رواية اريد منك اكثر مما اريد للكاتبة / الكريستال / مكتملة❤️

الفصل (١٧)

‎ألي يعرفه أن ذكرى سعود .. ذكرى مستنزفه للحظآآته القريبه والبعيده ..
‎غمض عيونه ببطء ورفع يده يمسح على شعره وهوآآ خفيفه تتسلل
‎بهدووء تحضن جسمه المشدود ...
‎هذي هي .. مآآزآلت تخبي بين نوآيآهآ سلاح من الكلام قآآدرة تشهره في وجه
‎الزمن وفيه ...
‎عندهآ قدر من العنآآيه .. أكبر من زمن رحل فيه ورجع ..
‎تحرك وهو يحرك يده حتى تستقر على كتفه وبعبث صآآر يضغط عليه ..
‎يحس بألم في كتفه غريب ..
‎دخل من بآآب الشآآرع ع الحوش وكل شي يملاه الظلام مآغير ضوء الصآله
‎يبآن من بآب المدخل للبيت ... لف ومد رجله حتى يدخل الديوآآنيه وكل همه
‎بس يرمي بجسمه على الفرآآش ويتمدد .. ينآآم ويصحى من جديد وهو قالب
‎صفحة أمس .. كمل خطوآته المتوآزنه بطوله ولحظآت حتى يرمي
‎بجسمه منسدح على ظهره وهو ثآني رجوله .. يطآلع السقف في كل هالظلام
‎والحر ألي يحوطة .. غمض عيونه بتعب وهو مأجل شوفة أمه العوده
‎لبكرة ...
‎..........: تعآآلي ألله يغربل أبليسج .. أتعبتيني أستغفر الله ...
‎لصقت في أطآآر البآب وهي لابسة قميص حيل لاصق على جسمهآ
‎مظهر تفآآصييلهآآ بشكل أنثوي نآآعم .. يملاه اللون الأحمر وألي زآآده
‎جمآآليه شعرهآآ المتنآآثر مغطي ظهرهآآ ووآصل لحد خصرهآآ ..
‎طولهآ الملفت لبنت في هالعمر ..
‎الجده حمده وصلت حدهآ : تعآلي خليني أجدل شعرج
‎ليليآن : يآآيمة أنتي تبين الولد يضحك علي .. أنآ سمنآآنة يآآربي وهالقميص
‎مدري كيف مخلي جسمي ..
‎الجده تحط يدهآ على رآآسهآ : أنآ شسوي فهالبنت ... أستغفر الله ...
‎( رفعت صوتهآ بعصبيه ) تعآآآآآآآآآآآلي أشوف يلا ..
‎ليليآن تضرب يدهآ ع البآب : أييه تذكرت .. عندي قميص أحلى دقآآيق بس
‎بروح أجيبه لتس ..
‎طلعت بسرعه تركض لغرفة نومهآآ .. رآآحت للكبت وأنحنت حتى تسحب قميص
‎من أختيآرهآآ ...
‎... وعلى طول رفعت قميصهآ ورآآحت تركض طآلعه من غرفتهآآ ..
‎أكيد مآرآح تخلي لافي يشوفهآ في هاللبس ... رآح تحل الموضوع
‎بذكآئهآ وبالوقت نفسه مآرآح تخلي الجده تزعل .. لفت تطالع الجده
‎تنآديهآ عشآن تجي عندهآ بس طلعت من بآآب المدخل ع الحوش .. صآآرت
‎تمشي بحذر وبخطوآت وآآسعه صوب بآآب الشآآرع وسكرته بهدوء بحيث
‎مآآيطلع له صوت ..
‎حطت القميص على كتفهآ وأكمآم القميص ألي لابسته مو طويله أبد ..
‎رفعت أيديهآ وصوت الأسآآور ألي لبستهآآ لهآ الجده يضرب في بعضه
‎مطلع صوت ...
‎صآآرت تلم شعرهآ بسرعه وفي بالهآ موآآل بتسويه عشآآن
‎ترتآآح ... برمت شعرهآآ ولفته ع شكل دآآئري وأخر شعرهآ دخلته دآخل الشعر عشآآن
‎يثبت .. تحركت وهي مبتسمة ونطت حتى تدخل الديوآآنيه ...
‎وبدون مقدمآآت ومن زود الثقة سكرت البآآب بسرعه وقفلته عليهآآ ..
‎رآآح تنزل هالقميص وتلبس القميص ألي طلعته من الكبت وبتظل هينآآ تنطر
‎لافي لين يوصل .. تستقبله وتروح لغرفتهآآ وتنآآم ..
‎الفكرة سهله وتطبيقهآ أسهل ...
‎مآكآنت تدري أنهآ رآآحت لعرش الأسد وقدمت نفسهآ وليمة دسمة له
‎ليليآن ترمي القميص على الأرض وهي معطيه الديوآنيه ظهرهآآ
‎ووجهآ للبآب في هالظلام : تبي لافي يشوفني في هالقميص .. والله حآآلة ...
‎لازم لازم تلبسني هالي مدري كيف جآآي يعني.. يآآرب رحمتك ...
‎بس أنآآ أذكى ههههههههه ... يآآحليلتس يآآجدة والله ..
‎أنحنت وسحبت أطرآآف القميص من تحت لفوق .. وهو يلصق ويتجآآذب
‎في بعضه ...
‎ليليآن : أوووووففففف منه ..
‎سحبته بطفش وفصخته .. ومآبقى عليهآ غير شلحتهآآ بس ..أنحنت وسحبت القميص
‎الثآني وصآآرت تتلمسه في الظلام تبي تعرف من وين تلبسه ..
‎بس لحظآآت مميته بالنسبه لهآآ أول مآآحست بأنفآس تبعهآ خطوة وآآسعه وشي يتحرك جنبهآ وورآهآآ في هالظلام ... وصوت طقة خفيفه .. شهقت وتحركت
‎لاصقه فالبآب وعلى طول صرخت بخرعة
‎...رجولهآ قآآمت تتنآآفض ولاعآد قآآدرة تشيلهآآ ..
‎أنفآسهآ رآح تنقطع بأي لحظة وقلبهآ من كثر مآصآر ينبض بسرعه حسته بيطلع
‎من بين ضلوعهآآ ...
‎لكن مآهي ثوآني وأشتغلت كل لمبآآت الديوآآنيه والدموع وقفت علي عيونهآآ ..
‎حآولت تسحب هوآآ .. وهي متمسكة بقميصهآ والشلحة ألي لابستهآ
‎وآآصله لحد ركبهآآ ..
‎تشوفه .. وآآقف وعيونه متسعه ع الأخر رغم التعب ألي يتملك ملامحه ...
‎بلوزته مبهذله وصدره وآآضح ...
‎كأنه يبي يصدق ألمنظر ألي هي فيه ...
‎يبي يستوعب ألي يشوفه ...!!!
‎فهد بنبرة غآآضبه : أنتي شنو تسوين هنيه ...؟
‎ليليآن من التنآفض والخرعه وزآده وجوده ألي كآن بالنسبه لهآ كآآرثة : ..............
‎فهد بعصبيه : ردي علي ... متأكدة أنج مآآنتي مجنونة .. كآآملة قوآآج العقليه ..
‎( صرخ بصوت عالي ) ردي علي ..
‎ليليآن لصقت فالبآب أكثر وأيديهآ من الرجفة صآرت ترصهآ ببعض متمسكة
‎بالقميص أكثر : ....................
‎أنعقدت حوآآجبه أكثر وتقدم لهآ أكثر من خطوآت فآآصلة بينهم ...
‎فهد : ضآآقت عليج السعة تبدلين هنيه .. هبله أنتي ...تشيلين عقلج
‎بيدج .. لو أحد دخل وشآآفج بهالشكل .. ( سحب يدهآ رآفعهآ لفوق بقبضة من حديد
‎وهي عيونه متعلقه فيه ولا قآآدرة تقول شي أو حتى تتحرك والخرعه
‎متملكه كل جزء فيهآ ) لا تسكتين والله لا أعطيج كف أخلي الهرج يطلع من فمج غصصب ...
‎ليليآن للحين سآكته : ................
‎فهد يهزهآ بغيض : شنو ألي خلاج تتفسخين هنيه .. (صرخ ) هذي ديوآنيه
‎رجآل ... وأخوج ينآم هنيه عندي .. لا أكيد أنتي مو بصآآحيه ..أو أنج فآآسخة الحيآآ ..!
‎حآآولت تجبر نفسهآ تبكي .. تتظآهر قبآآله وهو وآآضح أنه معصب ع الأخر ...
‎على الأقل تفك روحهآ .. يمكن تكسر خآطره بكم دمعه
‎بس عجزت والدموع نشفت من عيونهآآ ..
‎غريبه قوآنين هالدموع ...
‎تظهر في أشد لحظآت السعآآدة .. تدآهمنآ وتمطر عالمنآ بلحظآت ننجبر
‎فيهآ على مآتبيه .. ننكسر لهآ مو حنآ ألي نكسرهآآآ ..
‎وفي أشد حآجتنآ لهآ .. تضيع في متآهآت مشآعرنآآ ..
‎بلعت ريقهآ وقبضة فهد حست أنهآ بتهشم عظآمهآآ ...
‎ليليآن بسرعه تكلمت وبثقه تظآهرت فيهآآ طآلعته : ليش معصب ...؟
‎فهد طآرت عيونه : ليش معصب ..؟ أشوف زوجتي متفسخه في الديوآنيه
‎وتبيني ( أبعد عنهآ وبطنآزة قآم يصفق ) أقول لهآ برآآفو ..
‎ليليآن برجفة تحرك القميص ألي بين أيديهآ وهي تتنفس بصوت خآيف : أنآ الغلطآنة ألي كنت هنيآآ ..
‎فهد رفع حآجبه وبدون نفس : نعم .. أقنعيني أنج يمكن فجأة لقيتي
‎نفسج هنيه
‎عدلت قميصهآآ زين وبسرعه رفعت أيديهآ ولبسته قبآله
‎وهو قعد يطالعهآ بنظرآت نآآريه ..
‎تحس من الخوف والخرعه
‎العرق بدآ يتملك جسمهآآ .. وفجأة حست فالهوآآ تحتضنهآآ ببرودة متسللة من الشبآك
‎ألي كآآن نصه مفتوح ... أنحنت وسحبت قميصهآ الأحمر من الأرض ولفت تبي تفتح البآآب بس هو رجع يسحبهآ بقوة مع كتفهآآ ...
‎فهد يرص على أسنآنه بقوة وهو شكلهآ بهالمنظر فعلا نرفزه .. مجرد التفكير
‎أن غيره كآن ممكن يطيح فيهآ بهالشكل يفقده عقله : تحجي زين .. ولاتحسبين
‎أني بخليج بهالسهوله ...
‎ليليآن بقهر تبي تبعد يده وشعرهآ أنفك متنآثر ع ظهرهآ : أنآ هنيآ عشآآنك .. بس أنآ الغلطآآنه ,, أنآ الغلطآآنه ألي بسوي شي يسعدك بدال التعب ألي أنت فيه .. وبعدين
‎أنآ مآآقلت شي ولا سويت شي يوم أنك مستنفر تقول شآآيف لك شين مآينشآآف ..
‎فهد مآآفهم عليهآ : كيف عشآآني ..
‎ليليآن بقوة تبعد يده بتحدي : مو أنت قلت تبيني أشري ملابس أتكشخ فيهآ
‎عندك .. مو قصدك أني أكون حلوة بنظرك ... مو تعبآن ومحتآج من يخفف عنك .. هآآ ..
‎فهد رجع خطوة وهو يتأمل ملامحهآآ ألي مآلبثت حتى تلتقي عيونهآ في عيونه : ................
‎ليليآن : أنآ مآآني خبله ولا فآآصخة الحيآ ع قولتك .. أنآ قبل أدخل الديوآنيه سكرت
‎بآب الشآآرع ودخلت هنيآ عشآآن ( سحبت القميص ألي لابسته ) عشآن أبدل
‎هالقميص ..( وبقهر رفعت القميص الأحمر ) وألبس هذآ لك .. أبيك تشوفني غير ..
‎مو ذآبحني ومحسسني أني مو شي بنظرك .. أنآ لو بسوي لك شي وين تبيني
‎أسويه .. بغرفتي وقبآل جدتي .. !! مو هالديوآنيه المكآن ألي رآح تدخله أول شي ..
‎فتحت البآب بقوة وطلعت تمشي بخطوآت وآآسعه فالحوش ... حطت يدها على قلبهآآ
‎وهي مو مصدقه أن الكآبوس أنتهي ..
‎هذي هي حرة .. طليقه ... بس وقفت أول مآآسحب فهد يدهآ متمسك بأصآبعهآ
‎فهد : أنآ بأذني سمعتج تقولين .. أن أظن جدتي تبيني
‎أشوفك بهاللبس ..
‎ليليآن وقفت بجمود : فهد .. حقك ع رآآسي وأوعدك أني مآآقرب صوب
‎الديوآنيه لو أموت .. جدتي تبيني ألبس هالقميص وأنآ أبي الأحمر ... فهمت هالحين ليش أخترت الديوآنيه .. يعني وش رآيك أقولهآ .. يمه بروح أقعد أنآ وفهد سوآآ لحالنآ بالغرفة ... مو من حقي أتكشخ ومآغيرك يطآلعني ..!!
‎يعني أذنبت يوم كنت بتكشخ عندك .. أذنبت .. مو من حقي هالشي ...!!
‎فهد يرفع يده ويمسح على شعره بأنكسآر : شوفي ..
‎ليليآن تقرب منه وصآآرت تضرب بأصبعهآ على صدره : لا تضحك علي .. لا تحسسني
‎تبي شي وأنت تمثل علي .. أيه أنآ فآآسخة الحيآ .. مآآتربيت .. أبد مو صآآحيه ..
‎قوآآي العقليه نآآقصه ... أو أقولك خلني مجنونة مثل مآآقلت .. بترتآح يالافي ..
‎فهد ببعثره وأسف يلف أيديه حول خصرهآ يقربهآ منه : أسمعيني والله أني تعبآآن .. ويوم شفتج
‎حسبة الأمور بحسبة غير ... والله محشومة يآبنت عمتي ... أبد مآطرى علي أن هالشي ألي سويتيه عشآآني
‎الجده توقف عند البآب : هو أنتي هنيآآ ..
‎ليليآن تدفه على خفيف مبتعده عنه ومسرع مآطالعت جدتهآ : تعالي شوفي ولدج .. صرت
‎فآآصخة الحيآ ومجنونة يوم أني رآآيحة له .. يوم أني بكون زوجة له .... بس نسيت
‎أن هالزوآج منسي دآآمه أنه بالسرر ..
‎الجده بفرح من شآفت فهد مغطي ع كلام بنتهآآ: هلا .. هلا بوليدي .. ..
‎طلعت من البآب وليليآن تحركت مآآرة من عند الجده حتى تدخل الصآآله ..
‎وبسرعه دخلت غرفتهآ وقفلتهآآ ...
‎تهآوت جالسه على الأرض حتى تمسك رآآسهآآ ..
‎صآآرت تتنفس بقوة تبي تشتت هالخوف ..
‎مآتدري كيف أنقذت نفسهآ بهالطريقه ..
‎كيف طلعت هي المظلومة قبآآله ... مسكت خدودهآ
‎ليليآن : يآآآآآآآآآآآآآآآربي لك الحمد .. طلعت بسلامة .. أوووووف ..
‎بغيت أروح ملح ..
‎وبربكة حطت يدهآ على مكآن صدرهآ تبي قلبهآ ينبض بهدوء ..
‎هي هالحين في بر الأمآآن ..
‎نجت بأعجوبة من بين أيديه ...
‎كآن ممكن تروح في هالعصبيه ألي تملكته .. ألله لايلومه .. أجل يشوف زوجته
‎مفصخه مآعليهآ غير ملابسهآ الدآخليه وتتوقع منه يسكت ..
‎زين أنهآ وقفت على شدة يد .. على عصبيه .. على صرآآآآآآآآخ ..
‎رفعت رآسهآ لسقف وهي تردد .. ( الحمدالله .. الحمدالله ..)
‎بس وش له قآآعد بالديوآآنيه وبوسط الحر ... ؟؟
‎هي وش عليهآ هالحين المهم أنآ أنقذت نفسهآ بأعجوووبة ...
‎تووبه تدخل الديوآنيه وتسوي يعنني نفسهآ ذكيه ...
‎متنآسيه أن الذكآ أحيآآن يخون صآآحبه ..
‎يقوده للهلاك بلا شك ...
‎أخذت نفس وبقوة رمت القميص الأحمر قبآلهآ حتى يطيح بوسط الغرفة ...
‎ولحظآآت حتى تقوم تضحك على نفسهآآ ..
‎ليليآن : ههههههه .. يآآعمري والله أني ممثله سنعة .. ههههههه ..
‎تحركت متوجه لسريرهآآ .. كآآنت قبآله بشكل لاتحسد
‎عليه وهو عمآآه ألي سوته ولا أنتبه لشكل ...
‎جلست على السرير وزحفت لين ريحت ظهرهآ على الجدآآر ورجولهآ
‎مددتهم لقدآم ..سحبت اللحآف وغطت رجولهآآ ..
‎يبي لهآ قعدة عشآن تستوعب ألي صآآر كله ...
‎طرت عليهآ تفآآصيل ملامحه ..
‎وآآضح عليه التعب بشكل ..
‎أول مرة تشوف شكله مبهذل بهالطريقه .. بالعآآدة
‎الشكل الحلو مرآآفقه حتى وهو يرجع من الجآآخور تعبآآن الظهر
‎ويطلب غدآآه ..
‎أنطق البآب وهي أول مآآسمعت الصوت أنتفضت ..
‎فهد بصوته الرجولي ألي غطآآه بالهدووء : ليليآآن ... أفتحي البآآب بكلمج شوي ..
‎عقدت حوآآجبي وأنآ أسمع صوته .. يآآحليلة جآآي لحد بآآب غرفتي ..
‎صدق كل شي قلته .. مآآيدري أن مقصدي أفك نفسي
‎من الورطة ألي حطيت حالي فيهآآ وبفضل من ربي فكيت حالي ...
‎فهد يطق البآب : ليليآآن ..
‎مو لازم أرد عليه .. خليه يطق البآآب لين يمل ... ألله يهدي جدتي بسس
‎كله من هالقميص الأحمرآآني ... ولا لو تآآركتني بدون هالقميص
‎تسآآن مآصآر ألي صآآر .. الثقل يمدحونه في هالأمور وبعدين
‎هو هزأني .. يعني خليه يعرف منهي ليليآن ..
‎ظل يطق البآب وبعدين أختفي .. شكله مل ورآآح ..
‎يمممممه .. يمممممه.. أنآآ كنت قبآله بدون قميص مآعلي غير شلحه
‎بسسسس .. والله رآآسي قآآم يصكني .. مآني متخيله ..
‎أبدن .. توووووبة توووووبه ... الديوآآنيه بنسآهآ لسنة قدآآآم مييير ...
‎ملت برآآسي على رجووولي وأنآ فعلا طآآري النوم أبيه ..
‎ليتني أنآآآم .. يآآرب أنآآم ..
‎بس جمدت على وضعيتي أول مآآنفتح الشبآآك ...
‎هذآآ ألي تسآآن نآآقصني .. ألا هذآ ألي نسيته ..
‎فهد وهو يدخل يده بقهر : يعني هذي حالتي .. لامن بغيتج
‎بروح أفتح هالشبآآك ..
‎الجده وهي قآعدة بالحوش : خلك منهآ يالافي .. أنت رح لديوآآنيه وبتلقآهآ
‎جآآيتن لحد عندك ..
‎فهد يبعد عن الشبآآك ويلف لأمه العودة : على كفآآلتج يآآيمه ..؟
‎الجده لمآ شآآفت الوضع قآمت هي تمسخه : أكيد .. وبعدين هالخلاقين ألي
‎لابسهآ أنآ شنو قآآيله عنهآآ ..
‎فهد يرجع يطآآلع ليليآن : طيب .. وأنتي بتيين لديوآنيه هآتي العشآ والقهوة والشآآي
‎ويآآج ( سكر الشبآآك بسرعه وأبعد عنه ) يمه ... هذي ملابس طلال
‎الجده وهي قآعده ع الفرشه الصغيره : أنآ مآدآآنيهم يآآولد وأنت تعرفني زين
‎فهد : ولا يهمج يالغاليه ...
‎قآآمت ببطء وتحركت مآآرة من عند فهد حتى تدخل الصآله وهي نآآويه
‎عليهآ نيه .. وقفت قبآل البآب وبعصبيه طقته ..
‎الجده : أفتحي البآآب .. أفتحيه أشووف ..
‎وقفت تنطر البآب يفتح بس مآآردت ليليآن ...
‎الجده بقهر وهي ترفع صوتهآ : أفتحي البآآب يآآبنت أحسن لج ...
‎وعلى طوول أنفتح البآآب
‎ليليآن تبي الجده تقصر حسهآ : يمه ورآآتس معصبه .. فشيله لا يسمعتس
‎الرجآآل ..
‎الجده بنظرة قآآتله : تستغلين طيبة وليدي ... قدآآمي روحي عنده لديوآآنيه ..
‎يلا ..
‎ليليآن طآآرت عيونهآ وهي عرفت أن الجده كآآشفه كل شي : هآآ ..
‎الجده تأشر لهآ تطلع برآ الغرفة : قدآآمي أشووف ..
‎تحركت بهدوء وأدب من عند الجده بس أنحنت أول مآآضربت الجده رآسهآآ
‎ليليآن تمسك رآسهآآ : آآآآآي يمه .. مآسويت شي ..
‎الجده : مآآسويتي شي .. أنتي خبز يديني ..
‎ليليآآن قالتهآ بصوت وآطي وبرجآآ :
‎أنآ كنت ببدل قمصآآني وهو ألي مندعس بهالحر أستغفر الله
‎والظلام .. ولا أنآ لو دآريه أنه موجود وش يخليني أغدي لديوآآنيه ...
‎الجده ترفع يدهآ : ألله أكبر عليج ... كل هالسآآلفه وهالكلام الجذب عشآآن
‎قميص ... أنتي خلاص يبي لج دوآآ ووالله .. وشوفي هذآآني أحلف ..
‎دوآآج مآآيعرفه غيري .. هييييين ..
‎ليليآن طآرت عيونهآ : أنآ قايله لتس القميص منحوووووس .. بس أبدن
‎مصممة على رآيتس لين شوفي وش صآآر من ورآآه ..
‎الجده : وليدي قليبه أبيض مآهآن عليه يخليج زعلانة .. يطق عليج
‎البآب ولاتردين .. والله أن ودي أكسر العصآ ورآآ ظهرج كود تتعلمين
‎ليليآن تمد أيديهآ وحوآجبهآ معقودة : شسووي له يمه ..؟
‎الجده بأمر وهي تتحرك تسكر بآب غرفتهآ : والله أن مآآذلفتي قدآآمي له لاروح
‎وأعلمه بالحقيقة ... الولد تعبآآن مآآهو نآآقص سوآآلفج الخاليه ذي ..
‎حتى عشى مآتعشى ...
‎ليليآن : لالالا .. بروح طيرآن عنده .. بس تكفيييين ياميمتي لايدري ثم ينقلب
‎علي .. والله فشيله يمه .. تكفيين يمه ..
‎الجده توقف وهي تأشر بيدهآ صوب ليليآن : سوآلف وخبآل هالحريم خليه عنج ..
‎هالحين بدآل مآآتروحين تخففين عنه وأنتي عآآرفه أنه تعبآآن قآآعدتلي
‎هنيآآ يقآل أني المغلوط عليهآ .. هآآ
‎ليليآن تمشي : هه .. هذآني رآآيحه له ..
‎الجده قالتهآ من قلب : والله أن مآآخليتج تمشين نفس هالخلق مآكون حمده ..!!
‎ورآهآآ جدتي أعوذ بالله .. كل هالشي عشآآن وليدهآآ ...
‎بغت تآآكلني بقشوري .. ألا أكلتهآآ وخلصت .. طلعت للحوش ولمبآآته
‎كلهآ مفتوحة .. يآآربي لو دخلت وش بسوي .. أحط نفسي زعلانه
‎كرهت الزعل من هوآآش جدتي أعوذ بالله ..
‎مآآخلتني أفرح بنفسي شوي ..!!
‎طيب كيف أحط نفسي زعلانه وأنآآ رآآيحة له .. يآآزين خشتي دآآخله
‎عليه ولا تكلمني بسس .. ألله يهديتس يآآجده ..
‎دآآيممممن تحطني في موآآقف مالهآ أم دآآعي ..
‎أكيد قالهآ وش صآر عشآن تسذآ كشفتني ...
‎ولا بعد طالب قهوة وشآي وعشآآ ... كيف يجتمعون ويآآ بعض ..؟
‎لويت فمي أول مآآوصلت لديوآنيه ولمبآتهآ مفتوحة ... يآربي ....
‎شبكت أصآآبعي مع بعض ومسرع مآآفكيتهم وحطيت كف يدي على جدآر الديوآنيه ..
‎وبآب الشآآرع جنبي مقفل ..حركت عيوني للبآب الحمآآم بكل عبث
‎أطالع فيه ومسرع مآآرفعت رجلي وصعدت حتى أميل برآآسي
‎وألمحه جآآلس ومرجع رآآسه لورى ويطالع السقف ..
‎كيف بدخل .. والله مدري شسوي .. لادخلت أسلم .. ولا أدرعم
‎على وجهي وأقعد جنب البآآب ...
‎ورآآي متبهذله بهالطريقه .. تسني بدخل على أمير مو زوجي ...!!
‎صديت بعيوني ورفعت رآآسي لسمآآ ألي يتملكهآ السوآآد .. السآآعة هالحين
‎10 ولا 11 ....؟؟!!
‎فضآآآوة أسأل عن السآآعه .. أستغفر الله .. ملت بظهري على الجدآر ألي جنب
‎البآب ووقفت ... ضميت شفآآيفي مع بعض وأنآ أطالع
‎الجدآر ألي قبآآلي ... والله مدري شسوي ..
‎...... : يعني كآآن علي أيي لحد عندج أقوولج حيآآج الله ...؟؟
‎تعدلت بوقفتي ولفيت له .. رفعت رآآسي على خفيف حتى أطالع
‎فيه وهو مبتسم ... أصصلن هو مو أطول مني ..أطوول ليه التسذب بس مآهو كثير ..
‎شعره هالرمآدي كله رآجع لورآآ ... ووآضحة ملامحه بشكل أكثر ...
‎حركت عيوني بعبث بس هو مد يده ولفهآ حول رقبتي ..
‎قربني له أكثر ..
‎فهد يمشي دآخل لديوآآنيه : آآسف .. لا تآآخذين بخآآطرج ع الكلام
‎ألي قلته لج .. لأن نفسيتي زفت ..
‎حط يده على رآآسي وضمني لصدره .. ولحظآآت حتى حسيت بشفآآته
‎تبوس رآآسي ... ضعت أكثر وأنآ أحس في أيديه .. أنفآآسه
‎جسمه ..كل شي يخصه قريب مني ..
‎وهذآ أنآآ ألي متسذبه بعد ..
‎وش حيلتي والضيآآع عنوآآني ...
‎نزلت عيوني بالأرض ورآآسي على صدره .. أبعدني وحرك يده لتحت ذقني
‎حتى يرفعه ...
‎فهد بصوت دآآفي : أنآآ عآآرف أن الكلام ألي قلته مو حلو بحقج .. بس والله
‎مآآطرى على بالي أنج تبين تنتظريني فالديوآآنيه ..
‎ليليآن تطآلعه بصمت : ..................
‎فهد مآل برآآسه حتى يبوس خدهآآ : ولو أني خربت كل شي .. لكن مآعليه
‎ألله لايحرمني منج
‎عطآني شي أكبر من أني أكون حمله ..
‎دفآآ .. حنآآن .. وقلب أبيض ... فعلا مثل مآآقال .. طيب لأخر حد .. بس
‎لاعصب .. أنحآآشوآ عنه ..
‎رفعت كتوفي بهدوء أول مآآحسيت بشعر ذقنه يحتك بخدي ..
‎ليليآن تبعد عنه وبصوت أمتلى حيآآ : لافي ..
‎فهد يرفع رآسه : شنووو ..؟
‎ليليآن ترفع يدهآ وتأشر بأصبعهآ على ذقنه : ..............
‎فهد : صآآير مهمل .. هههه .. مآآصدقت أبعد عن الرسميه ألي ملزومة علي
‎كل يووم ..
‎ليليآن : مآآفهمت ..؟
‎فهد يحط يده على بطنه : بطني يوجعني من الجوع .. ممكن تسوين لي عشآآ ؟
‎ليليآن : لا جدتي أصلن تآآركة لك عشآآ ..
‎فهد : زين .. بس بالأول روحي ضبطي لي قهووة .. مشتهيهآآ
‎صد بعيونه عني وطالع أخر الديوآنيه مكآن مآآهو حآآط أغرآآضه وفرآآشه ...
‎طالعت أكثر ملامحه .. نظرة عيونه .. شفآآيفه .. خشمة ..
‎حوآجبه .. كل شي حآآولت أرسم منهآ صورة ثآآبته بدآآخلي ...
‎البلوزة حلو عليه مآآشالله .. مبرزة تفآآصيل له حيل مآآحد يقآآومهآآ ,,
‎مآآتسني أنآ ألي مآدآآني الشبآب بهاللبس ...
‎بس هو غير ..
‎ليش غير ..؟
‎عجزت ألقى لهالشي جوآآب ..
‎وبعدين مو وآآضح عليه أن عمره 34 .. أبدد موآآضح .. أكثر شي صددمني
‎فيه عمره .. لاحسبت بيني وبين عقلي فرق السنوآآت ,,
‎المفروض يكون أبوي مو زوجي ... هههههه .. يلا ..
‎ألله يعيني مو عليه ألا على العلة ألي أسمهآ تغريد .. زوجته الأولى يآعلهآ مآآتربح
‎أبدد
‎يآآوالله أن فيني حرررتن عليهآ بس أشووفهآآ
‎بسوي شي لهآ عمرهآ مآآتنسآآه .. الحيوآآنه ...
‎فهد يحرك يده بوجه ليليآآن : وين رحتي ..؟
‎ليليآن ببعثره : بروح أصلح لك قهوة تعدل مزآآجك ..
‎تحركت مبتعدة عنه .. بس هو بلمح البصر سحبني له بقوة ...
‎فهد : مآآنتي زعلانه ..؟
‎منظره بهالشكل التعبآآن حرك فيني ألف شي وشي ...
‎مآهآن علي أشووفه .. أو أحس أنه منكسر ..
‎مدري تسذآ حسيت أن الرجآآل في شي دآآخله كآآسره ..
‎نظرته مشتته .. دآخلهآ عالم حيرآآن ..
‎أو يمكن لأني أشوفه أبوي .. وأبوي قبل لايتوفي من يدخل البيت
‎أعرف أذآ فيه شي مكدر خآآطره أو شآآغله ..
‎أعرف أذآآ محتآآج يقول شي أو يكون ماله نفس يسمع صوت ...
‎أبوي حكآآية .. كتبت عنوآآنهآآ وكل تفآآصيلهآ بنفسي ..
‎عشقت الحيآآة لأنه كآآن نور هالحيآآة ..
‎رفعت حآآلي وحطيت يدي على شعره حتى أميل رآآسه شوي وأبوسه ..
‎ليليآن : مآآزعل منك أنآآ .. نسيت أنك صقري ...!!!
‎ظل وآآقف ..
‎أبتسمت له وغآآدرت المكآن طآآلعه من الديوآآنيه ...
‎أبتسمت وظهرت له الغمآزآت ألي في خدودهآآ .. حس بقلبه يوجعه
‎يذكره أن هالبنت هي شبيهه لوحدة تمثلت في أبشع صورة
‎من بعد أسطورة العشق ألي عآآشوه ..
‎لكن
‎هذآ هو وهي .. في مرمى صدفة عشق ولقآآ ..
‎مآآينكر أنه
‎أنه
‎يعشق تقلبآتهآ المزآآجيه ألي تشبه تقريبآ لمزآآجه في صبآحآت يومه ..
‎مره تثور .. ومرة تعآند .. ومرة يحسهآ تخلع قبآله كل هالجنون
..
‎هذي هي .. البنت ألي أقتحمت حيآآته بتصرف ماله منطق ...
‎كم صآآر يعشق كل أضطرآبآتهآ ألي مالهآ مبرر ..
‎أبتسم غصب وهو يتذكر كلامهآآ .. صقآآرة .. ههههه ..
‎ومخليته الصقر ألي عليهآ تروضه ..
‎ضم شفآته بحزم.. هالبنت عندهآ ثقه زآآيدة بنفسهآآ ...
‎تقول الكلام ولا تحسب له حسآآب ..
‎رآآح وجلس بجنب المركة وكل عظآآمة من التعب قآآمت توجعه ...
‎.. ( أأأأخ بس ) طلعت منه بصوت مسموع ...
‎لف برآآسه يطالع أغرآآضه .. لايكون جدته دخلت بس وشآآفت
‎أورآآقه وأغرآآضه الخآآصه بشغله ... وهو كل يوم وفي كل ليلة
‎يدير شغله مع عمر بالسر .. بس لو كآآنت شآآفت شي
‎مآرآآح تسكت أكيد .. والله لاتقلب الديوآآنيه فوق رآآسه ..
‎حتى طآآري سفرته لفرنسآآ مآآيدري كيف بيدبره ...
‎لازم عليه يلقى منفذ عشآآن يحضر أفتتآح المختبر ..
‎ومنهآ يروح يشوف شنو صآآر على فرسه .. مآآحد أكد له تحسن صحته ...
‎وهالحين طآآلع له ميشيل ألله يشغله بنفسه ..
‎وقصته ورآهآ شي مآآيدري فيه ..
‎متأكد أن هالأنسآآن مخبي شي كبير عليه ...
‎ولحظآآت دخلت ليليآآن عليه بصينيه القهوة والشآآي
‎فهد : أبعرف أمي كيف خلتج تطلعين من الغرفة ..
‎ليليآن وهي تنحني قبآله وتنزل الصينيه : ليه ..؟ وش طرآهآ عليك يآكآآفي ...
‎فهد : لابس .. ودي أعرف .
‎ليليآن تجلس و بنفسهآ : غسلت شرآآعي .. وضربه ع الرآس بعد فوقهآآ..( سحبت صحن التمر
‎وحطته قبآله ) تفضل ..
‎فهد يتعدل وهو جآلس متربع : ريحة القهوة تفتح النفس ..
‎ليليآن تمسك ترمس القهوة : سوآآتي للقهوة كلن هنآك يمدحهآ وأبوي على رآآسهم ..
‎لأن هو ألي علمني عليهآآ ..
‎صبت الفنجآآن له ..
‎فهد يسحب الفنجآن : وطول هالمدة وألي تسوي لي القهوة الخدآآمة ..
‎ليليآن أنعفست ملامحهآ وهي عآرفه وش رآح يطلب : ...............
‎فهد : هذآ وأنآ منبه شغل الخدآآمة مآآبيه ( طالعهآ بنظرة صآآرمة ) أحمدي ربج
‎أني أنشغلت ولا هتميت بالأمر لأني مآآحب أقول شي ومآآينفذ
‎ليليآن رفعت حوآجبهآ وبدون مآتطآلعه : وش جآآك قبل دقآآيق وش حليلك ..
‎نزلت الفنجآآن وحركت أيديهآ لورى على الأرض متسآندة عليهم
‎ومآلت بظهرهآآ ..
‎فهد : أنآ أعلمج عشآن لاتلوميني بعدين .. من بآآجر كل شي يخصني أنتي
‎ملزومة فيه تسمعين ولا لأ ..
‎ليليآن وهي تطالع الصينيه : .....................
‎فهد بعد صمت والديوآنيه مالهآ السكون : شنو فيج بوزتي ..؟
‎ليليآن : لابس تقول قآآعدة عند دكتور ذآآبحه الضمير ومن قلب ينصح ..
‎فهد : شلون ..؟
‎ليليآن تطالعه وبأبتسآآمة : أن شالله من بكرة كل شي يخصك أنآ بهتم
‎فيه ... كم عندي فهد
‎فهد يشرب الفنجآن ويمدهآ لهآ : أيه خليج هالشكل وألي تآآمرين فيه بكون حآآضر له ..
‎ليليآن : أييه وآآضح .. طآآلبة منك شغلتين ولا شفت شي منهم ..
‎فهد أبتسم : والله مو سبآآيدر مآآن أنآآ .. هذآ لو طلبج له ثلاث أيآآم ..
‎ليليآن تصب له قهوة وتمد له الفنجآآن : والله مآشالله الكل لا طلبج لبيت طلبهم
‎بسرعه .. وأنآ ليش تبي مني أنطر يومين وثلاث ..
‎فهد يسحب الفنجآن : ألله يهدآج أنتي طالبه مني أغير غرفتج ومستحيل بلقى الشي الحلو
‎من أول مآروح .. وبعدين من قصدج بالكل ..؟
‎ليليآن : يعني مآآحد يطلبك طلب وتلبيه ..؟
‎فهد وهو يرفع يده ويفرك جبهته بحوآجب معقودة : ألا ..
‎ليليآن : أولهم أختك ..
‎فهد وقف عن الفرك وبنظرة تأمل : عبير طلعيهآ من حسآبآتج ولا تقآرنين نفسج
‎فيهآ
‎ليليآن بتفآجأ من رده : ترآ مآ هرجت عليهآ أنآ
‎فهد : ولارآح أسمحلج أصلن ..
‎سكتت ونزلت عيونهآآ من هالأندفآآع بالرد ..
‎هي مآقالت شي عشآآن شوي ألا يآآكلهآآ ..
‎ليليآن بدون أية تعآبير : طيب .. تآمر على شي بروح أنآم ..
‎فهد قآآم ورآح يمشي صوب فرآشه : لا سلامتج ..
‎رفعت عيونهآآ تطالعه بكل برود يروح للفرآش وينحني متمدد عليه ...
‎تحس أنهآ بتحترق من دآآخل ..
‎بتنفجر من هالرد ألي عآآكس مشآعرهآ وأشعلهآ زيآآدة ..
‎رفع يده ومسك جبهته من جديد وهو يضغط عليهآآ ..
‎ليليآن تقوم : تبي تتقهوي ولا أشيلهم ..؟
‎فهد وهو يغمض عيونه : لا خلاص ..
‎ليليآن وهي تشوفه بس يمسك جبهته بقوة : أنت تحس بصدآع قوي .. أجيب لك
‎بنآآدول .. ترآ عندي بالغرفة ..
‎فهد يبعد يده ويطالعهآ : تعرفين تسوين مسآآج ..
‎ليليآن : لا والله .. ألله يخلي لي ولغيري البنآدول ..
‎فهد يرجع يفرك جبهته بحوآجب معقودة : ........................
‎ليليآن تقرب منه أكثر وتجلس جنبه : تتوجع منه حييل ..؟
‎فهد والصدآآع كل ماله ويزيد : شنو رآآيك يعني
‎ليليآن وهي تطالع فهد : أنآ لو أعرف أسوي شي يخفف عنك تسآن مآآقصرت ..
‎وأنت شآطر ترد علي رد يخليني أتمنى أطلع ولا أرد لك
‎فهد يحرك رآسه صوبهآ : طيب وشنو ألي رآآدك ..؟
‎ليليآن بقهر وصوت مهزوز : قلبي .. تصدق ..!!!!
‎ظل يطآلعهآ وهي تطالعه بقهر .. أبعدت عيونهآ عنه بس هو
‎ظل يتأمل هالتفآصيل المآآثله قبآآله ..
‎فهد بصوت تعبآن .. مجهد : أنتي ألله يهدآج تعرفين أن رآآسي مصدع وتهرجين
‎فوق رآآسي ويوم أتقهوى طلعتي لي بسآلفه مدري كيف قآآيله ..
‎تعبآن أنآآ .. حآولي تفهميني وبترتآحين .. صدقيني ...
‎ليليآن تقوم : طيب آآسفه ..
‎نوت تتحرك بس هو مسك طرف قميصهآ من تحت ..
‎فهد : تعآلي أجلسي بقولج شغله ..
‎ليليآن : هآآ .. وهذي جلسة ...
‎أول مآجلست حرك رآسه وريحه على فخذهآآ ..
‎فهد : لا تتحركين لين مآ أنآم .. هالشي بيكفيني عن المسآآج ..!!
‎هذآ هو .. يعد العدة للسفر لعالم هو عآآلمهآآ ...
‎يحمل في صفحة لقيآهآ كثير جروح وأحزآن يبيهآ تتلاشى وسط هالعالم ..
‎يبي يحس بالهدوء يلف كيآآنه
‎بعيد عن ضجيج الأمكنه ...
‎محتآآج من يفتح له الأبوآآب بدون مآيسأله ..
‎بدون مآآيحتآآج تصريح دخول أو خرروج ..
‎يبي من يسآآعده في فتح شنطة أحزآآنه ..
‎يرتيهآآ في غرفة النسيآآن ..
‎يعلق على الجدآآر صور تنزف مشآآعر وأوجآآع ..
‎من يبتسم ويمد يده له ..
‎يقول ..( وقت السفر يآآفهد حآآن ) ...
‎غمض عيونه وهي تلاشت في زحمة هالمشآآعر بدآخلهآآ ..
‎تحس برآآسه .. وشعره متنآآثر في حضنهآآ ..
‎وقلبهآ بدى ينبض بسرعه ..
‎لاهو خوف ولا ربكة ..
‎لكن البعثره لغه تتقنهآ الجوآآرح أكثر ..
‎فهد وهو يثني رجوله ويتكتف : مآآتعرفين تمسحين على شعري ..؟؟
‎ليليآن تآخذ نفس وتبلع ريقهآ : فه.. فهد والله بروح أنآآم ..
‎فهد وللحين مغمض عيونه : مثل مآنتي نمتي في حضني .. يآآ دوري هالحين
‎ليليآن رفعت صوتهآ وبصدمة : أنآآآآآآآآآآ..؟!!!
‎فهد بهدووء وبصوت وآآطي حييل : هشش .. مآآبي صوت
‎ليليآن بخرعه : والله مآعمري نمت عليك ولا قربت حتى .. تبي تضحك علي
‎فهد : ...................
‎ليليآن : رد علي طيب بعدين نآآم ..
‎حرك يده وبقوة سحب يدهآ وحطهآ على شعره ..
‎فهد : قلت لج أمسحي على شعري ..ومآبي صصووووت ..
‎حست بمشآآعرهآآ تغفو ألا مآلا نهآآيه ..
‎وهي تشوف شعره يغطي نص أصآآبعهآآ ..
‎يتنآثر على بشرتهآ مثل مآتنآآثرت حبآآت مطر عشقه
‎حتى أرتوت أرضهآآ ..
‎أزهرت من بعد الجفآآف ..
‎صدفة وجودة قدر مجهول ..
‎هذآ هو الحب ألي يزحف في قلوبنآآ ..
‎يهآآجم أكثر ممتلكآتنآ أهميه ..
‎حتى تشرق صبآحتنآ على شوآآرع فآآضيه يملاهآ شعب أشوآآقنآ
‎ولهفتنآآ .. حركت أيديهآ ببطء وبدت تمسح على شعره ..
‎ولحظآآت حتى بدت تقرآ عليه ... بصوت خفيف يوصل لمسآآمعه ..
‎مسآآج وبنآدول أولى خطوآتنآ لأي شي يمتلكه الوجع في أجسآآدنآآ
‎وكآآن الأحق فينآآ نمطر هالوجع بأيآآت وأذكآآر رب العالمين ..
‎نصفي أنفسنآ وأجسآآدنآآ ...
‎نحميهآآ من هموم هالدنيآ وأوجآعهآآ ..
*************
‎أنفتح البآآب ودخل علي وهو حآآضن عبدالله ألي دآآيخ من النوم ..
‎سحب المفآتيح من البآب وحرك رآسه صوب عبدالله
‎علي : يلا حبيبي روح نآآم ..
‎عبدالله يوقف وبصوت وآطي حيل : أقدر أنآم عند أمي وأختي .. تآآخذني
‎لمهم ..؟؟
‎علي أبتسم : ورآآ توك تتكلم .. هالحين والله مآيمديني .. أنآ نفسي تعبآن .
‎عبدالله يفرك عيونه : ...................
‎علي يحط يده على رآآسه : ولا يهمك ..رح نآم ومن الصبح قبل لاروح
‎الدوآم أنزلك عندهم ..
‎عبدالله : طيب ..
‎تحرك متوجه لدرج وعلى طول أصعده .. وهو خطوة تقدم
‎فيهآ حتى يحرك البآب بيده ويسكره .. بس من نوى يتحرك طلعت الجوهرة
‎من المطبخ لابسه درآآعه جدآ عآآديه متمآآزجة ألوآنهآ ويآ بعض
‎الجوهرة بصوت أمتلى خوف : وينك أدق عليك مآآترد وين كنت ..؟
‎علي يطآلعهآ بملامح متجردة من كل شي : يعني أكيد برآ مع ولدج ..
‎تحرك متوجه لدرج وهي ظلت تطالعه
‎الجوهرة تتقدم له : علي أبي أتكلم ويآآك ..
‎علي بدون نفس : مصدع ومآلي خلق أتكلم ويآآ أحد ..!
‎الجوهرة بصدمة : أحد .. هالحين أنآ صرت وحدة من هالأحد ..

**********

>
>
<
<
<
<
<

كــــــــــــــــــــت

<
<
<
<
<

‎قرآآءة ممتعه للجميع
فوت ⭐️ / صوت ⭐️

دمتم بخير