Tenses of Love (Tennis Knights #9)

Kabanata 5

Kabanata 5

"I REALLY can't believe it. I've been dumped by a girl!" narinig ni Enzo na ani Les.

"Kaysa naman lalaki, 'di ba?" ani Rein.

Nagpatuloy si Enzo sa pag-aayos ng line-up para sa friendly match laban sa SLU. Naging abala siya kay Allie kung kaya't ngayon niya lamang ito nakaharap. He did not mind it. She needed him. And he vowed to be with her.

"Hindi 'yan ang ibig kong sabihin, bulinggit."

Alam niyang ang tinutukoy ni Les ay ang ex-girlfriend nito. Hindi man halata pero updated siya sa mga kaganapan patungkol sa mga kaibigan niya. He might not show it but he cared even just a little bit.

"Hindi mo pa sinasabi sa 'min kung bakit ngayon ka lang nagpakita, coach." Nalipat sa kanya ang pansin ng mga kaibigan dahil sa sinabi ni Cloud.

"Oo nga. Kulang na lang kumuha ng Search and Resque Party 'tong si Reus, eh," segunda ni Chuck.

"Concern lang ako kay captain," saad ni Reus.

Hinilot ni Enzo ang sentido at saka tiningnan nang masama ang mga kaibigan. Kagaya ni Allie ay hindi rin siya pumasok sa durasyon ng burol at libing ni Tita Nella. Nakalimutan niyang sabihan ang mga kaibigan niya. Good thing Les was a good vice-captain. He took care of the club while he was gone.

"What happened, Enzo?" tanong ni Chase.

Napabuga ng hangin si Enzo. "A friend's mother had died," simpleng sagot niya.

"Oh. Condolence," sunud-sunod na ani ng mga lalaki.

Then.

"Whoa. May kaibigan ka bukod sa 'min, captain?"

"Sino? Saan? Paano? Kailan?"

"May nakatiis sa 'yo, coach?"

Hindi lubos-maisip ni Enzo kung papaano niyang nakaya na maging coach-cum-captain ng tennis club nila lalo pa't ganito ang hina-handle niya.

"Silence!" sigaw niya. Nang matahimik ang mga ito ay nagpatuloy siya. "Dalawang araw mula ngayon ay ang friendly match natin laban sa SLU."

"Tch. I don't see the need to practice. They're a bunch of sissies," seryosong ani Guji.

"Kapag natalo ka, nognog, tatawanan kita."

"Shut up, parrot. Ikaw ang matatalo, hindi ako."

"I said silence!"

Natahimik na ang mga ito. Daig pa ng mga ito ang babae kung mag-usap. Akmang babanggitin na ni Enzo ang line-up para sa friendly match nang mag-vibrate ang cell phone niya tanda na may tumatawag. Nang makita ang pangalan sa screen ay kaagad siyang tumayo.

"Les, tell them the line up for the match. I'll take this call."

Nang makalabas sa locker ay sinagot niya ang tawag. "Allie."

"Renz! Susunduin mo ako, 'di ba? Baka ma-late ako ng uwi, eh. Puwede bang mga six mo na ako sunduin?"

"Bakit?"

"May gagawin kaming project nila Avi. Classmate ko. Bukas na pala kasi 'yong pasahan."

Pinakiramdaman ni Enzo ang tinig ni Allie. It seemed like she was fine. That was good. He was being worried for nothing it seemed.

"Okay."

"Thanks."

Bago pa man putulin ni Enzo ang tawag ay idinugtong niya sa mahinang tinig ang, "Take care."