သူ မသိသောအခြားတစ်ဖက်၌ ( Part - 3 )
〰〰〰〰〰"ခမ်း"
"Aww မှတ်မိသေးသားပဲ"
ထိုအခါမှ မြူခေါင်းလေးညိတ်ပြကာကြောက်ရကောင်းမှန်းသိသွားပြီး အောက်နှုတ်ခမ်းလေးဖိကိုက်ပစ်သည်။
ထိုအပြုအမူလေးကို သူသဘောကျမိသွားကာ စိတ်ထဲနူးညံ့သွားမိပေမယ့် နောက်ထပ်သူ့ကို အလေးမထားသလိုမလုပ်ရဲအောင် စိတ်ကိုပြန်တင်းလိုက်သည်။"ခြံစောင့်ကြီးပြောတော့ ခမ်း အိပ်သွားပြီဆိုလို့မစောင့်တော့ဘဲပြန်လာတာ ဘယ်ချိန်ကပြန်ရောက်နေတာလဲ"
"ကြာပြီ နင့်ကိုစောင့်နေတာ"
မြူ ခေါင်းလေးငုံ့သွားသဖြင့် မေးဖျားလေးကို ခပ်ဆတ်ဆတ်ဆွဲမော့ယူလိုက်သည်။
မတွေ့ရသည့်၄နှစ်အတွင်း သူမပိုပြီးလှလာသလို အနေစိမ်းသွားသလိုလည်း ခံစားလိုက်ရသည်။
တကယ်ဆို ၄နှစ်လုံး အဆက်အသွယ်မပြတ်ခဲ့ပါဘဲ ဘာလို့ဒီလိုစိမ်းကားနေတာလဲ..."နင် ငါပြန်လာမှာကိုမေ့နေတယ်မလား"
"မဟုတ်တာ ခမ်းရယ် ငါလည်းခုမှပုဂံကပြန်ရောက်တာပဲ တစ်နေကုန်မနားရသေးဘူး"
"ငါပြန်လာမှာကို ကြိုသိတယ်မလား"
"အင်း"
"အဲ့ဒါကို ဘာလို့မနေ့ကတည်းကပြန်မလာတာလဲ တော်ပြီ ဘာမှထပ်မကြားချင်ဘူး နင့်ကိုငါတော်တော်ဒေါသဖြစ်နေတယ် စိတ်တိုနေတယ် နင့်ကိုရိုက်သတ်မပစ်ခင်မှာ ငါ့ကိုဘာပြန်လုပ်ပေးမလဲ"
မြူက သူ့လက်ပေါ်ကနေ မျက်နှာလေးပြန်လွှဲကာ ခဏစဥ်းစားသလို လုပ်နေသည့်ပုံစံလေးတွေကို သူတကယ်အသည်းယားမိသည်။
မြူဟာ အရင်ကတည်းက သူ့အတွက်လှခဲ့သူဖြစ်ပြီး အခုအချိန်ထိလည်း သူမ လှနေဆဲ..."ခေါက်ဆွဲပြုတ်သောက်ရအောင်လေ ငါ ခုထိ ညစာ မစားရသေးဘူး"
သူခေါင်းညိတ်ပြလိုက်ကာ အိမ်ဘက်လှည့်ထွက်လာခဲ့တော့ သူမ နောက်ကနေပါလာခဲ့သည်။
၁၀နာရီကျော်ပြီမို့ အကုန်လုံးကကိုယ့်အခန်းထဲကိုယ်အနားယူနေချိန် သူနှင့်မြူကတော့ မီးဖိုခန်းမှာ...
သူမက apronဝတ်ပြီး အသားတုံးလေးတွေကို အရင်ကြော်ကာ ခေါက်ဆွဲထည့်ပြုတ်သည်။
ပြီးမှအသီးအရွက်တွေကို ရေဆေးပြီး ခေါက်ဆွဲအိုးထဲထည့်ကာ ကြက်သားမှုန့်ထည့်ပြီးမွှေပေးသည်။
YOU ARE READING
သူ မသိသောအခြားတစ်ဖက်၌
Romanceနင် ငါနဲ့ပဲနေရမယ်၊ နင့်ကိုငါပဲပိုင်ရမယ်••• ငါ မသိတဲ့နင့်ရဲ့တခြားတစ်ဖက်မှာ ဘာတွေပဲရှိနေ ရှိနေ ငါမသိချင်ဘူး..... ငါသိတာက နင်က ငါ့အပိုင်ပဲ Start Date - 21 April 2022 End Date - 22 May 2022