maraming naglalaro sa kanyang isipan. Sa simula ay naiinis siya ngunit ilang sandali pa ay napalitan ito ng awa. Naawa siya kay Shawn. "You trust them too highly, Shawn. That will only get you killed.

****

      Mabilis na pumasok si Kleya sa kanyang silid na kapwa nila inuukupa ni Tasha. Isang oras na ang lumipas at nagsisimula na ulit sa pag-anunsyo si Lauren sa intercom, inuutusan ang lahat na magtungo sa auditorium. Mag-isa lamang si Kleya sa silid kaya mabilis niyang inilock ang pinto at tinungo ang aparador kung saan naroroon ang kanyang mga gamit. Andun padin ang kanyang backpack kaya naman mabilis siyang nag-empake.