KABANATA XXXII (UNEDITED)Nagising ako sa sinag na tumatama sa mukha ko. Ang sakit sa mata! Tinakpan ko ng kamay ang mga mata ko bago ko dahan dahang iminulat ito. "Anong oras na ba?" mahinang tanong ko sa katabi ko pero wala akong sagot na naririnig kaya sumilip ako rito.
Nasaan si Kreed? "Good Morning, My Lady." may biglang humalik sa noo ko at umupo sa tabi ko. "Let's have a breakfast." kinusot ko muna ang mata ko tsaka tinignang mabuti ang lalakeng tumabi sa akin. Ang pogi naman.
"Toothbrush muna ako." tumayo na ako at pumunta sa bathroom para maghilamos at mag-toothbrush. Kamusta naman kasi yung halos ala-una na ata natapos yung party. Antok na antok na ko non at kulang nalang eh matulog ako ron sa kinauupuan ko kagabi.
Pagkatapos kong maghilamos at mag-toothbrush ay tinignan kong mabuti ang ilalim ng mata ko sa salamin. Hindi pa naman ganon kahalata yung eyebags ko pero antok pa rin talaga ako hanggang ngayon.
Pagkalabas ko sa bathroom ay nakita ko na si Kreed na nakaupo sa harap ng maliit na bilog na table. Dalawa lang ang upuan nito kaya doon ako naupo sa bakante. Puno ng pagkain ang maliit na lamesa. Iba't ibang handa at karamihan ay gulay at prutas.
"Kagabi, hindi ko nakita yung dagat. Pwede ko na bang puntahan 'yon ngayon?" tanong ko kay Kreed habang namimili ako ng kakainin ko.
"After this, sasamahan kita sa dulo ng barko." kinilig ako sa narinig ko at mabilis na kinain ang sandwich na hawak ko. Kahapon ko pa gustong pumunta roon na pati ang kalamnan ko ay nangangatog na sa sobrang pagkakasabik kong makalabas ng kwartong ito.
"Tapos na ko! Pwede na ba tayong pumunta?" nagulat pa ng bahagya si Kreed at matamang tinignan ako. Natawa ito at ibinaba ang tasa ng kape'ng hawak nya. Nilinis nya ang gilid ng kanyang labi gamit ang puting table napkin na nakapatong sa gilid ng lamesa.
"You really are excited huh?" nangigising saad nito. Hindi ko kinaya ang kagwapuhan taglay nya habang ngumiti sya kaya nagmadali na akong tumakbo palabas. Ayokong makita nya kung paano mamula ng husto ang mukha ko dahil lang sa simpleng ngiti nya.
Agad ko namang nahanap ang dulo ng barko dahil sa bilis ng takbo ko. Ang lakas ng hagupit ng hangin mula rito. Nilingon ko ang likuran ko para tignan ang ikalawang palapag ng barko kung saan mas makikita mong mabuti ang dagat.
Sapat na para sa akin ang pwesto ko. Hinanap ng mata ko si Kreed pero wala pa sya. Muli akong tumingin ng diretso sa dagat at itinaas ang dalawa kong kamay ka-lebel ng balikat ko. Ipinikit ko ang mata ko at tumingala sa langit. "Neaaar~ Faaar~ Whereeever you are~ I belieeeve that the heart does go ooon~"
Napatigil ang pagkanta ko ng makarinig ako ng mahinang hagikgik na nanggagaling sa aking likuran. "Kreed?! Ano yang ginagawa mo?!" lumapit ako sa kanya para hablutin ang camera'ng hawak nya na naka-tutok sa akin. "Kanina ka pa ba rito?!" nahihiyang tanong ko.
Wala man lang pasabi ang isang 'to na nandito na pala sya malapit sa akin. "Continue singing, Eleanor." parang nangungutyang sabi nito habang halatang pinipigilan ang pagtawa.
"Kreed naman! Vinideo'han mo ba ako?" sabog pa naman lagi ang boses ko at wala talaga akong katale-talento sa pagkanta.
"Yes, and you sounded like an angel." tinalon talon ko na ang camera para maabot ko. Kung hindi ako nagkakamali ay ito rin ang parehong camera na ginamit namin nang nagpasyal kami sa Spain dati at hanggang ngayon ay hindi ko pa nakikita ang litratong laman nito.