သူ မသိသောအခြားတစ်ဖက်၌ ( Part - 16)
〰〰〰〰〰သူမ တံတားဦးဘက်သွားခဲ့သည်ဆိုသော အကြောင်းကြားလာမှုကြောင့် အလုပ်တွေပစ်ထားခဲ့ပြီး ရုံးကနေ တံတားဦးကိုထွက်လာခဲ့သည်။
တံတားဦးကိုရောက်မှ မြူမရှိတော့မှန်းသိလိုက်ကာ ထိုမှာညအိပ်ပြီး လားရှိူးဘက်ထွက်သွားသည်ဟု ထပ်သိလိုက်ရသည်။
ဘယ်က ဘယ်လိုသွားသည့်လမ်းကြောင်းမှန်းမသိပေမယ့် မြူကတော့ အသေအချာစီစဥ်ထားသူမို့ သူ လိုက်မမှီခဲ့။စိတ်ပျက်လက်ပျက်ဖြင့် မန္တလေးကိုပြန်လာတော့ မှောင်ပင်မှောင်တော့မည်ဖြစ်ကာ တံတားဦးအထွက်နားရောက်မှ ကားကထိုးရပ်သွားသည်။
ဝမ်းနည်းစိတ်ပျက်မှုတွေက ဒေါသအဖြစ်ပြောင်းသွားပြီး ကားပေါ်ကဆင်းကာ ဒီကားကို မီးရှို့ပစ်ဖို့အကြံဖြင့် မီးခြစ်ကိုထုတ်လိုက်စဥ်..."ဦး ကားပျက်နေတာလားဗျ"
စွပ်ကျယ်အင်္ကျီအပြဲလေးဖြင့် စက်ဆီတွေပေတူးနေသည့် ၇နှစ် ၈နှစ်အရွယ်လောက်ချာတိတ်လေးက စက်ဘီးလေးတစ်စီးဖြင့် အနားရောက်လာ၏။
ဒေါသဖြစ်နေ၍ မျက်နှာခပ်တင်းတင်းဖြင့် ခေါင်းညိတ်ပြလိုက်တော့ ထိုချာတိတ်လေးက ကားစက်ဖုံးကို ခြေဖျားထောက်၍ မနိုင့်တနိုင်ဖွင့်ကြည့်သည်။"ဟိတ်.. မင်းဘာလုပ်တာလဲ ဒီအဖုံးကမင်းအပေါ်ကျရင် မင်းတစ်ခုခုဖြစ်သွားလိမ့်မယ် နားလည်လား"
"ကျွန်တော်သိပါတယ် ကားလည်းပြင်တတ်ပါတယ်"
"မင်းက"
ကားပြင်တတ်သလားဟု ထပ်မမေးနိုင်တော့သည်က ထိုချာတိတ်လေးသည် စက်အစိပ်အပိုင်းတွေကို တစ်ခုချင်းလိုက်စစ်နေ၍ဖြစ်သည်။
ဒီကလေး ငယ်ငယ်ရွယ်ရွယ်လေးနဲ့ ဉာဏ်ကောင်းလှချေလား။"ဦးရဲ့ကားက ဘာမှမဖြစ်ပါဘူးဗျ ဆီကုန်သွားတာပါ"
ထိုအခါမှ တံတားဦးမှာ ဆီမထည့်မိခဲ့သည်ကိုသတိရပြီး ဘေးကိုဝေ့ကြည့်မိတော့လည်း အနီးနားမှာဆီဆိုင်မရှိ။
အိမ်ကတစ်ယောက်ယောက်ကိုသာ ဖုန်းဆက်လိုက်ဖို့ ဖုန်းကိုထုတ်နေချိန် ထိုချာတိတ်လေးကတော့ စက်ဘီးလေးပေါ်ပြန်တက်ကာ...
YOU ARE READING
သူ မသိသောအခြားတစ်ဖက်၌
Romanceနင် ငါနဲ့ပဲနေရမယ်၊ နင့်ကိုငါပဲပိုင်ရမယ်••• ငါ မသိတဲ့နင့်ရဲ့တခြားတစ်ဖက်မှာ ဘာတွေပဲရှိနေ ရှိနေ ငါမသိချင်ဘူး..... ငါသိတာက နင်က ငါ့အပိုင်ပဲ Start Date - 21 April 2022 End Date - 22 May 2022