Psycho next door

10 : The Repercussion

10

The Repercussion

Isang araw na ang lumipas at hindi parin ako makapaniwala sa nangyari—tinangka akong patayin ni Botyok at ang masaklap ay si Tasha pa ang nagligtas sa akin! So may utang na loob na ako sa kanya?! Kailangan ko nang mag thank you?! Bullspit naman oh! Kayang-kaya ko namang patumbahin si Botyok nang ako ako lang ba't pa kasi nakialam ang babaeng 'yon?

"You okay?" tanong ni Vivian nang mapansing nakaupo lamang ako at hindi ginagalaw ang pagkain ko.

"Something's bothering her kasi kung wala, tiyak kanina pa ubos ang bacon niya," sabi pa ni Ledory kaya napairap na lamang ako sa kanilang dalawa.

"Guys, may nakakakita ba sa inyo kay Botyok? Kahapon ko pa siya di nakikita." Naupo sa kinaroroonan namin ang isa pang wretched. Hindi ko maalala ang pangalan niya pero sa pagkakaalala ko, roommate niya si Botyok.

"Saw him last night talking to Lauren, parang masama ang pakiramdam niya kaya pinapunta ata muna siya sa ospital," pagsisinungaling ko. But I was kinda telling the truth too, I mean sinugod talaga siya sa ospital pagkatapos siyang tamaan ni tasha ng arrow sa sikmura.

"Talaga?! Nick ano bang kinain nun?" tanong agad ni Vivian sa roommate ni botyok. Okay, nick pala ang pangalan niya.

"Malay ko ba sa langyang yun," natatawang sambit ni nick.

"Anyare?" biglang sambit ni ledory habang nakatingin sa direksyon ng pinto. Lumingon ako at nakita ko si babyface na tarantang tumatakbo patungo sa table kung saan naroroon ang mga kasamahan niyang crowned. Parang may sinabi si babyface sa mga ito na nakapagbahala sa kanila kaya dali-dali silang nagtakbuhan palabas ng cafeteria.

"kleya saan ka pupunta?" tanong ni Vivian nang tumayo ako. Hindi ko siya sinagot, bagkus ay dali-dali akong sumunod sa mga crowned.

***

Nakarating kami sa isang pasilyo at nagulat ako nang makitang pinagtutulungan ng mga wretched na bugbugin ang walang kalaban-labang leader ng mga crowned. Duguan at nakahandusay na si shawn sa sahig pero panay parin sina Punk sa pag-tadyak at sipa sa kanyang katawan. Pinagtutulungang bugbugin si Shawn ng mga babae't lalakeng wretched. Grabe, galit na galit talaga sila.

Siyempre, nang makitang pinagtutulungan ang leader nila, agad na sumugod ang mga crowned at nauwi agad ito sa rambulan. It's like combat night all over again, crowned vs. wretched.

Masaya silang tingnan na nagkakagulo lalo pa't may mga babae naring nagrarambulan. Gusto kong makisali kaso tao lang naman ako at nakakaramdam din ng sakit sa metacarpi ko kaya wag nalang. Siguro kung nandito si Baldwin, tumubo na ang buhok niya sa tindi ng stress. Peacemaker ang kalbo eh.

"Tama na! guys tama na!" naririnig kong sumisigaw sina ledory at Vivian pero wala sa kanila ang nakikinig at humihinto sa pakikipag basag-ulo.