رواية اريد منك اكثر مما اريد للكاتبة / الكريستال / مكتملة❤️

الفصل (١٧)

‎الفصل السآبع عشر ..

‎الخطوة الثآنيه عشر ...خطوة الأنعطآآف .. نحو حلم أريد منك أكثر ممآ أريد .

‎( على جدآآر الصمت .. تركت الأمآآني تنتحب ..!!)

‎طلال يرجع الجوآل عند أذنه وكل شي صآر ظلام حوله : لاتقولين لي أنج مستحيه ...
‎تكلمي وأنآ والله بستر عليج ... رآآيد لج الحشيمه ..
‎ولد عمج بكون لج ستر وغطآآ

‎ظل الصمت متملك شفآآتهآآ وهو لازآل ينطر منهآ تعلن الموآآفقه ...
‎تعلن أنهآ بتتمرد على هالقرآر في حين ظل هو عآآجز يتمرد عليه ...!!!
‎طلال : ألووو .. ألو .. يآآبنت الحلال ردي علي .. قولي شي ... أستغفر الله بس
‎ضم شفآآته بقهر وأبعد الجوآآل عن أذنه رآآميه بكل قوته لورآآ ..
‎حط أيديه على الدركسون وهو يشد عليه ...
‎ليش مآآردت ..
‎وآآجهت كل شي بصمت يحرقه هالحين ...
‎أكيد يحرقه هذي بنت عمه .. والكلام ألي قاله كبير في حقهآآ ..
‎وهو من الأسآآس ربع هالكلام مآرآح ينفذه أبد .. حرك عيونه بسرعه صوب
‎الشبآآك أول مآآوقف قبآل أشآآرة مرور .. زفر هوآآ بصوت مسموع ولحظآآت
‎حتى يمسح على ذقنه بتوتر ...
‎أن شالله ينتهي الموضوع قبل لا تقتحم عآآلمه وحده من الأسآآس
‎حذفهآ من حيآآته من أول مآبدت معه بخطوة كآآنت أكثرهآ وقآآحه
‎بنظره ..!
‎تستآآهل هي .. كل ألي يصير .. ليش يحس بالوجع دآخل ضلوعه
‎لشي ألي قاله لهآآ .. ظل يحرك عيونه للشوآرع التآيهه قبآآله ..
‎ولحظآآت حتى يتحرك أول مآآعلنت الأشآآرة بلونهآآ الأخضر الرحيل ..!!
‎ولحظآآت ثآآنيه حتى يوصل للبيت ويوقف بالسيآآرة
‎تحت المظلة ... فتح بآآب السيآآرة بنرفزة وطفى السيآآرة حتى يسحب المفآآتيح ويطلع .. سكر البآآب وتحرك بخطوآآت وآآسعه صوب بآآب
‎المدخل الرئيسي .. غترته رآآفعهآ لفوق ببعثرة وأزآرير ثوبه نصهآ مفتوح ...
‎بس وقف أول مآآلمح سيآآرة خاله وبدآخلهآآ عبدالله
‎يلعب في الجوآآل ومنسجم ع الأخر .. وتلقآئيآ أبعد عن المظله حتى يطلع لشآآرع
‎والسمآ يملاهآآ الظلام الدآآمس .. أصوآآت الشآحنآت تتردد بعنف مشتته
‎أي فرصة لسكون ... وصوت الحشرآآت من بعيد يظهر مختلط مع هالصوت ومسرع
‎مآآيختفي ... ومآآبين كل هالضجيج سمع صوت أقوى لكيس خلاه يحرك رآآسه لجهة اليسآر حتى يلمح ورآ برميل الزباله قطوة طلعت من وسط هالكيس وعيونهآ
‎العسليه تلمع بشرآآسه ... بس تجآهلهآ ووقف متمآيل على الشبآك
‎بالجهه الثآنيه لسيآآرة ..
‎طلال : عبدالله ..!! شنو مقعدك هنيه ..؟
‎عبدالله يتعدل بجلسته مرخي ظهره على السيت والجوآل متمسك فيه بين
‎أيديه : أنطر أبوي علي .. هو قالي أنطره هنيآ عشآآن نروح للبحر ..
‎طلال : أهآآ .. زين
‎أبعد عن البآب معدل ظهره بأستقآآمة لكن يده اليسآر للحين ع البآآب ..
‎عبدالله : تبي شي تآآمرني بشي ...؟
‎طلال أبتسم ع كلامة : لا سلامتك ..
‎هز رآسه بالرضى وتحرك مبتعد عن السيآآرة حتى يتوجه لبآب المدخل الرئيسي ..
‎صعد درجتين بخفه ودفع البآب بيده حتى يوصل له
‎صوت خاله علي وأبووه يتنآقشون بصوت مسموع ...
‎علي : يآآبو سعود .. خلنآ بس من هالكلام وبآآجر الصبح تروح معي لسوق
‎تشوف من النيآق مآيسرك ..
‎بو سعود : تم ..
‎علي : يلا أنآ تآآرك عبدالله في السيآرة ..
‎بو سعود : ورآ مآآخليته يدخل ألله يهديك بس
‎علي : والله وآعده بمشآآور .. ( سكت لثوآني وكمل ) لافي قم روح لخالتي
‎والله أن صوتهآ مآآيطمن من الخوف عليك .. لا تتأخر عليهآآ ..
‎أنآ دقيت عليهآ وحآولت أطمن قلبهآ بكلمتين قبل أوصلكم ..
‎فهد بصوت هآآدي حيل : أن شالله ..
‎يرآقب خطوآته بعبث وأنوآآر الحوش متنآثره علي يمينه ويسآآره تآآركه
‎لجسمه ظلال متفرقه ع الأرض وهو يمشي ..
‎يسمع أصوآآآتهم والفكر مشغول بشي مو قآآدر يزيحه أبد ..
‎فتح بآآب الصآآله حتى يتحرك بخطوآآت وآآسعه لسيب طويل ..
‎لغرفة مؤآآه الأول والأخير ..
‎لشي يقدر ينثر عليه أبجديه صآآمته ... شرط البوح ممنوع فيهآآ ..
‎يمآآرس مع الفرشآآه لغة يتقنهآ وهي تتقنه ...
‎تفخخ له الأنتصآرآت في لحظة هو يحآول يبددهآ ..
‎يعيش في هوآيته طيش الغربآآء ..
‎في مدينه يجهل سكآنهآ .. شوآرعهآ ... حتى أنفآآس شعبهآآ ...!!
‎ظل يمشي في سيب طويل يملاه الظلام .. مآآغير ضوء خآآفت يتسلل بعبث
‎من شبآآكين بس رآآسمين ع الأرض ومن الضوء تفآصيل تصميمهم ..
‎مربع يملاه التقسيمآآت .. والصور تعآنق الجدآر بأريحيه متنآهيه
‎تلازم هالجوآآمد ..
‎أول مآآوصل لغرفة المرسم .. فتحهآ بأندفآآع حتى يندفع صوبة ريحة الألوآن
‎والخشب .. مد يده وشغل اللمبآت .. تقدم أكثر للغرفه وأول مآبدت
‎تشتغل اللمبة معلنه لكل شي مرآآسم أفتتآحهآ كآن هو أسبق وسكر البآب ورآآه ..
‎أنتشر الضوء بلمح البصر كآآشفه كل تفآآصيل مرسمة ..
‎تحتل في زوآيآ هالغرفة لوحآآت مجسدة حكآيآ ملهمه له ..
‎مغطيه بقمآآش أبيض تنتظر يوم أفتتآح المعرض .. وقبآآله كآآن خشب وآآقف وقبآله
‎كرسي ينتظره .. رفع يده وسحب شمآغه مع العقآل والطآقيه مرة وحدة
‎ورمآآهم ع أقرب طآوله صغيرة .... تحرك أكثر للكرسي وجلس عليه ...
‎في دآآخله شحنآآت مجنونة تبعثره ..
‎رفع يده ومسح على شعره ألي الطآقيه رآآسمة مكآنهآ حوآلي شعره الكثيف ..
‎أنحنى وسحب علبة الألوآن ..
‎وبدآ يرسم على البيآض وطن من المشآعر ..
‎لوحة سيريآآليه مبهره ... تمنح لكل ألي يشوفهآ حق التنقل في تفآصيلهآآ ..
‎بدآ برسم نصف وجه بشري مقسوم ... متنآثره حوآليه
‎تحف مكسورة ...
‎رآح يستغرق هالعمل منه سآعآت ..
‎وهو على أستعدآآد يفرغ هالشحنه دآآخله بصمت يمنعه من الأنفجآآر
‎أكثر ..
*****************
‎بصوت جهوري مسموع ..
‎... ( أليكم الحقآآئق كمآحدثت .. حسب عملي كرئيس للجوآسيس ..
‎وظيفتي ليست بالبطوليه لكنهآ تحتآج مني لعمل حريص كل يوم ..
‎فأنآ أعآين أكثر التفآصيل دقة حتى لا يفوتني أنهآ دقة ..)
‎يتبعه صوت أنثوي يميل لرسميه ..
‎( يقرر رجل بعد أن وصل لنهآية المطآف في حيآته أن يستعيد
‎مغآمرآت حيآآته .. أنه عآمل متقآعد من أصل بولندي ..
‎القصة التي يريد أستعآدتهآ حدثت في أربعينيآت القرن المآضي ..
‎في شمآل أفريقيآآ ...)
‎هذآ هو صوت التلفزيون المرتفع شوي على فيلم وثآئقي بعنوآن
‎..(الجآسوس المنسي )
‎متربعه قبآآله ومآسكة بيدهآ الريموت .. تضربه على الأرض بخفه وترجع
‎تقلبه من بين أصآبعهآآ .. ومسرع مآآلوت فمهآ بملل أول مآآدخلت الخدآآمة
‎وأنحنت ورآهآ تلم السفره ألي صوتهآ تردد بخفه شوي .. أمتزج
‎مع صوت المكيف ... أخذت نفس وزفرته وحركت رآسهآ لورى حتى تشوف
‎الجده حمده متربعه تطالع السفره والخدآمة تلمهآ ..
‎الجده حمده تأشر على الأرض : لمي قطع هالخبز لايبلشنآ النمل بعدين ..
‎الخدآمة : وين مآمآ
‎الجده بضيق : هنيآآ ..شوفيه عندج..
‎ليليآن وهي تطالع الجده بنظرة غآآمضة : يمه .. ترآآتس مآآأكلتي زين والله ..
‎الجده ترفع عيونهآ لهآ : قصري على هالبليه .. حطي ع قرآآن مآآفيه أحسن من
‎ذكر الله ..
‎ليليآن تلف برآسهآ صوب التلفزيون رآفعه يدهآ : هآآ .. قطعنآ الصوت ..
‎الجده حمده : أنتي شلتي للافي عشآ الولد بيوصل تعبآآن ..
‎ليليآن ترجع تطالعهآ : دق عليتس علي ... طمنتس عليه
‎الجده بنظرة ضيق : أنتي ماتعرفين تحشمين أحد ..؟ قولي له عمي علي ..
‎هذآ بمكآنة أبووج
‎ليليآن بنفور : مآآحدن وآآصل مكآنة أبوي .. خلينآ على عمي مير أحسن ..
‎الجده تسحب نفس بقهر : ................
‎ليليآن تنسدح مخبيه رجولهآ بقميصهآ ومسآندة كف يدهآ ع خدهآ بآستقآمة : أنآ
‎لو كلمتس بالي بخآطري يمه بتسمعيني
‎الخدآمة : يبي مآمآ شي ..
‎حمدة : عشآآ لافي هآتيه هالحين عندي هنيآ ..
‎الخدآمة تهز رآسهآ : أيه مآمآآ ..
‎طلعت وليليآن للحين عيونهآ معلقه بجدتهآآ .. تتكلم بصوت هآآدي
‎وحوآجب معقودة .. عقلهآ متعلق بأمر وقلبهآ مآآزآل يعيش
‎ع تخدير موضعي من كل شي تلاشى وأنتهى ..
‎ليليآن : يمه .. ليش تبينآ نروح لبيت عمي ... سنتين يمه أنآ هنيآآ ..
‎متعودة عليتس وعلى هالبيت ألي ضفني من جور أخوي ..
‎الجده حمده : هالقرآآر بالذآت يآآبنيه لا تسأليني عنه ..!!
‎ليليآن تحط كف يدهآ على الأرض وترفع جسمهآ : طيب يمه .. سآآرة ..
‎بفآرقهآآ ... والله قلبي يتقطع هالحين وأنآ أتخيل أني بفآرقهآ
‎الجده تصغر عيونهآ : همآآ البنت تقول أن أبوهآ رآآح يآآخذهآآ ..قبل
‎لا تروح لبيتهآآ .. يعني يمي أنتي لا رفضتي تفآرقينهآآ
‎هي بتفآآرقج ..
‎ليليآن بصمت : ........................
‎الجده حمده بصوت دآفي : هذي هي الدنيآ يمي مآلهآ أمآآن ولو فكرتي تكسبينهآ
‎مآنتي مآخذه منهآ غير الشقآ .. توكلي على رب هالعبآآد هذآآ أكبر مكسب
‎ليليآن تنزل رآسهآ بالأرض : ونعم بالله ..
‎قآآمت بسرعة تآآركة الغرفة .. طلعت لصآآلة وعلى طول توجهت لغرفتهآآ ..
‎مخنوقة .. متبعثرة .. متهآلكة ...
‎فتحت البآآب ودخلت متوجة لطآولة .. وقفت بعبث قبآآلهآآ .. رفعت يدهآ
‎ومسحت على شعرهآآ ..( أستغفر الله .. أستغفر الله ..)
‎رددتهآ وهي تحس بالغصة وآآقفه في حلقهآآ مآلهآ مخرج غير عيونهآ
‎ألي بدت تلمع بالدموع ..
‎أنتهت حكآية هالأجودي في حيآتهآآ .. هالحين هو متزوج ومسآفر ..
‎هالحين عآآيش حيآآته مع من أختآرهآآ ..
‎سحبت الدرج ودخلت يدهآ حتى تسحب السآآعه وتضمهآ بين كفوفهآآ ..
‎أنتهت أعقآب السيجآآرة ألي كآآنت بتدلهآ على منقذهآآ ..
‎ومآبقى منه هالحين غير ذكرى مخفيه عندهآآ ..
‎يمكن هو مآآيعرف أنه ترك عند من أنقذهآآ هالسآآعة ..
‎الشي ألوحيد ألي بيظل معلق على أنوآآر ذكرى غآآبت ...
‎بلعت ريقهآ بسرعه ولفت أول مآآسمعت خطوآت جدتهآآ تدخل غرفتهآآ ..
‎الجده حمده : يآآآرب رحمتك وعفوك ... لاااأله ألا الله ..
‎عقدت حوآجبهآ وصدت عن جدتهآ وعلى طول فركت عيونهآآ مآآتبي شي
‎يبآن عليهآآ .. رمت السآعة فالدرج وسكرته بقوة ..
‎الجده حمده : أفتحي الكبت أشووف ..
‎ليليآن لفت بكآمل جسمهآ صوب الجده ألي جلست على سريرهآ : وشوووو ..؟
‎الجده حمده : قلت أفتحي الكبت بشوف لج ملابس زينه تلبسينهآآ ..
‎ليليآن بنرفزة : ليه وش فيه هالقميص ألي لابسته .. يمه ترآآي بديت
‎أنغث من طآآري هالملابس ..وش صآآير ..؟ وآحدن يبي يشري لي ملابس
‎وأنتي تبين تنقين لي من الموجود .. محسسيني اني جآآية من كوكب زحل
‎مآعرف ألبس
‎الجده حمده ترفع يدهآ بصرآآمة : خلي عني الهذرة ألي مآلهآ لزوم .. زوجج بيوصل
‎هالحين .. أبيج تستقبلينه بالأبتسآآمة واللبس الزين ..
‎ليليآن بطنآزة : مآ أنآآم معه أحسن ...!
‎الجده حمده بعصبيه : وبعدين بهاللسآن الوذي .. أسكتي لاحد يسمعج وتفضحينآآ ..
‎تقول مآنتي حلاله .. عووووذه ..
‎ليليآن تأشر بيدهآ صوب الجده : يمه والله مآلي خلق .. نفسي ضآآيقه .. تبيني
‎أروح ألبس وأتكشخ ..وأبشرتس مآآحدن سآآمعنآآ ..
‎الجده حمده : والله ..............
‎ليليآآن ترفع أيديهآآ : خلااااص .. خلاااص ..بفتح مغآرة علي بآبآ .. ولا يهمتس ..
‎ضمت شفآيفهآ وهي حد الأخلاق معهآ زفت ..
‎ولاهي في وقت يسمح لهآ بهالي تقوله الجده ... تحركت صوب الدرج
‎وفتحت طرف منه .. ومآهي لحظآآت وأنحنت حتى تفتح الطرف الثآني ..
‎دفته حتي صآآر الكبت مفتوح كله وكل شي مكشوف فيه ..
‎بس فجأة أنحنى طرف وطآآح قبآآلهم
‎ليليآن : هآآ أستلمي .. مو قآآيله لتس أبي كبت جديد يمه .. والله طقت رووحي
‎وأنآ بس أطقطق فيه .. قسسم قآم يكسر خآآطري من زمآآن
‎متوفي هالكبت وأنآ متمسكة فيه ..
‎حطت الجده كفوف يدهآ على ركبهآ وببطء قآآمت حتى تروح للكبت وتوقف
‎قبآآل ملابس بنيتهآآ ...
‎الجده تعقد حوآجبهآ : بلاج يمي مآآعندج ملابس لطلعة ألا شوي .. لالا .. لازم نروح السوق
‎كود تتقضين أغرآآضج مرة وحدة ...
‎ليليآن ترفع حوآجبهآ بأستغرآآب : يمه .. الملابس مكومة عندتس وتقولين
‎مآآعندي ..
‎الجده مآآعطت كلامهآ أي أهميه : من الصبح بحآول في لافي يآخذج السوق
‎ولا العصريه ويروح معج عبآدي ..
‎ليليآن بربكة : لا وش أرووح لحآآلي .. أنآ مآآعمري طبيت السوق خزنة مرة
‎أبوي هي ألي كآآنت تروح تشري لي قمصآآن وشآآمبو بسس ..
‎الجده حمده :هي ألي كآآنت تشري لج .. ليه وش رآدهآ مآتآخذج ...
‎ليليآن تمسك طرف البآب وتميل بجسمهآ : مدري .. صرت أعرف بالي تشريه لي ..
‎ههههههه ... أبوي تسآن يعطيني الفلوس بيدي يقولي روحي أشري ألي نآآقصتس ..
‎بس لارآح تجي وتسحبهم مني وتقولي أنآ بشري لتس ألي تبين ..
‎عآآد تشري لي قمصآآن .. أنآ وش ورآي غير طلعة للحلال مع أبوي ...
‎ظلت سآآكته تطآلع فيهآآ ...
‎هالحين عرفت كل شي ..
‎مستنكرة كلامهم لأنه شي تعودت عليه هنآآك ...
‎عآزلتهآ خزنة ع البنآت ألي بعمرهآ وتآآركة روحتهآ مع أبوهآ حجة
‎تلبسهآ اللبس ألي ع مزآجهآآ ..
‎تذلهآ وتدمرهآآ ... وفوق هالشي .. تحس أنهآ تتحمل مسؤليه
‎هالبنت .. كم صآآر لهآ موجودة عندهآ وبسبب كلام النفآق والكذب
‎شآلت عليهآ بدون ذنب ..
‎هالبنت عندهآ طآآقه تتحمل وتتجآهل وتبتسم ..
‎الجده حمده : حسبي الله عليهآ من حرمة .. ( رفعت يدهآ رآميتهآ بوجه ليليآن )
‎هذي يمي تبي تذلج وتذوقج الويل .. بس أنتي مآآخذتي بالج لهآآ ولا
‎لتفكيرهآآ النجس ... أشغلج الله بروحة الحلال والونآسة مع أبوج ..
‎ليليآن : عآآدي .. هههه .. أشكرهآ وأبوس رآآسهآآ بعد لاشرت شي ..
‎هههههه ..
‎الجده حمده أبتسمت ع كلامهآ : ريح الله بالج والله ..
‎ليليآن : يمه عآآد من صدق تبيني أروح لسوق .. والله مآآعرف وش أشري
‎أخآآف أتوهق وأضيع فلوستس بلا نفع .. ( سكتت أول مآآطرت عليهآ فكرة
‎وعلى طول تكلمت ) طيب يمه يصير تدقين على منآير ..
‎هي طيبه و...
‎الجده قآطعتهآ بصرآمة بعد مآآفهمت قصدهآآ: شنوووو ..أقول منآير مآطلعت
‎من بطن أمهآ متعلمة .. شنو ورآآج مآتتعلمين ..؟؟
‎شنو يحدج على رآي فلان وعلان ...هآآ .. تروحين لسوق وتشوفين
‎اللبس ..أذآ أعجبج شي أشريه وأذآ لا أجليه لروحتن ثآآنيه ..
‎ليليآن : طيب مآآبي لافي هو ألي يآخذنآ .. وبعدين أبيتس تروحين معي ..
‎الجده تأشر على قميص أحمر لفت أنتبآهآ : هذآ ألبسيه هالحين .. وتعطري
‎وأطلعي لي أزين شعرج .. بسرعه ..
‎ليليآن حطت يدهآ على فمهآ وصرخت : لاااااااااااااااااااااااااا ... تكفييييين يآجدة
‎ألا هالقميص .. مخصر تقول فستآآن وفيه فتحآت تهويه من تحت ..وعلى كل ذآآ
‎يلصق ع الجسم .. أنآ في بالي أرميه جآآيب لي المرض ..
‎الجده برضآ : هو أنآ مآ أشرت عليه ألا أني عآآرفه أنج مآآعمرج لبستيه ..
‎تعوذي من أبليس وألبسيه .. يلا ..
‎ليليآن بأصرآر : لالالالا .. وشش ألبس هالقميص والله يآجده مآآآشفتيه ولا تسآن
‎حذفتيني أنآ وهالقميص برآآ ..مدري كيف صآآبني الحول وشريته
‎من بسآآطتكم ذي ألي شفتهآ السنه ألي فآآتت .. يممممه .. يممممآآآآآه ..
‎تمشي بهدوء وقبل لا تطلع سحبت البآآب وسكرته ...
‎مآآهتمت لهذرتهآ أو بالأصح تعودت عليهآ ..
‎على تمردهآ
‎على عنآآدهآآ ..
‎ومآتدري أذآ لافي نفسه بيتعود على طيشهآ وجنونهآ في بعض الموآآقف
‎ولا بيتمرد أكثر حتى يحكم قبضته عليهآآ ...
‎ليليآن تسحب القميص يقهر : هآآ .. هذآ ألي تسآآن نآقصني والله ..
‎وفي مكآن قبآل البيت .. أستقرت رجوله على الأرض ... ببنطلونه الجنز
‎وذيك البلوزة ألي مآزآآلت على وضعيتهآ رآآسمه تفآصيل جسمه .. أزآآرير مفتوحة يحآول فيهآ
‎أستنشآق عبير البوح .. بلوزة أخذهآ من غرفة طلال بعد مآ أمتلى التي شيرت
‎ألي كآآن لابسه بالمآي وهو بعبث يغسل وجهه وأذآ
‎فيه بمحآولة يآآئسة يترك المآي ينزل على صدره .. يمكن تنطفي
‎من برودته الجمرة المشتعله دآخل ضلوعه ...
‎طلال ألي للحين مقآسآتهم وحدة رغم أختلاف السن ..
‎رفع يده بعبث وحطهآ على صدره وعيونه متعلقه على بآآب الشآرع المفتوح
‎ع الأخر .. خصلتين تمآيلت على جبهته متمردة من شعره المبعثر ...
‎مآزآآل عليه يقرآ خلاصة الأحدآث قرآآيه حذرة ..
‎عليه يهيأ نفسه لشي أكبر ..
‎كيف أستغلت نقطة ضعفه .. كيف حطمت جدآآر الصمت ألي يحوط قلبه ..
‎كيف مآآبين جملتين بس أنهآآر ..
‎مآآيدري ..