သူ မသိသောအခြားတစ်ဖက်၌ ( Part - 18 )
〰〰〰〰〰
ရန်ကုန်အပြည်ပြည်ဆိုင်ရာလေဆိပ်ကိုရောက်တော့ ဖွေးသည် ရုတ်တရက်ပျော်ရွှင်သွားပြီး ကောင်းကင်ကြီးကို မော့ကြည့်လိုက်မိသည်။
မြင်နေကျအရောင်ထက် ပိုပြီးပြာလွင်နေသလို ဒီမြေရဲ့ကြိုဆိုပုံက ရင်းနှီးနွေးထွေးလွန်းလှသည်။
Singaporeမှာ ၃ရက်လောက်အချိန်ယူပြီးမှ ဒီကိုခိုးထွက်လာခဲ့၍ မေမေ မသိလောက်။
မြန်မာပြည်ကို ခြေမချရဘူးဆိုသည့်ကတိကို ချက်ချင်းချိုးဖောက်ပစ်မိသည်မို့လည်း မေမေ့ကိုအားနာမိပေမယ့် မေမေညစ်မှတော့ ဖွေးလည်းပြန်ညစ်သင့်သည်မလား။
မန္တလေးကိုချက်ချင်းရောက်လာတော့ ဖွေး အဆောင်တွေမှာမနေတတ်၍ တိုက်ခန်းငှားဖို့ကြိုးစားတော့ မြရည်နန္ဒာဘက်မှာ အိမ်လေးတစ်လုံးရလိုက်သည်။
အိမ်ဆိုပေမယ့် နှစ်ထပ်တိုက်အိမ်လေးမှာ အောက်ထပ်ကအိမ်ရှင်မိသားစုနေပြီး ဖွေးကအပေါ်ထပ်တစ်ထပ်လုံးငှားလိုက်ခြင်းဖြစ်သည်။
"ဖွေး ၆လစာချုပ်မယ် ၆လပြည့်မှနောက်ထပ်စာချုပ်မယ်"
အိမ်ရှင်မိသားစုကလည်း သဘောကောင်းသူတွေမို့ ဖွေးလိုအပ်သမျှကူညီပေးသည့်အပြင် ဆိုင်ကယ်ပါ ဝယ်ပေး၍ ဖွေးအတွက်ပိုအဆင်ပြေသွားသည်။
ဆိုင်ကယ်ကိုသိပ်မမောင်းတတ်ပေမယ့် အော်တိုဂီယာတွေပဲမို့ အဆင်တပြေတော့ရှိသည်။
ပထမခြေလှမ်းအနေဖြင့် မေမေ့မွေးရပ်မြေ မန္တလေးကိုရောက်ခဲ့ပြီမို့ ဘယ်ကစပြီးလုပ်ရမလဲစဥ်းစားမိတော့ ခေါင်းထဲမှာ ဘာမှမရှိ။
မေမေသည် မန္တလေးမှာမွေးခဲ့သည်ဆိုတာကလွဲလို့ ဘာမှမပြောခဲ့သလို ဖေဖေဆိုသည့်ယောကျာ်းတစ်ယောက်အကြောင်းကိုလည်း အမြဲလိုလိုထိန်ချန်ထားသည်။
ဖွေးမှာ မေမေနဲ့ဖွေးငယ်ငယ်က ဓာတ်ပုံလေးတစ်ပုံသာပါလာခဲ့၍ ထိုဓာတ်ပုံလေးကိုပဲ ဖွေးအားကိုးရမှာဖြစ်သည်။
"နေရတာ အဆင်ပြေရဲ့လားသမီးလေး"
"ပြေပါတယ် နေရာအသစ်မို့လို့လားတော့မသိဘူး ဖွေးအရမ်းပျော်နေတယ်"
"ကျန်းမာရေးကိုဂရုစိုက်နော် နေမကောင်းရင် ဆေးခန်းသွားပြ အမဲသားမစားရဘူးနော်"
YOU ARE READING
သူ မသိသောအခြားတစ်ဖက်၌
Romanceနင် ငါနဲ့ပဲနေရမယ်၊ နင့်ကိုငါပဲပိုင်ရမယ်••• ငါ မသိတဲ့နင့်ရဲ့တခြားတစ်ဖက်မှာ ဘာတွေပဲရှိနေ ရှိနေ ငါမသိချင်ဘူး..... ငါသိတာက နင်က ငါ့အပိုင်ပဲ Start Date - 21 April 2022 End Date - 22 May 2022
